التلاتينات وكل ملامح وشة تجاعيد وتحت عنيه اسود جدا، ماسك بوكيه ورد أحمر ابتسمت وكلمته”
=عمو العفريت، ايه بتظهروا من غير دخان دلوقت.
“بص لي وسكت وكان مركز فى ملامح وشى كأنه بيحفظها”
=فين الدخان والدماء؟، فين الاختناق بالاتربة؟ ، فين الاصوات والهواء الدوامى اللى بيلف ده. فين قرونك وضوافرك والشوكه الحمرا فين ؟
_قرون.. ايه دى!! عيب اهدى ..وبعدين شوكه ايه هو انا شيطان؟
“بصيت ليه وضِحكت”
_وبعدين الافلام والمسلسلات الكورى دى والرعب بوظتلك دماغك، وازاى ياست هانم.. ازاى تشغلى فيلم رعب بصوت عالى إمبارح كنت هموت م الخوف، دى مش اصول جيران
=اسم الله عليك اتخضيت ياحرام، دا انا هخرب بيتك، دا انا هخلى كل أهل الحارة ياخدوا بتارهم منك على الفتره اللى عيشتهالهم فى رعب دى ، دا انا هجيب ليك البوليس وهخليهم يمرجحوك.
“بص لي وابتسم إبتسامه صفرا شبهه، وحدف بوكيه الورد تجاهى ”