رواية الحادية عشرة  ❤?كاملة ? جميع الفصول ?(من الفصل الأول إلى الأخير) كاملة ستعجبكم

­ ­ ­ ­ ­

ومختلفة، ومش بس كدا ياغرام انتِ هتعملى عمل خيرى عظيم هتساعدى كل ست ضعيفة ومكسورة بذاتها، وحضرتى للموضوع كويس والمكان بتاع الافتتاح خلاص اتحل ولقيتى قاعه حلوة فى البلد، واتفقتى على شركة الميديا اللى هتعمل ماركتينج ودعايا والاعلان لليوم ده ايه اللى مخوفك بس، اكتشفت اننا بنخاف من النجاح مش

 

الفشل دى حقيقة مؤكده، كل ما بتنجح كل ما الخوف بيتملكك اكتر”
_صباح الورد على احلى مديره جمعية فى العالم

_صباح الورد على احلى مديره جمعية فى العالم
=انت!!
_عايز اعرف بتتخضى ليه اما تشوفينى
=عشان مش بحس براحه
.
_غرام..
=انا اسفة يانور انا بس ليا فترة متلغبطة ومش فاهمة ايه اللى بيحصلى
_انا جمبك ومعاكِ
=ودا لحد أمتى؟
_نعم!
=متستغربش انا اتعودت ان اى راجل بيظهر فى حياتى بيختفى بعد فتره. بص يانور وفر كل المحاولات الغريبة دى عشان انا بجد تعبانه جدا، يمكن انا..
” قاطعنى فى الكلام، لقيته بيقرب منى وبيمد ايده بمنديل، طبعا ما انا عيوطة، كان لازم اتدرب برضو على فكره عدم العياط اثناء الكلام الموضوع مزعج انا اقوى من كدا اصلا ”

_يمكن انتِ مش مبينة إنك تعبانة، مش مبينه إنك كل شوية بتفقدى جزء من غرام وعماله تحاربى وتعافرى، بس من جواكِ مش قادرة، ولا حتى قادرة تتناقشى ولا تناهدى، ووجودى ملخبطك واختفاء وسيم شاغل بالك فى بتتعصبى ازاى هو قرر الهروب وانتِ بتفكرى فيه، وخروج يوسف بعد ما اتنازلتِ عن القضية إمبارح موترك.

“اتصدمت، هو ازاى عرف كل اللى بفكر فيه؟!، اكيد فريدة حكتله، بس انا محكتش مع فريدة اى حاجة من دى”
_مصدومة كدا ليه؟
=عشان انا مش فاهمه انت عرفت دا كله ازاى! وانا محكتش فيه مع حد حتى مع نفسى
_اللى بيحب حد ياغرام مش محتاج حد يحكيله الطرف التانى بيحس بايه.
=نور لو سمحت.
_انا بحبك، بحبك ياغرام ومن زمان وانتِ عارفه كدا كويس، يمكن كنت طفل مراهق حابب السفر والخروج بره وكليه الطب عشان حلمه، غير بابا وضغطه الله يرحمه خلونى اتخلى عنك، بس مكنش سهل ابدا عليا، وحاولت ياغرام حاولت كتير. انتِ اللى كنتِ بتلغى الاد وبتبلكينى من كل حته صح؟! قولت خلاص يانور هى كرهتك وبطلت تفكر فيك.
=نور خلصت؟
_ايه!!مشاعرى واعترافى ليكِ بحبى بتقابليهم بردك كدا، دا بجد؟
=بص ياابن الناس، انا متلغبطة وانت لسة قايل دا بلسانك حالا، وبصراحة معنديش اى طاقة انى ادخل علاقة تانية بعد اللى حصل لى.
_ولا قصدك جيت متأخر ووسيم عرف يقنعك بيه.
=نور..ايه اللى انت بتقوله دا؟
_غرام ارجوكِ، ردى انتِ حبيتِ وسيم؟ انا عارف انك إنسانة صريحة وعارف إن الصفة دى متغيرتش فيكِ.
=لا يانور اطمن انا محبتهوش، ولا عندى مشاعر باقيه إيها لحد، كل الحكاية انى اتعودت عليه وفجأة اختفى دا لغبطنى، وعشان كدا بقولك مشاعرك الجميلة والنبيلة دى مش ليا انا، يمكن انت لما شوفتنى حسيت بمشاعر وذكريات زمان مش اكتر، لكن يانور انا اتغيرت واتجوزت واتطلقت ومعايا بنت. انت متخيل!! نور خلينا اخوات احسن والله هتلاقى احلى واجمل منى مليون مرة ابدا حياتك مع وحده شبهك متجوزتش تكون انت اول حد فى حياتها، ورقم واحد لكن انا عندى بنتى دلوقت هى رقم واحد ومن بعدها اى حاجة.
_انا استحق فرصة مش كدا؟
=يانور انت انسان لطيف، وجميل بجد تستحق كل الحاجات الحلوة اللى فى الدنيا بس مع غيرى مش انا.
_بس انا مش عايز اى حاجةحلوة من الدنيا غيرك ياغرام، ومش عارف احب حد غيرك ياغرام، تقدرى تقوليلى ليه ما ارتبطش؟ لحد دلوقت لانى مش عارف احب حد غيرك،مش عارف مااشوفش وشك فى كل واحده، جايز مكونش فى خفة دم وسيم، وجايز مااكونش كاريزما زى ماانتى قولتِ عنه، بس الجايز والمؤكد كمان ان قلبى بينبض بحبك انتِ، ادينى فرصة، اعوضك عن اللى عمله يوسف، وعن اللى عمله عمو عادل، ادينى فرصة املى المكان اللى تركه وسيم، ادينى فرصة اكونلك نور لطريقك وسند لتعبك، ادينى فرصة اكونلك اب وحبيب وصديق وزوج، ادينى فرصة اكون اب لآيسل وصديق ليها ومعين ليكِ فى تربيتها، انا بحبك، بحبك ياغرام ومش هعرف اعيش فى غرام مع حد تانى غيرك انتِ.

“سيبته،حسيت بلغبطة ومشاعر مختلفة واحاسيس بقبول، واحاسيس بعدم راحه لشخصه ، احاسيس مقارنه بينه وبين وسيم. وسيم اللى قرر يهرب ونور اللى واجه واعترف وافصح. اعمل ايه، من حقى فرصة تانية؟ ولا مش من حقى وكفا ية تخبيط لقلبى اكتر من كدا، وهل انا صح؟ ولا وسيم ممكن يرجع؟ حتى لو رجع دا شخص بيهرب لمجرد مابيقرب.. الحل الأفضل هو النوم اهربى ياغرام من كل وحوش افكارك اللى بتنهش فى دماغك بسرعة، اهربى ياغرام ونامى”
________________________________________________
|بعد مرور ايام وفى صباح يوم جديد |
_تقدرى تقوليلى هتفضلى كدا لحد امتى انتِ ناسية إن افتتاح جمعيتك النهاردة
_قوليلها يا فريدة يابنتِ، دى ليها كام يوم مبتكلش ولا بتشرب بصِ خست ودبلت ازاى.

“من بعد ماقابله نور بقيت متلخبطة ومش حابة الكلام ولا حابة وحود حد حواليا خايفة على إقدام الخطوة دى، وبالذات لما طلع يوسف من القضية يعلن زواجه على ليلى دا شئ لغبطنى اكتر، خوفت اخد قرار يكون قرار متولد من عِند جوايا، بسبب يوسف، الغريب ان وسيم بيجى على بالى حتى بعد هروبة وعدم ظهوره، بس هما معاهم حق طنط كريمة، وفريدة ليهم كل الحق انا لو فضلت هنا فى مكانى كل حاجة هتتهد، يلا ياغرام هانت قومى، كملى انتِ بطلة تشجعى شهيق وزفير يلا كلميهم،يلا اضحكى، يلا اجرى وارقصى، انتِ النهاردة هتكسرى الدنيا”
=و حياة قلبى و افراحه .. و هناه فى مساه و صباحه
ما لقيت فرحان فى الدنيا زى الفرحان بنجاحه
_بسم الله ايه يابنتى دا خضتينى ما انتِ لسه كنتِ صامته ومبتتكلميش
=اتخضيت ياكوكو ، ياطنط انا كنت ساكته بوفر كلام وطاقة وبخزنهم للنهارة.. جماعه انا حاسة ان النهارده فرحى ياجدعان.. عايز كله يبقى تمام.
_لا انا بقول نغنى لحليم احسن ياغرام يابنتى
=ومالو ياطنط دا حليم دا القلب ايسل، فريدة ، طنط كوكو واحد اتنين تلاتة
«و حياة قلبى و افراحه .. و هناه فى مساه و صباحه
ما لقيت فرحان فى الدنيا زى الفرحان بنجاحه
دا حلم جميل فى خيالنا
و لا غابش فى يوم عن بالنا
و بنا لنا قصور
و فرشها زهور
لحياتنا و مستقبلنا»
“بمجرد ما غتيت وضحكت واتكلمت حسيت بمود مختلف، واحنا زى الاطفال بنلف دايرة حوالين بعض وبنغنى، مليانة توتر كلها ساعات وحلمى يتحقق دا بجد،؟ انا هتكلم النهاردة، وهعلن عن اهداف ومبادئ الجمعية، انا هحقق حلم حلمته”
_غرام هنعمل ايه دلوقت، انا اخدت اجازة، وايسل مرحتش المدرسة ورامى جاى فى الطريق وادى طنط معانا وعمو طالع.. مش المفروض يكون فى خطة وهتقسمينا
“ابتسمت وشاورت على كشكول الإنجازات”
=كله مترتب ياكبيره، دلوقت عمو كامل هياكد على كبار البلد هنا الدعوه وصلتلهم ولا لاء. واتفضل الدعاوى علسان لو فى حد فعلا موصلهوش ترجع تستعد علطول ياعمو كامل للتحرك للقاعة.
(عمو كامل): تمام ياغرام يابنتِ بالتوفيق لينا إن شاء الله.
=امين ياعمو كامل اللهم أمين.
=ايسل مهمتك إنك تتأكدى اننا لايف على كل مواقع السوشيال ميديا وهتكونِ مكلفة ب ده انا واثقة فيكِوهيكون معاكِ عمو رامى كل شوية هيتأكد انك تمام او محتاجة مساعده واحنا هناك.
ايسل: تمام ياحضرة المديرة العظيمة، بصى ياماما انا فى واحده صحبتى هتيجى تساعدنى وكدا كدا عملنا بيدج باسمك وعملت حاجة على انتستجرام هتعجبك اوى بصى الاكونت ده.

“حضنتها وانا شايفها، فخورة بيا يمكن ماشفتش نظرة الفخر دى ولا مرة فى عنيها تجاهى،يمكن عشان عمرى ماكنت ناجحة”

= جميل اوى يا سولى تسلم ايدك وتفكيرك ياقلب ماما. فريدة عايزاكِ تتأكديلى ان كل اعضاء النادى اللى جمب بيت بابا جايين دول سيطهم عالى ولو شربوا بيتصورا دول هيفيدونا جدا فى الدعايا بالذات انهم سيدات مجتمع.
فريدة: تمام ياروما متشيليش هم كله تمام هظبط كل حاجة.
=طنط كريمة اتاكديلى ان كل الستات المُطلقات ابتدوا فعلا يمضوا وينضموا للجمعية وحاجة كمان تنزلى بسرعه تصلى كدا وتدعيلنا.
“حضنتنى، يمكن حضن طنط كريمة دا أكتر حضن بيثبتنى، بحسها أمى اللى مخلفتنيش، حضن مليان بحنية العالم وجماله”
=كدا ايسل فستانك فى اوضتك، فريده فستانك فى اوضة ايسل، البنت المصففة والميك اب ارتست جايين الساعة3 عايزة كل حاجة تخلص قبل 3 عشان نلحق نكون متواجدين فى القاعه الساعة 5 بالظبط.
” بعد ما مشيوا كلهم حبيت ربنا يباركلى فى الخطوة اللى بقدم عليها، اعظم سبيل للفضفضة هى الدعاء فى الصلاة، خلصت الصلاة، وكنت مرتبكة جدا وكلى توتر بحضر كل الكلام اللى هيتقال ليا فترة بس النهارده قررت اغيره كله واعيد صياغته وكتابتة من جديد ”
|الساعة الخامسة مساءًا |
“دخلت القاعة وانا لابسه فستان اسود وهيلز، وميك اب هادى وبسيط، ماسكة فى ايدى الورق اللى هلقى من خلاله الخطاب، القاعة مليانه ناس، واللى اتصدمت بيه نور وهو جمبه المحافظ. المحافظ مره واحده!. ناس كتير بتصور صمت رهيب وناس كتير بيبصوا عليا.. وكأنى سامعة اصوات تفكيرهم « هى دى اللى مجمعانا» صافحت المحافظ وكلى رهبة انى اطلع على الاستيدج، روحى بتتسحب، قلبى بيرقص من الفرحة، ابتسامتى مش مفارقانى، كل المشاعر وعكسها،”
_غرام متخفيش انا جمبك .
“كان نور بيقول الكلمات دى وانا فى عالم تانى وانا شايفة نفسى، وانا بضرب وبيتكسر عليا عصاية المكنسة، وانا حماتى بتتنمر عليا وعلى وزنى، وانا بتعالج من سكر وضغط، وانا بتذل وبشتغل شغلانه مش هدفى ولا كريرى عشان يتاخد منى فلوس، لقيت دموع عنيا قررت انها تفضحنى وتعلن وجودها لحد ما فوقت على اسمى بعد ما رامى عمل مقدمة بسيطة عشان يفوقنى واطلع ابتديت امشى وانا بحاول افصل عن الافكار اللى ف دماغى، مع اول درجة سلم وابتديت اشجعنى، يلا ياغرام، كملى ياغرام، انتِ بطلة مسكت المايك ”
=بسم الله الرحمن الرحيم ، انا غرام عادل مؤسسة وصاحبة جمعية كونِ انتِ.. تحية طيبة وبعد .. السيد اللواء / احمد إبراهيم محافظ الجيزة
أتوجه بكل الاحترام والشكر والتقدير إلى شخصكم الكريم، ولتشريفكم الإفتتاح.
حضرات السيدات والسادة المحترمين،
الحضور الكرام،
السلام عليكم ورحمة الله وبركاته
يطيب لما في كونِ انتِ أن نرحب بكم جميعاً في هذا المتنفس الجديد، وكل الترحيب لشخصكم الكريم باسمي وباسم جميع الأخوة بالمكتب المسير وجميع الأعضاء المتطوعين والمنخرطين ومن خلال هذه المناسبة أود أن أتقدم بفائق شكري وامتناني العظيم إلى كل من شارك في إنجاح إنشاء الجمعية ، وترجمة كافة أهدافها العظيمة على أرض الواقع، وأخص بالذكر في هذا المجال أعضاء المكتب المسير المتعاطفين والشركاء والمنخرطين والمانحين ورغم إمكانياتنا المحدودة، والفترة الزمنية القصيرة على تأسيس الجمعية، فقد استطعنا بفضل الله وبفضل العزيمة الصلبة والقوية للمشرفين عليها، اهلى والمؤمنين بى ان نضم حوالى ستمائة مُطلقة فى الجمعية، وثمان مئة إمراه ارملة تعول. استسمحكم عذرا أكمل حديثى بكلام عامى بسيط سلس تفهمه كل ست بسيطة جاية النهاردة حاطة أمل انه يدخلها رزق« كونِ انتِ» نقطة البداية لبنت لقيت نفسها فى اوائل التلاتين مريضة بسكر وضغط وسِمنة مفرطة، ست بتضرب وبتتهان وبتشتغل عشان يتاخد فلوسها ، وام تايهه مش عارفه تهتم ب اولادها ، ست ملهاش حد يحميها والمجتمع جاى عليها وبيذلها، علشان هى ست، انا هنا بكون جمعية لكل بنت لكل ست لقيت نفسها فى الشارع مش معاها مصدر رزق، انا هنا لكل بنت محتاجة حد يقف جمبها، محتاجة عيلة تحميها، انا هنا عشان تتعلمى حاجة جديدة وتكون ليكِ كرير مختلف، انا هنا هكون ليك صحبة، وام واخت وبنت، وهكون ليك سند، انا هنا علشان اوعيكِ واقولكم انها مش نهاية العالم ولا آخر المطاف دى بداية جديدة مختلفة فرصة تانية تعيشى فيها حلاوة الدنيا، فرصة تانية تكتشفى فيها جمالك وشخصك وقوتك الحقيقة. كونِ انتِ.
هنتعلم اقسام كتير فى كل المجالات.
هندرس وهنبتكر.
هنكبر وهنأسس مشاريع صغيرة.
هنكمل عشان تكونِ انتِ
وانا ابتديت وكلنا هنكمل سوا
والسلام عليكم ورحمة الله وبركاته
“صوت تصفيق حار، دموع عنيا مكنتش مخليانى اشوف كويس، بس كل الناس دى بتسقف وواقفين علشانى، مبروك ياغرام، مبروك يابطلة لأول حلم واول بداية”

يتبع……

“صوت تصفيق حار، دموع عنيا مكنتش مخليانى اشوف كويس، بس كل الناس دى بتسقف وواقفين علشانى، مبروك ياغرام، مبروك يابطلة لأول حلم واول بداية”
_مبروك ياغرام الناس منبهرة بيكِ وردود الافعال تحفة شايفة الناس .

“كانت جملة فريدة، وهى واقفة جمبى بتحضنى بعد إنتهاء الافتتاح، كنت حاسة إنى طايرة، لاول مره كنت عايزه اروح ليوسف واقوله انا اهو ناجحة، وبخس وجميلة بلبس فساتين زي البنات اللى كنت بتقارنى بيهم”
_فرحت اوى يامدام غرام بالإنجاز العظيم ده، ولما حكالى رامى انكم بتتواصلوا مع حد يوصلكم بالمحافظ اخدت الخطوه دى

=ا..الله يبارك فيك يادكتور نور، تعبتك شكرا ليك جدا.
_غرام عايزاكِ ثانية تظبطيلى الميك اب.
=ايه يافريدة بتشدينى ليه كدا بس فهمينى
_ندخل الحمام وافهمك.
“كانت مخنوقة جدا وبتشدنى بطريقة عشوائية لحد ما دخلنا الحمام و وكلى عصبية من طريقتهاا ”
=ايه يافريدة الطريقة دى، وميك اب ايه اللى هظبطهولك وانا بعرف احط عشان اظبط؟
_انا نور مش مريحنى.
“اتصدمت لطريقتها واتفاجئت بالجملة”
=فى ايه، انتِ جايبنى هنا عشان نور.
_اعترفلك ولا معترفلكيش يا غرام؟!
=ا اعترفلى.. انا انا حكيت لك اللى حصل.
_وبتتواصلوا ولا لاء ياغرام؟
_=ب بنتواصل هو فى ايه يافريدة انا مش فاهمه.
_انا اللى مش فاهمه ياغرام ازاى نور عاملك بكل رسمية من شوية، عاملك بنفس اول يوم شافك فيه، ومش بس كدا رامى بيقولى انه اتفاجأ لما عرف موضوع الافتتاح، مع انه كان عندك قبلها وجايبلك هديه.. ليه تصرفاته غامضه كدا انا مش مرتاحه له مش مرتحاله بربع جنية حتى .
“ضحكت لخوفها وتجميع السيناريو الغريب دا فى دماغها”
=اهدى يافريدة نور بس مش حابب يعرف اى حد حوالينا هو بيحب الخصوصية جدا، لحد بس ما اكون متأهله للفكرة دى هنعلنها فى اقرب وقت.
“اتنهدت، وحسيت بملامح وشها هديت”
_يعنى هو قالك كدا؟
=ايوة يابنتى مالك!
_بصراحة اترعبت طريقته كأنه مكلمكيش قبل كدا دا ممثل شاطر قوى، وحسيت بغموض اصل انا مش هخلص من وسيم يطلعلى نور.
=مش فاهمه تخلصى من وسيم ليه كدا كدا هرب متتعبيش
_بصراحة ياغرام انا…
=فريدة انتِ ليكِ علاقة بهروبه؟
_غرام بهدوء انا هفهمك …
=انطقِ يافريدة ليكِ علاقة بهروبه..ردى ساكته ليه؟!
_غرام، وسيم مينفعكيش انا روحت سألت دكتور قاسم وقالى ان شخصيته ومرضه خطر جدا على اللى حواليه يعنى ممكن يعاملك احسن معاملة وفجأه يتحول لشخص تانى خالص يتقلب وحش يفترسك انتِ وبنتك.
=عملتِ كدا ليه يافريدة دا الوحيد اللى خلانى احس انى ست، دا الوحيد اللى خلانى اعدى مرحلة صعبة او حتى مش أعديها خلانى اتخطى الكتير منها ليه كدا؟

_مينفعكيش، متعيطش مشفش دموعك، نور ينفعك ياغرام، دكتور وله مستقبل هيعلم بنتك أحسن تعليم وكان بيحبك زمان ورجع اعترفلك وحكتيلى، خليكى مع نور، نور دا هيعيشك ملكه ومش مريض.
=انتِ قررتيلى صح؟ انتِ خلاص بقيتِ المسئولة عنى! دى اختياراتى انا وحياتى انا يافريدة
“كانت بتبرر اللى عملته وبتشرحلى، قد ايه هى جرحته وفهمته على حكاية نور من البداية، مكنتش عارفة اتعصب عليها!.هخسرها؟ مش هيبقى ليا حد خالص لحد ما قالت الجملة اللى تستحق أثور ”

_ اختياراتك!! هه سلامات على اختياراتك، مش اختياراتك اللى خلتنا نحارب مع يوسف ووقفتى قدام أهلك عشان تتجوزيه وأهو النتيجة رماكى انتِ وبنتك..حتى حتى اهلك رموكى، انتِ ملكيش غيرى أسمعى كلامى
=فريددده، اطلعِ بره بس مش من حمام القاعه، اطلعى بره حياتى نهائى من النهاردة انتِ ملكيش أخوات خالص تمام.

_دا بجد عشان بحب لك الخير واحميكِ تعملى كدا، ليه ياغرام عشان واحد متخلف ومريض وهارب بمجرد ماقولتله ملكش دعوه بيها محاولش عشانك وقرر يسمع الكلام، متزعليش اوى كدا منى، لو الانسان عايز واحده بيحارب عشانها، لكن دا حتى محاولش يناقشنى سمع منى ونفذ وكأنها جاتله نجده م السما، ما هو الرجاله مبترتبطش بالمطلقة ياغرام بيكونوا شايفينها آله مستعمله زى م الكون كله شايفاك كدا.
=آله مستعملة! اومال نور عايزينى ليه بقا.
_مراية الحب عميه.
=برافو يافريدة، بتقفى جمب أختك وبتساعديها انها تتدبح من كلامك ومن كلام المجتمع، انا..مش عايزة اشوف وشك تانى يافريدة.فرصة سعيدة ..
________________________________________
_ بس انا مش هسيبك فى الحالة دى ياغرام
=نادية انا مممتنة ليكِ إنك وقفتى جمبى النهاردة مكنتش متخيلة إنك بالجدعنه دى كلها. انتِ سهرتِ واتأخرتِ جدا الساعة تسعة يلا روحى هطلبلك اوبر.
_لا ياستى انا معايا عربيتى.
=ايه دا بجد معاكِ عربية؟
_لا لا متتخميش فيا، انا اصلا على باب الله اوى انا بصرف على مشروعى مش هو اللى بيصرف عليا، دى أخويا سبهالى ملهوش فى السواقه وبيكرهها.
=نادية ينفع اطلب منك طلب؟
_اهو الطمع ابتدى من وقت ماعرفتى العربية بتاعتى
“ضحكت، لقيتها بتضمنى ليها وبتلمس شعرى”
_انتِ تطلبى عنيا والله هدهوملك، انتِ متعرفيش انا حبيتك قد ايه ياغرام.
=نادية ممكن تخليكِ معايا الفتره دى انا محتاجة لحد جمبى، مش عايزة احس إن وحدى.

_انا معاكِ ياغرام والله هنبقى أكتر من اخوات مش بس اصحاب المهم كمليلى بقا وبعد ما وسيم دا ظهرلك وكشف انه بنى آدم عملتِ ايه.
=لا انا حكيت كتير اوى المرة الجاية احكيلك انا دلوقت محتاجة اروح انام.
__________________________________________
“وصلت البيت، ايسل دخلت اوضتها وانا دخلت اوضتى كنت ببص عليا فى المراية قد ايه فعلا انا شكلى حلو فى الفستان، متحمسة للجاى بس جوايا شرخ كبير اوى حتى فريدة ضاعت”
_ماما..ماما الحقينى.
” جريت على أوضة ايسل وهى بتصرخ وبتستنجد بيا ”
=ايسل فى ايه، حصل ايه؟ مالك؟!
_ماما انتِ تريند.
=ايه انا ؟!
_ايوه ياماما مصر كلها بتتكلم عنك.بصِ كل المواقع واخده صورك والفيديوز اللى انتِ بتحكى عن قصتك فيها، وكله مشير الهشتاك بتاع الجمعية واسمك.
=اللهم لك الحمد
_انا فخورة بيكِ قوى ياماما، انتِ ناجحة وعظيمة، بصِ الناس مسمينك بهشتاج #بطلة_من_وجع، وناس تانى مشيرة أسمك بالهشتاج #بطلة_وجع_ولكنها_غرام
“دخلت شكرت ربنا وحمدته،إحساس إنك تعيط م الفرحة دا إحساس غريب عمرى ماحسيته فى حياتى غير النهاردة، كأنك أعمى ليك عشرين سنة وبتتعامل مع كل حاجة حواليك بالصورة اللى راسمها فى مخيلتك وفجأة بلا مقدمات يشاء ربك إنك تشوف”
_______________________________________
|الحادية عشر |
“نشغل نجاة بقا وكوباية قهوه ونسرح اه يانجاة قولى: على طرف جناحك يا حمام حاربط لك مكتوبي
واملاه اشواقي وسلامي توصلها لمحبوبي
واحلف له يمين بعيني التنين
قلبي اشتاق له وبينده له
_مش محتاجة تحلفى انا كمان مشتاق ياغرام
=وسيم!!
_يااه بتطلع منك بموسيقى غريبة، خلتينى احب اسمى يابت انتِ
=وسيم..
_وسيم فخور بيكِ جدا. وجاى يباركلك بطريقة كرييتف بقا.

يتبع……

_مش محتاجة تحلفى انا كمان مشتاق ياغرام
=وسيم!!
_يااه بتطلع منك بموسيقى غريبة، خلتينى احب اسمى يابت انتِ
=وسيم..
_وسيم فخور بيكِ جدا. وجاى يباركلك بطريقة كرييتف بقا.
=بتهرب وقت ماانت بتقرر وبتقرب وقت ماانت بتقرر
_ماتيجى ننسى ياغرام. وحشنى نكشك مفتقده.
=انا عايزه انام تصبح على خير ياوسيم
“مسك ايدى، لأول مرة حد يمسك ايدى بطريقة رومانسية كدا ايديا كانت بتترعش ونَفسى مضطرب غمضت عيونى لثوانى وحاولت اجمع صوتى”
=وسيم لو سمحت التزم حدودك.
_انا مش عايز امشى، انا هربت معاكِ حق بس كنت متلغبط وحصلت حاجات ضغطنى و..
=وفريدة كلامها جرحك وخلاك تفكر.
_انتِ عرفتِ؟
=اه النهارده وطلعتها من حياتى زى ما هطلعك منها حالا
“ضحك وبص لى وقعد”
_وايه كمان يابت.
= اووف انت مستفز بص انت..انت جرحتنى ياوسيم
_انتِ بتعتبرينى ايه؟
=ايه السؤال ده!!
_انا راجل دوغرى مبحبش اللف والدوران انا بسألك مباشر بتعتبرينى ايه
=مش عارفة بس انا مطمنة فى وجودك
_انتِ مش بتحبينى ياغرام ، كل الحكاية خوفت إنك تكونِ اتعودتِ عليا وتكون مشاعرك محركاكِ وبصراحة كان فريده معاها حق انا خطر عليكِ، وعلى بنتك بسبب مرضى وانا كمان كنت متلغبط ومضغوط وتحت تأثير علاج مكنتش فى واعى
=ايحق للإنسان البحث عن أعذار لأفعاله بحجة اللاوعى!
_اه ياغرام يحق عادى، وبعدين سمعتيها فين الجملة دى؟
=وبعدين بقا
_المره دى مش هخليكِ تقلبيها دراما.
=وسيم انا تعبت.
_وسيم هيفضل هنا لانه مش عارف يمشى وهنكمل، هنكمل سوا أخوكِ الكبير اللى هتحكيله ويحكيلك ونتجمع هنا زى العفاريت كل يوم الساعة 11 احنا مش هننفع نحب بعض غير محبة اخوية.عشان..عشان حاجات كتير.
= تصبح على خير ياوسيم.
_والمفاجأة!!
” جوايا حاجات بتشدنى ناحيته وان اعرفايه المفاجأة،وفى نفس الوقت إحساسى بالخيانة تجاه نور ”
=ايه هى؟
_هنهرب.
=نهرب؟!
_هرجعك الساعة 5 الصبح.
=بس ايسل؟!انا مقدرش اسيب بنتِ
“بص ليا ورفع حاجبة واتكلم فى كبرياء”
_فى ايه يابت انتِ؟ بقيتِ بتلفِ ودورى كدا ليه؟..انا كنت هحضر مفاجأه والاحتفال هنا.. بس من خلال معاملاتى وجهاز المخابرات بتاعى، عرفت ان يوسف الوضيع جه اخدها من ساعتين بالظبط صح؟
= اا اه صح ب بس انت عرفت اذاى؟
_مالك خايفة كدا ليه، على اساس ان وجود ايسل حماية وانا كدا عرفت إنك وحدك واستغل دا، انتِ للدرجادى بتفكرى بخوف.
= هنهرب فين؟
_تعجبنى وانت مطيع، البسى لبس مريح وياريت يكون رياضى وانزلى من سلم اللى ورا البيت اتفقنا
=وسيم.. انا خايفة.
_من ايه، انتِ معايا متقلقيش.
= هلبس وانزل
_هستناكى ياغرام.
“لبست لبس رياضى ، لميت شعرى واكتفيت ب روج بسيط وبرفيوم هادى جدا ونزلت لنفس المكان اللى شرحهولى ”
=انا جاهزة.
_شعرك وهو مفرود حواليكِ أحلى.
=انا حاباه كدا.
_لو كان شعرك مقيد مش مشكلة المهم انتِ متكونيش مقيدة النهاردة، عايزاك حره.
“ركبنا العربية، ليه بحس بمشاعر معاه، وليه لما بيهرب بحس بمشاعر مع نور لييه؟! مهو إما بحب وسيم، إما بحب نور لكن ليه بيحصلى كدا؟! فجأه فوقت على صوت اغمية شغلها لنجاة..استنى نجاة!! بس وسيم مش بيحب نجاة اصلا.. ياترى ياغرام هو مختار الاغنية عشوائى ولا مختار حاجة ليها مغزى معين ”

«القريب منك بعيد والبعيد عنك قريب، كل ده وقلبى اللى حبك لسه بيسميك حبيب..لسه بيسميك حبيب»
=من أمتى بتحب نجاة؟
_من يوم ماعرفتك.
=امم.. وسيم انا عايزة اعرف رايحين فين.
_اه منى اه منك كل ده وقلبى اللى حبك لسه بيسميك حبيب.
“بص لى واكتفى انه يردد الاغنية مع نجاة، سابنى طول الطريق وانا فى حيرة، لحد ما الفون رن، نور بيرن.. وبعدين فى حوار العشق الممنوع ده، الحل ان أقفل الفون”
_وصلنا.
“بصيت حواليا، لقيت بيت كبير بسيط شبه بيوت زمان وشياكة وفخامة البيوت مثلا شبه القصر بس هو ابسط من انه يتقال عليه قصر، ومتحاوط بسور كبير دا اللى شوفته من برا”
=احنا فين؟!
_فى القاهرة متقلقيش.
“فتح لى باب العربية علشان أنزل، حسيت للحظة إنى ست من حركة بسيطة وهو بيفتح لى باب العربية وبيفتح باب القصر الغريب ده”
_نِفسك فى ايه ياغرام؟
=اروح بيتنا، انا خايفة، انا اخر مرة خوفت بالشكل ده كان فى امتحانات ثانوية عامة
_ طب خلصتِ، يابت الناس انا بتعب من المناهدة.
= خلاص أهو سكتت خالص
_نفسك فى ايه؟ او بمعنى أصح اللى هنا.
” رفع كشكول الإنجازات بتاعى ، وعيونه كلها بتلمع ”
=انت جبت الكشكول دا ازاى؟ ومين اداك الحق تفتحه اصلا؟!
_غرام كانت نسياه على الطاولة اللى فى البلكونة المشتركة بينا ، وبما إنها مشتركة بينا اى حاجة مش هتكون خاصة.

“بصيت له وانا كلى عصبية، مكنتش حابة حد يفتحه ولا يشوف انا بكتب ايه او بحكى ليه لنفسى”

_سرحان وصمت تانى، طيب مكتوب.. “جربِ وغامرى ياغرام، الحياة حلوة، اركبِ عَجله زي ما نفسك تعملى دا، واركبِ خيل، اعملى سيشن واتأملى ملامحك الحلوة فيه، اركبِ مركب قبل الفجر وشاهدى شروق الشمس من جديد، اجرى والعبى كورة، افرحى واتنططى، انتِ حرة ياغرام حرة”
= مالهم!! هتقول عليا مجنونه صح، بس انا فعلا نفسى اعمل دا اول مااخس هتتفرج بقى على غرام وعمايلها.
_تخسى!! انتِ خاسة خالص تقريبا نازلة عشرين كيلو
“ضحكت واخدت نفس كدا واتكلمت بفخر”
= 23 كليو ولسه ولسه كمان.
_ اربطِ الشريط دا على عنيكِ
“اعطانى شريط ستان اسود، ربطته فعلا واستسلمت لجنون مجرد افكار جنونية فى دماغه، مهو مش طبيعى يعنى فى وزنى دا اركب عجلة، او خيل”
_فتحى عيونك يا غرام.
“قبل ماافتح عنيا خليكم فاكرين، ان اسم غرام منه مختلفة..انا عارفة ان اسمى جميل، لكن منه أجمل مليون مرة من إسمى”
= فتحت أهو… ايه دا عجلة فعلا. انت ايه!!
_عفريت،او جن المهم شوبيك لوبيك وسيم بين ايديك يلا اركبِ العجلة ياغرام.
=استنى بس، انا تقريبا فى 80 وعجلة؟!!انت واعى للى بتقوله

_ياستى العجلة هتستحمل الوزن دا ومتجابه مخصوص ليكِ دا اولا، ثانيا ودا الاهم إنك تكون عندك إرادة وحركة عشان تسوقيها.
“ركبت فعلا كنت مرعوبة وفرحانة فى نفس الوقت،مشاعرى زى طفلة..طفلة نفسها تركب عجلة ويكون عندها واحدة زى كل أصحابها بس أهلها معندهاش إمكانية لده، ولكن تتفاجأ إن بقى عندك وحدها فتخيل شعور طفلة بقى فرحانة”
_غرام انا ماسك العجلة متخفيش بدلى، بدلى يلا وارتحركى
=ما أهو هى اللى حركتها تقيلة .
_هى اللى حركتها تقيلة برضو، غرام انتِ بدأتِ تسرعى خدى بالك خدى بالك من حمام السباحة متسرعيش لحد مانمشى بعيد عنه
=وسيم متبقاش خواف خليك جامد، وبعدين كل شئ تحت السيطرة ولا هنقع ولا حاجه كله تحت السيطرة

“وطبعا مش عايزة اقولكم، إنى انا والعجلة ووسيم والسيطرة كنا تحت فى حمام السباحة”
_قعدت اقولك خدِ بالك خدِ بالك.
= العجلة دى غلسة وتقيلة وبتحدف شمال.
_يعنى دا مش عيب سواقة؟ وان اليمين عندك شمال؟!
= وسبم ولد.. عيب لا يمكن دا عيب فى العجلة وفى الفرامل.
“طلعنا من حمام السباحة، بنضحك .. وسيم جمع خشب وولع فيهم علشان ندفى وهدومنا تنشف”
_ساكتة بتكلمِ نفسك
=كالمعتاد يعنى.
_وانتِ ساكتة وصامتة كدا..
=بكون غامضة وبتخاف منى عارفة.
_تؤ مش بس كدا، دى كان نص اعتراف لكن الاعتراف كله، إن بحب اتأمل ملامحك، ملامحك بتكون هادية وكلها راحة وبراءة.
” بعد كلام كتتير اوى اغلبه وسيم، كان حلو جدا لدرجة عايزه اعترفله واقوله لا إحنا مش اخوات، هدومنا نشفت كنت شغوفة أعرف ايه اللى هيحصل بعد كدا ومحضر ايه كمان نعمله ”
_يلا بينا
=على فين!
_اسطبل الخيول بتاع عيلة الشيمى
=الشيمى!! انا حاسة انى سمعت الاسم دا قبل كدا.
_يااه دا انتِ نساية جدا صاحبتك الجديدة إسمها نادية الشيمى.
=ايوه صحيح، وانت عرفت من الكشكول صح؟
_مش بالظبط كدا.
=لا أحنا مش عايشين فى رواية عشان انت تكون صاحب القصر دا ومن عيلة كبيرة وفى الاخر تطلع نادية دى أختك والليلة دى.
_انتِ بتحبِ الروايات بس مش للدرجادى يعنى، بس الصدف ان نادية الشيمى دى بنت أختى، والاسطبل دا بتاع عيلة باباها لكن انا، انا على باب الله جدا ومش من عيلة الشيمى ولا حاجة

=ايوه، وانا حسيت انى شوفت نادية قبل كدا فعلا.. هى هى البنوتة اللى صورتها كانت عندك فى شقتك،وملامحها كلها منك كأنك باباها مش خالها
_الخال والد بقى.
“روحنا اسطبل الخيل، كانت نادية مستنيانا كان قريب جدا من القصر البسيط ده ، ركبت لأول مرة خيل كانت نادية متابعانى وخايفة عليا اوى هى ووسيم لحد ما قررت أنزل”
=نزلونى كفاية كدا ممكن الحصان ينتحر من وزنى.
“لقيت وسيم بيقرب من ودنى وبيهمس بصوت يكاد اسمعه”
_بايخة، متتنمريش على نفسك تانى
” اكتفيت انى ابتسمله، فضلنا نلعب ونجرى ونهزر كلنا انا ونادية ووسيم، وعز الدين أخو نادية كنت حاسة إنى طفلة بضفاير، هنا فكيت شعرى وحسيت فعلا إنى حرة ”
_يلا ياغرام فقرة الخيل خلصت.
“خدنى ورجعنا نفس البيت مد لى بوكس شكله جميل جدا”
_افتحي البوكس يلا
= واااو ايييه دا، الله
_مبارك يابطلة، مبارك ياغرام.
=وسيم..
_مفيش وقت صاحب المركب مستنينا عشان نحضر غروب الشمس من هناك يلا
=وسيم انت اللى عامل ده

يتبع……

_مبارك يابطلة، مبارك ياغرام.
=وسيم..
_مفيش وقت صاحب المركب مستنينا عشان نحضر شروق الشمس من هناك يلا
=وسيم انت اللى عامل ده
” البوكس كان جميل بطريقة لا توصف، كان مليان صور ليا فى الإفتتاح وصور المواقع اللى اتكلمت عنى وفى شوكليت كتير جدا، وفستان مغلف ومكتوب ورقة من بره التغليف فستان سيشن الاميرة غرام، وتاج تاج مصنوع هاند ميد من النحاس المضفر مش عارفة هو كان شكله غريب بس نوع النحاس دا انا شوفته فى البلكونة عنده ايوه وشوفت ادوات غريبة وكتيرة، اللى أحلى من إنه هاند ميد انه كان مكتوب علية غرام البطلة والكلمتين متشابكين بشكل رهيب التاج معمول بفن رهيب ودقيق ”
_ غرام
=هاا.. اه ا…ايوه
_دا انتِ سرحانة بجد؟!ليا ساعة بندهك هاا ايه!
=هو انت مجاوبتنيش ليه؟ انت اللى عامل التاج ده؟
_ايوه ياغرام انا. هو وحش ولا ايه؟
=دا تحفة،دا جميل جدا جدا انت فنان عظيم التاج معمول بدقة وفن غريب جدا
_اصل دى شغلانة ابويا وجدى فهتلاقينى متأسس جامد يعنى.
=طب وانت مش بتشتغلها يعنى؟
_لا انا بشتغل جرافيك ديزاين، الهاند ميد ده والفن اللى شايفة دا بعمله وقت فراغى موهبة بنميها مش أكتر بس ملقتش حاجة أقيم من كدا حبيت أهديكِ حاجة مميزه وفريدة مش هتلاقى منها قطعه فى العالم.
=دى حقيقة شكلها مميز وجميل، وسيم انت أكيد مش إنسان.
“ضحك وبص لى واتكلم”
_ اه مش إنسان، عفريت.
=انا مش بهزر، انت شبه الملايكة .
_غرام انا إنسان عادى،بالعكس أقل من العادى انا مريض مرض رخم ومتعب، ومتذبذب طول الوقت، بخاف من البشر وبخاف من الحزن انسان خواف بجد انتِ أقوى منى بكتير ف ازاى ملاك؟
=وصلنا صح؟
_صح.
“قعدت فى المركب فرحانة وزعلانة اختلاط مشاعر غريب ،تفكير فى نور، وتفكير فى إنى اللى عملته دا صح ولا غلط وخروجى مع وسيم حاجات عكس بعض.. أخدت نفس عميق مع ريحة الهوا والنيل وشروق الشمس، ومع لحظة الشروق اتكلمت بصوت عالى صوت مسموع متكسفتش كعادتى يعنى”
=اوعدك ياغرام مع كل شروق شمس هيكون ليكِ شروق مختلف، شروق مميز وجديد. انتِ بطلة.
_ انا سمعتك على فكرة، صوتك عالى المرادى.
= حبيت أتكلم بصوت عالى.
_ عايزاك دايما متسكتيش وتتكلمِ بصوت عالى بلاش السرحان بتاعك.
= اممم، صعبة دى .
_طيب خلينا نحاول نعمل بروفه ، ايه اكتر إحساس نسيطر عليكِ دلوقت.
= مش عارفة قصدك
_يعنى إحساسك بالفرح، بالخوف، بالحزن بالأمل.
=الخيانة
“لقيت الصدمة ماليه ملامحة”
_خيانة!! خيانة ايه؟
=خيانتى لنور.. نور اعترفلى.
_اعترفلك ب ايه
=اعترفلى بمشاعره وحبه تجاهى
“وشه كله غضب وعروقه ظهرت، ايوه انت مضايق طب ماتتحرك طب لو فى مشاعر قولى ولا انا أخد الخطوه دى”
_طب وانتِ كان ردك ايه ياغرام.
=مردتش انا متلغبطة ياوسيم.
_بتحبيه؟!
=معجبة بشخصيته بس او يمكن حنيت للطفولة وانى عارفاه وعارفه طبعه متغيرش كتير عن زمان
_طيب حلو مقولتيش له كدا ليه؟
=عشان فى شخص تانى انا برتاح معاه وهو موجود وبحس بدفا وآمان مجرد بس لما اشوف ملامحه
_الشخص دا يبقل وسيم
“ابتسمت وكلى خجل”
_انا منفعش.
=ليه ياوسيم لأول مره هتجرأ واقولها فى حياتى انا معجبة بيك بجد.
_ومعجبة بشخصية نور.
=انا.. عادى ما كل الناس بتعجب بكذا حد يعنى انا معجبة بشخصية احمد ذكى ونجيب الريحانى وعبد الوهاب،وجمال عبد الناصر وغيرهم كتير هل انا كدا غلط؟.
_كويس انتِ جوبتِ نفسك، كلنا بنعجب بس مش كلنا بنحب ياغرام، انتِ مش محتاجة راجل حاليا
=عارفة انا محتاجة افهم انا مين، واكتشف مين غرام.
_برافو دا الصح
=بس انا عادى اكتشفها وانا معاك.
_لا ياغرام لو حابه تكتشفيها مع شخص تانى هيكون نور
=يعنى ايه!
_ احنا اخوات.انا اخوكِ الكبير
= عايزه اروح
_غرام افهمينى.
=عايزه اروح يااستلذ وسيم بعد اذنك.

يتبع……

احنا اخوات.انا اخوكِ الكبير
= عايزه اروح
_غرام افهمينى.
=عايزه اروح يااستاذ وسيم بعد اذنك.
_استاذ!!
“حسيت بكرامتى بتوجعنى، الإنفجار رد طبيبعى ومنطقى لتصرفاته”
=انت اكيد مش طبيبعى، انت بتعمل.. بتعمل كل حاجة وعكسها انا تعبت من إسلوبك ومش فاهمه.

_بالظبط ياغرام تخيلى هتعيشى مع شخص طول حياتك مش طبيبعى وتصرفاته عكس بعض انتِ مستحملتيش موقف مابالك حياه هتتعاش؟!

=انت بتختبرنى ياوسيم، بتعمل تجارب ليه انا فار؟! فار فى المختبر نجرب عليه ولو فشل يموت ولو نجح اهو مجرد فار صح.
_انا مش محتاج اجرب، مش محتاج انا عارف ان كل ده غلط فى غلط لو قربت منك او من غيرك هآذيهم واضرهم يبقى ليه.
=حلو وليه قربت منى؟ ليه تحسسنى باللآمان اللى مفتقداه ياوسيم ؟ ليه تخلينى اشعر بمشاعر محستهاش فى حياتى محستهاش مع يوسف اصلا يوسف ابو بنتى واللى عشت معاه فوق السبع سنين.. ليه تهتم بيا وتساعدنى؟ ليه تحسسنى بكل المشاعر دى وانت عارف انه مينفعش ليه.
_قصدك انى توكسيك؟
=كلكم، مختلفتش عنه والله، كلكم بتآذوا بطرق مختلف كل الطرق تؤدى إلى الوجع. كل الطرق تؤدى إلى الخذلان، كل الطرق بتجرح وتكسر فى غرام.. دا حرام والله .. حرام.
_انتِ محتاجة راجل يسندك مش يزود عليكِ.
=انا مش محتاجة لحد ياوسيم ومش محتاجة راجل والسلام ، عارف ليه؟! لانى لو محتاجة راجل كنت كملت مهو ضل يوسف ولا ضل حيطة صحيح هو كان حيطة بس اهو وماله مش هحارب واطلق وأكون فى نظر المجتمع مطلقة ياحرام وصمة العار وصلت ياجماعة، ولا أتذل من ابويا وامى علشان هما مش عايزين غير يمشونى بمزاجهم. انت قررت لى إن هتعب معاك، ويوسف قرر لى إن زوجة فاشلة ولازم يتجوز وقرر إنى هرضى بالأمر الواقع وهقبل بوجود زوجة تانية، وبابا قرر لى إنى لازم أرضى بالنصيب وبإختيارى وارجع ليوسف عشان دا الصح إما كدا، إما ممنوع عليا ومحرومة من دخول بيت بابا، وماما.. ايوه ماما قررت لى برضو إنى مش عارفة اضحك على جوزى ولا اسعده وانى مش ست شاطرة زى باقى الستات وكمان قررت لى إنى اعمل خطه حتى لو إتجوز اتنين وتلاته القديمة تحلى، ياجدع دا حتى اختى فريدة الصغيرة قررت لى إنك تمشى من حياتى وارتبط بنور.. فى اييييه؟! للدرجادى شخصيتى ضعيفة وانا شفافة بالنسبالكم. يلا مش مهم انا. وقف ياريس الله لا يسيئك خلى المركب ترسى.. خليها ترسى زى ماانا قررت ورسيت على بر.
_على فين ياغرام .. هترجعى ازاى؟
=متقلقش ياوسيم هرجع زى ما كل مره بتخذل وبرجع لوحدى.. انا موهوبة فى الرجوع متقلقش.
__________________________________________
_كفياكى عياط يابنتى كفياكى.
=مش عارفة اوقف ياطنط كريمة، إحساس الرفض دا بيقتل.
_انتِ زعلانة من وسيم، اومال يابنتى لو مكنش حاكيلك ظروفة وتعبه.
=انا زعلانة من نفسى ياطنط.
_ليه بس كدا وانتِ زنبك ايه!
=زنبى!! ياريته كان زنب وبس انا نزلت مع واحد فى نص الليل لا يمت لى بأى صلة، قبلت منه هدايا، طلعت معاه أماكن لا ياطنط كريمة انا مذنبة ومخطئة انا غلط.
” حضنتنى جامد، كنت حاسة ان روحى بتتسحب وجسمى من كتر العياط والأنهيار بيترعش ”

_كفياكى عذاب وتقطيم فى نفسك خلاص غلطة ونتعلم منها وبعدين بصِ لمستقبلك كل الناس بتحكى وتتحاكى عنك وعن كيف قدرتى تعدى الصعاب اللى مريتِ بيها كل الناس بياخدوكِ قدوة ليهم، اتجدعنى ياغرام مالك بقيتِ شبة البنات بتاعت اليومين دول.
“بصيت ليها وابتسمت”
_بتضحكِ ليه عاد؟
=عشان دى اول مرة تكلمينى صعيدى. انا بحب اللهجة دى اوى.
_تصدقى بالله انا مأخدتش بالى خالص انى اتكلمت معاكِ صعيدى.
=غيرتى اللهجة ليه بس ياطنط كريمة ما كنتِ قمر.
_تعرفى عمك كامل كان بيحب اللهجة دى بس كانت الستات هنا بيتنمروا عليا ويتريقوا ويقلدونى كنت بتضايق قوى قوى وبعد كام سنة لسانى اتعود على اللهجة بتاعتكم. بس طول مااخايفة وزعلانى ولا بتعامل مع الناس القريبين منى اتفاجأ إنى اتكلمت صعيدى، وكأنها فطرة.
=هى الصعيد حلوة ياطنط كريمة؟
_ بقولك ايه مابلاش طنط دى ، قوليلى ياخالة كريمة، ياعمه يا جده لكن بلاش طنط دى بتعصبنى بحسك بتشتمينى
“مسحت دموعى وضحكت على طريقتها وكلامها، اتنهدت”
=هقولك ياماما كريمة.
“حضنتنى وفى عيونها دموع”
_ دا انا ليا الشرف لو بنتى تبقى زيك ياغرام.
= انا بحبك اوى ياماما.
_وانا كمان بحبك ياغرام، وعايزاكِ تكونِ اقوى من كدا ، انا اتعودت اشوفك قوية وواثقة من نفسك متزعليش ماتبصيش وراكِ اللى حصل حصل.
=صح ياماما كريمة
_يبقى تسمعى كلام ماما كريمة وتأكلى.
” ربنا لما بيديك إبتلاء، تجربة صعبة بيكون عارف قدرتك كويس على تحملها ومش بس كدا دا بيهديك ناس تهون عليك حياتك، ايوه بيكونوا هدايا من الله سبحانه وتعالى على هيئة اشخاص، بيوجهوك، لما تغلط من غير مايقسوا عليك. ويدعموك، وقت ماتحس بصغر نفس، بتسمع منهم آيه تعضدك وتمنح قلبك سلام وتبث فيه الطمأنينة ”
_________________________________________
|الساعة التاسعة |
_كان يوم متعب اوى يابنتى.
=حقك عليا ياعمو كامل فضلت تلف معايا على كل بيوت المُطلقات عشان نبحث حالتهم ومسبتنيش لحظة، والله لو بابا مكنش عمل كدا.
_ليه وانا منفعش ولا ايه؟!
=يسلام دا انت تنفع ونص ياسيد الناس.
“ضحك ورَبَت على يدى ”
_على فين مش هتطلعِ البيت!
=لا ياعمو هروح على مقر الجمعية ، اجيب كل الورق اللى هسهر عليه النهاردة.
_خلاص اجى معاكِ..يلا بينا
=ياعمو كامل..ياعمو كامل انت مرتحتش دقيقة النهاردة ، المقر الشارع التانى مش محتاج إنك تتعب عشان خاطرى كفاية يومك اللى ضاع وصحتك اللى اتهلكت النهاردة.
_ايه ياغرام الكلام الصعب ده!.يابنتى انا معاااش يعنى قاعد طول النهار والليل زى ماانتِ شايفة كدا قدام العمارة والنهاردة انا مبسوط آخر انبساط تعرفى ياغرام انا ليا قد ايه مشتغلتش ولا مشيت ولا اتحركت كتير كدا حاسس انى ظهرت حسبة 55 سنة مثلا ورجعت شباب.

= انت لسه شباب ياعمو كامل دا زى القمر عارف لولاش ماما كريمة تزعل منى كنت جوزتك.
_ههههههه يوه ياغرام ضحكتينى جواز ايه بس دول 78 سنه. وبعدين يست انا بحب كريمة ومش عايز غيرها
=ربنا يخليكم لبعض ياعمو ارتاح انت واطلع لماما كريمة دى هتموتنى اخدتك منها اليوم كله.
_غرام
=ايوة ياعمى فى حاجة، اساعدك ونطلع سوا وارجع.
_لا يابنتى انا معجزتش اوى كدا، كنت عايز أقول لك حاجة.
=كلى آذان صاغية اتفضل ياعمى.
_كنتِ متحمسة وانا بقص عليكِ جو الحرب وخسيت بالطاقة اللى جواكِ بس عارفة انا لفت إنتباهى حاجة مهمة.
“كلامه كله مشوق، وحكم كنت متحمسة لكلامه”
=ايه ياعمو اللى لفت انتباهك احكى لى.
_ لفت إنتباهى جملة قولتيها وانا بحكيلك عن حرب أكتوبر “ياريتنى كنت بطلة معاكم وحاربت” الجملة دى لن تمر مرور الكرام ابدًا عشان وانا بسمع منك إعجابك بالحرب والبطولات تأملت الجملة.
=للدرجة دى الجملة غريبة ؟
_لا الجملة حقيقية.
=مش فاهمة ياعمى يعنى اية حقيقية؟
_يعنى البطل المُحارب، مش بس فى الحروب، انتِ كمان فعلا بطلة ليه بتتمنى؟ انتِ حاربتى زوجك ، والمجتمع، والظروف، واهلك، قهرتِ فكرة ليها سنين من مهجور سكان الحارة خاييفين منه مدعيين انه مسكون عمرتيه. ونصفتِ المطلقة ، وهتخليها تكون قوية وتعتمد على ذاتها.
الحروب مش بس دولية ومنظمات وودوشة. اوقات الحروب بتكون من الدنيا ومن الفكر ومن المجتمع وانتِ كنتِ قوية وحاربتِ وانتصارتِ كمان

” واحده من أهم الحاجات اللى بتدينى قوة، نظرات عمو كامل للحياة، حد بيحب الحياة وحابب العيشة بيعرف يبسط نفسه كويس، كان يوم طويل معاه كل بيت كنت بروحه كان بيحكيلى اصله وفصله، عمو كامل هو التاريخ بالنسبالى، والقوة والصمود. جدو رحمه الله حكالى انهم كانوا دفعة واحده فى كتيبة 26 فى حرب اكتوبر . الناس دى بتتميز بالصمود القوى ونظرات عيون حادين بس كلهم أمل حكالى كتير وكتير النهاردة عن حرب أكتوبر والبطولات اللى حصلت، لا اخفى عنكم سرًا انا اتشحنت طاقة رهيبة ، حسيت إنى بطلة من أصل أبطال حسيت بفخر، وحب للحياة.. حسيت انه كلامه ودعمه هيكفينى سنين قدام تشجيع. أكتشفت ان لو الدنيا ضاقت بيك روح لحد كبير جدك، او جدتك اسمع لحكاويهم روح لجارك المسن او قربى من جارتك المسنة. روحوا لدار مسنين اسمعوا تجارب وحكايات اعرفوا تاريخكم هتفصل عن مشاكلك وحياتك.. الناس دى بتقدر كل دقيقة فى الحياة، الناس دى بتحب الحياة بجد وبيفهمومها”
_يا مساء السرحان على اجمل غرام
=نور.. خضيتنى يانور. انت هنا من أمتى
_من عشر دقايق بالظبط والغريبة إنك مأخدتيش بالك وماسكة القلم وعمالة تكتبِ تكتبِ، الا صحيح إنتِ بتكتبِ ايه؟
=حرب أكتوبر.
_سياسية؟! وانتِ من امتى ليكِ فى الحروب والسياسة وكدا أنا اعرف إنك حد بيمل للقراءة الرومانسية والخيال.
=يابنى دى مش رواية، دى حقيقة. حاجات حكهالى عمو كامل من قلب الحرب حقيقى عمو كامل كان جندى فى الكتيبة 26. كتبت جُمل وكلمات ومشاعر وصفها عمو كامل حسيتها ولمستنى وشحنتنى طاقة غريبة ف فضلت إنى أكتبهم عشان كل مااحس انى قوتى بتنهار بمسك فى كشكول الإنجازات ده.
_كنتِ فين ياغرام؟
= كنت مع عمو اليوم كله هحكيلك..
_لا كنتِ فين امبارح الساعة 11.
“اتوترت وارتبكت جدا وبان عليا”
=انا.. كنت..
_انا جيت الساعة 11 عشان اصالحك انتِ وفريدة
=هى كانت معاك؟
_بصراحه لا.
=وازاى تيجى الساعة 11؟
_كنتِ فين؟
=انا لو حكيت لك هكون فى نظرك وحشة
_اوعدك هنسى كل حاجة هتقوليها مهمها كانت صعوبتها
= انا..
_ولا اقولك متحكيش ايا كان كنتِ فين وبتعملى ايه..المهم إنى عارف اخلاقك كويس مهما اتجنيتِ وعملتِ اى حاجة عارف اخلاقك وانها هتكون حاجة بسيطة اصلا. الاهم من كل ده إنك بخير.
=انت طيب اوى يانور،مستاهلش محبتك دى والله
_نور بيحبك اوى اوى ، اتفضلى الكيس ده
= نور بلاش الكلام ده انا قولتلك..
_انا اسف، خلينا نوصل لحل وسط.
=وايه هو؟
_ اننا نكون اصحاب
=. ا..انا.. ماشى اتفقنا
“كنت مترددة من الخطوة دى بس لقبتنى بتسحب من لسانى وبوافق منى لله”
_مش هتاخدى الكيس منى بقا ولا ايه
=ل.. لا هاخده.. ايه دا شيكولاته وكمان كيت كات انا بحبها اوى
_عارف ان النوع دا مميز عندك.
=شكرا اوى.
_احكي لى يومك كان ماشى اذاى.
=وايه دا بقا؟!
_اصحاب وكدا.
=اه اذا كان كدا ماشى.. بص ياسيدى انا النهاردة…
__________________________________________
“رجعت بعد يوم طويل جدا منمتش فيه من إمبارح وكل ثانية فيه متعبة ومليانة حكايات”
=ايوه ياللى بتخبط بالراحة…
_غرام..
= خير ايه اللى جابك هنا؟

يتبع……

رجعت بعد يوم طويل جدا منمتش فيه من إمبارح وكل ثانية فيه متعبة ومليانة حكايات”
=ايوه ياللى بتخبط بالراحة…
_غرام..
= خير ايه اللى جابك هنا؟
_غرام انا
=فريدة عايزة ايه انا مش فاضية
_هتسبينى على الباب زى الغرباء
=فريدة متصعبيهاش اكتر ماهى صعبة لان حقيقى جبت اخرى.
_انا بحبك عملت كل ده عشان بحبك
=ايه مفهوم الحب عندكم ياجماعة بجد ؟ ما بابا بيحبنى يافريدة وماما حتى يوسف كان بيقولى انا بحبك.
_انتِ بتقارنينى بيهم؟!
=مختلفتيش حاجة عنهم يافريدة، جرحتينى زيهم بالظبط، قررتيلى زيهم، فكرتيلى وعيشتيلى حياتى وشوفتنى مبعرفش افكر ولا اقرر. فى الوقت اللى كنت بتقطع قدامك ومش فاهمه هو هرب ليه متكلمتيش حتى تصلحى من غلطك.. بس ماعلينا يافريدة هو من غيرك وبيكِ بيهرب.
_انا محتاجالك..انا مش عارفة أعيش من غيرك.
= الحب انك توجهينى لو غلطت.. لتدبحينى بكلامك ولا تقرريلى ولا تقسى عليا. الحب انك تحمينى مش تسجنينى.
“قربت منى وحضنتنى حسيت بآمان.. ليا فتره محستهوش،كانت وحشانى كان جزء منى ضايع ولقيته”
_ مسمحانى؟
=مبعرفش ازعل منك.
_طيب يلا أحكيلى فاتنى ايه وايه اللى حصل
= فريدة انتِ اندمجتى جامد احنا متخانقين لينا يومين إلا كام ساعة متأفوريش.
_يابنتى بقولك كأنى سنة مش شيفاكِ.
= فكك هحكيلك بعدين ماتباتِ معايا.
_كان على عينى بكره هعمل كدا النهاردة عندى شيفت ولازم اروح المستشفى.
= ماشى ياحبيبى خدى بالك من نفسك.
_حاضر، غرام ايه كل الورق ده؟
=دى حالات المُطلقات عندى، بحث إجتماعى لكل حالة فيهم.
_غرام، انتِ هتقرأى كل ده
=اه
“بصيت للسفرة كأنى اول مرة ببصلها ايه كم الملفات دى وايه كل الورق والفايلات دى هو انا قلبت شئون طلابة كدا ليه!!
_ايييه الدنيا سرحتِ فى ايه؟
_معندكوش سرير فى المستشفى زياده وأهرب من الورق ده.
= هههه بعد الشر عليكِ معندناش، بصِ انت تقسميهم وتنامى ساعة وتبدأى كل يوم شوية..سلام بقا عشان اتأخرت
” نمت من كتر التعب وانا قاعده على السفرة وانا حواليا كل الفايلات والملفات ”

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
|صباح يوم جديد|
=صباح الخير
_ صباح النور ياغرام.. ابه يابنتى فى حاجة ولا ايه؟!
=ليه ياعمو كامل بتقول كدا؟
_الساعة 6 ياغرام.من إمتى وانتِ بتنزلى دلوقت.
=من النهاردة ياراجل ياطيب. بقولك ايه انا جعانة جدا ومحضرتش فطار انا نازلة افطر.
_طيب انا هخلى ماما كريمة تحضرلك الفطار.
=لا ياعمو كامل انا هفطر على عربية الفول..
_ايه!!
=ايه ياعمو كامل بقول لحضرتك هفطر من على عربية فول.
_مش غريبة دى على غرام شوية؟
=غرام بتعمل كل حاجة غريبة ومجنونة،بس الاهم انى هصور النهاردة الفيديو الاول من بعد الافتتاح.
_صباح الفل ياغرام، صباح الفل ياعم كامل.. انا جاهزة
_صباح الخير يافريدة فى ايه؟! وجاهزه لآيه؟
_والله ياعم كامل انا تور الله فى برسيمه انا لقيت غرام بترن عليا حسبة خمسين مرة بتقولى اجهزى بسرعة فى طلعة والتجمع عند عم كامل.
=انتِ فعلا تور.. عشان بتنطقى غلط اسمها تور لاهى فى برسيمه ياهبلة.
_صباح الخير ياجدعان فى ايه؟!
_صباح النور يارامى يابنى.. ودا كمان مصحياه الساعة 6 وجيباه مش غاسل وشه حتى؟
=استنى ياعم كامل.. فى ضيوف تانيين زمانهم على وصول.
_الباب مفتوح اهلا وسهلا للكل.
_صباح الفل على احلى عمو كامل فى الكوكب
_نادية!!
صباح السكر على الراجل المسكر هاااا ايه الحوار
_عز الدين!!
_نعم يا عم الكامل إننى حقا عز الدين بشحمه ولحمه فلتذهب لنبحث عن جهاد.
“الكل كان بيضحك، وعمو كامل كان مستغرب انا اعرف نادية وعزالدين ازاى؟! بس انا كنت مخضوضة ومتوترة مش عارفة إمتى انا بقيت كدا؟! انا غرام؟! غرام اللى كانت بتصحى قرفانة من شكلها وملامحها، بتحضر فطار لجوزها الوضيع ولانش بوكس بنتها وبتلبس اى لبس عشوائى دون أى ترتيب كل أمنيتها انها وهى بتلبس ميكونش ضاق واتخنت، مش مهم الالوان ولا مهم الاستايل ولا مهم انه لايق..الأهم انه مضاقش يبقى احنا مزدناش كيلو كمان. ايه المأساة دى، ونزولى وتكديرى لشغل مبحبهوش، طول النهار مكشرة وباليل بعيط انى ضعيفة وعديمة شخصية.. نازلة ادرب ناس واحررهم من سجن الطلاق ..وأحرارهم من أفكار المجتمع اللعين”

_ ايه ياغرام انتِ لو قعدتِ ساكتة هسقط انا منمتش من إمبارح، دا وقت نومى، انتِ عجباكِ لمتنا حواليكِ وهنفضل نبص لبعض.
= لا ياعز الدين متقلقش مش هتسقط خالص فطرتوا؟
_ يعنى انتِ مصحيانا الساعة 6 عشان تسألينا على الفطار.
= فطرتوا هى كلمه واحده بدون نقاش اه او لاء
«الكل بصوت واحد»_ لا
=حلو استعدوا هنفطر فول على عربية النهاردة
«الكل بتعجب»
_ايييه!!
_فول!!
_عربية!!
_فطار ايه وفول ليه ياغرام!!
=عمو كامل كوباية ميه وصحيلى الشباب دى
_حاضر ياغرام معرفش دول شباب ازاى يحرروا بلد لو وقعنا والله.
_صباح الخير ياعم كامل
_ صباح النور ياسكر يابنتى فى حاجة معاكِ والدتك حصلها حاجة؟!
_استاذة غرام هى اللى مديانى الميعاد ده متقلقش ياعم كامل
=اتفضلِ يا سكر احب اعرفكم بزميلتكم الجديدة سكر
_انا من حقى اعرف احنا متجمعين التجميعه الغريبة فى الميعاد الاغرب دا ليه
_صباح الخير ياعم كامل
_ جمب اخواتك وماله وماله

يتبع……

=اتفضلِ يا سكر احب اعرفكم بزميلتكم الجديدة سكر
_انا من حقى اعرف احنا متجمعين التجميعه الغريبة فى الميعاد الاغرب دا ليه
_صباح الخير ياعم كامل
_اه هو صباح انا عارفه كويس
_مالك بس يا عم كامل فى ايه
_وانت كمان يا شيف فهمى عرفت غرام منين؟
_لا ما عدم اللامؤاخذة يا عم كامل .. انا جاى عن طريق سكر مش ست غرام
=اتفضل يا شيف فهمي فى ميعادك التمام
_خبر ايه يا غرام .. انا مش فاهم حاجة
=اقفل الباب ياعم كامل وتعالى هفهمك كل حاجة .. انا كدة ضيوفى كلهم وصلوا
“كان شكلهم غريب ويخض .. بس مضحك فى نفس الوقت
تخيلوا معايا لما تحط طبقات المجتمع كلهم وتخلطهم مع بعض .. الطبقة الغنية اللى بتملك اراضي، عقارات، مكانة مختلفة فى المجتمع، زى[ عز الدين، نادية الشيمي اخته] وعلى الصعيد الاخر سكر البنت البسيطة’او بمعنى اصح القادحة’ بجانبهم الشيف فهمي الامُي البسيط اللى بيحتكم على مال وموهبة تعيشه ميسور الحال
والفئة الرابعة رامى وفريدة البشمهندس والدكتورة اللي من عيلة متوسطة. مكس غريب وتجمع اغرب ما بينهم حاجة وحدة بس مشتركة’حبهم لغرام’يا ترى حبهم لغرام دة هيكمل؟”
=صباح الخير .. فطرتوا؟
_تصدقى بالله انا عيل ان انا رديت عليكِ وسمعت كلامك.. يعنى انتِ مجمعانا فى مكان غريب مع ناس اغرب عشان تسالينا فطرتوا؟! مهى نفس الجملة اللى قاعدة تردديها من الصبح
=استنى بس يا رامي انا بكررها عشان واحد جديد منكوا جه فمبيكنوش سمع الحوار

“طلعت ورقة من شنطتى واتنهدت وكلي خوف وبصيت في الورقة كويس .. وابتديت اتكلم بحماس”

=الفطار النهاردة هيكون مختلف هناكل عند ست عظيمة ‘هناكل عند ست خيرية اللى زوجها كان شغال على عربية فول توفاه الله وسابلها اربع بنات اللى فى اعدادى وثانوى واللى اتجوزت واللى فى جامعة كل دول هى بمثابة لاب وام ليهم’ومن وقتها ست خيرية هى اللى واقفة على عربية فول
فول حلاوته فوق الوصف لا يمكن تدوق الفول عندها وتعرف تتذوقه وتستمتع بيه فى مكان تانى … الجيزة كلها بتحكى عن شطارتها وتميز الفول بتاعها
_وبعد ما نفطر ياغرام ونتعرف على ست خيرية
=عيبك يا نادية انك بتحبى كل حاجه سريعة والبيزنس ومن الشاطرة لازم تكون متأنية وطويلة البال ..بعد ما نفطر المفروض انكم تتوزعوا على اقسام الجمعية.
«تحدث عم كامل فى تعجب»
_انتِ عملتي الاقسام خلاص يا غرام
=ايوة يا عم كامل خلاص …ماما كريمة هاتِ الحاجة اللى طلبتها منك امبارح
“بصوا الاهم من الشغل تظبيط الشغل .. دخلت ماما كريمة وهى بتحمل سِبورة اشترناها …وفى ايدها التانية اقلام كان كلها حماس يمكن كان حماسها اكتر منى بكتير”
«تحدثت ماما كريمة بمزاح متحمسة»
_احنا جاهزين يا كبيرة ..ناوية على ايه وهنعملوا ايه؟
«يضحك الكل بصوت عالِ»
“حملت السبورة من ماما كريمة وقُمت بتعليقها فى المكان اللى حددناه انا وماما امبارح وقسمت السبورة ست خانات
1.خانة الطهي (مشروع اكلة صغيرة) 2.خانة الهاند ميد 3.خانة الخياطة والتطريز 4.خانة محو الامُية 5. خانة الدوارات التمريضية 6.خانة الكوافير ….. بعدما انتهيت من كتابة الست خانات … اتنهدت وبصيت ليهم بعمق كنت بفحص تعبيرات كل وجه منهم.. كان فيهم اللى مستغرب، مندهش، اللى مش مجمع ايه الست خانات دول، اللى لسة مش فايق… استنوا كدة هو انا اصلا صح ولا غلط .. هنجح ولا لا؟ طب لو انا هنجح كل حركة بخطوها بخاف ليه!!”
«عز الدين فى انبهار»
_غرام انتى بجد هتعملى كل الاقسام دى فى الجمعية؟!
=ايوة يا عز وكل دة محتاج مدير سوشيال ميديا شاطر فوتوغرافر عظيم زيك انت وسُكر .. سُكر بنت شاطرة ويجي منها على فكرة
«نادية الشيمي بتردد»
_يعني تقصدي يا غرام ان انا همسك قسم الخياطة والتطريز؟
=دة يتوقف على قدرتك بين تنظيم وقتك … انا عارفة ان الاتيلية والمحل شاغلين كل وقتك لو هتقدرى تقومى بدة هيبقى عظيم جدا .. لكن لو معندكيش القدرة دي كدة كدة هتساعدينا اولا بأنك ترشحيلنا بنوتة من المساعدين بتوعك هى اللى تقوم بالمهام دي وثانيا انك معانا فى كل خطوة انتِ مش مجرد انك هتبقى ماسكة قسم انتِ منتمية للكيان دة خلاص
«تحدثت فريدة متبسمة»
_وطبعا انا هكون المشرفة على الدوارات التمريضية
=طبعا يا دكتورة فريدة .. ومين هيقوم بالمهمة دى غيرك بس المفاجاة انى هحاول بكل الطرق انها تكون معتمدة من وزارة الصحة.
« تسائل الشيف فهمي بتفكير»
_طب وانا يا استاذة غرام.. اكيد منتمى لقسم الطبخ بس يعنى هعمل ايه؟
=بص يا عم فهمى … انا عارفة انك شيف ممتاز القسم دة انا هعمله للي عندهم فن الطهي وانت هتساعدهم كونك شيف ممتاز تساعد كل موهبة فيهم انها تتمكن اكتر فى موهبتها تبدء هى تقرر وتختار مشروعها الخاص، تكون انت بمثابة الملهم لها.
«ماما كريمة تصطنع الحزن»
_خبر ايه عاد وانا فين فى الاقسام دي ان شاء الله
=انتِ الخير والبركة ياست الكل معايا طبعا فى قسم الهاند ميد .. اما انت يا بشمهندس رامي اكيد مش لاقى نفسك فى الخانات ما احنا مش هندرس ليهم هندسة يعني انت عندك موهبة الكتابة كل الست خانات هتكتب صياغة المناهج انت فى كل مرة
«عم كامل متعجبا»
_انت هتعملى مناهج كمان
=طبعا ياعم كامل ومذكرات وملازم كل حاجة هتكون مدروسة بكل دقة بجد
_عظيم يا غرام، مش قولت لكِ انك بطلة قبل سابق
=كله بدعمكم يا عم كامل صدقنى…. انا فخورة ان ليا اب زيك
«تتحدث ماما كريمة مشيرة الى السبورة»
_طيب وبالنسبة للخانتين دول يا غرام
=الكوافير ومحو الامية دول مهمة نادية وفريدة عليهم انهم يتواصلوا مع بعض لإيجاد شخصيتين لسد الخانتين دول يكونوا محل ثقة وقد المسؤلية
“تدخل ماما كريمة حاملة لنا اكواب الشاي ونفس السؤال بيتكرر جوايا هو انا خايفة ليه وكل حاجة متذاكر لها كويس او بمعنى اصح هو انا خايفة افشل ولا خايفة من طعم النجاح”

=انا كدة شرحتلكم كل حاجة قبل الفطار ورشحت كل واحد فى مكانة الصح دلوقت القرار قراركم اللى حابب يكمل كياننا هيكون ممتن بيه جدا واللى مش حابب او مش قادر كياننا هيفضل فاتح له ابوابه فى اي وقت
«سكر بحماس»
_انا معاكي طبعا
«ينظر عز الدين الى سكر متأففا»
_وانا كمان معاكي يا غرام
«فريدة تعانق غرام وتحدث مهللة»
_معاكي يا احلى بطلة فى الدنيا انا فخورة بيكى جدا
بص شوف غرام بتعمل ايه.
«ماما كريمة تنظر اليها وتتحدث بلطف»
_اسم الله عليكِ الله اكبر معاكى يا روح قلب ماما لو مكنتش انا معاكى هيكون مين
«رامي يتحدث مازحا»
_لو انا مكنتش معاكى يا حماتى مين هيكون معاكي
=اصيل يا جوز بنتي
«الشيف فهمي»
_انا كمان معاكي يا استاذة غرام دة مشروع عظيم ولازم اساهم فيه
«عم كامل ينظر اليها متفحصا»
=هو فيه حاجة ياعم كامل ولا ايه
_حاجة؟ حاجة وحدة ..دى حاجات عاملة تقسمي وتحطى ناس فى خانات وترشحي ناس وناس توافق وناس تشجع وانا مش مالى عينك ولا ايه ،انا فين فى الخانات دي
=انت الكل فى الكل يا سيد الكل
_ايوة ايوة كلي بعقلي حلاوة
=لا والله انت هتكون مسئول عن كل الحسابات وكل الايرادات اللى هتدخل الجمعية ومش بس كدة هتكون مسؤل عن كل التبرعات اللى برضو هتدخل الجمعية يعنى من الاخر انت هتكون ماسك كل الحسابات اللى هتدخل الجمعية وانا بس بتابع معاك
_لا اذا كان كدة ، بص شوف غرام بتعمل ايه
«ليهتف الجميع ملتفا حولها ويهتفون “بص شوف غرام بتعمل ايه …. بص شوف غرام بتعمل ايه”»
” كنت فرحانة حاسة بنجاح غريب ومخضوضة في نفس الوقت مش بيتردد غير صوت فى دماغي.. صوت واحد وبس’كملي انتِ هتوصلي متخافيش’»
=ايه يا جماعة لا داعِ للتصفيق دعونا نعمل في صمت
«يضحك الجميع لطريقة غرام المسرحية»
=طب ياجماعه دلوقت الساعة تسعة بينا علي الفطار
«عم كامل سائلا»
_لية يا غرام احنا نفطر هنا
=لا يا عم كامل .. عز الدين وسُكر بداية مهمتهم حالا
النهاردة هسجل اول فيديو من بعد الافتتاح قدام عربية الفول بتاعة الست خيرية وكل طاقم الجمعية معانا
«عز الدين في حماس»
_في ثوانى المعدات هتكون في اللوكيشين بتاع الست خيرية هكلم اصحابي هيوصلوا حالا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

“بعت اللوكيشين واتحركت على بيتي ولبست لبس كلاسيك وحطيت ميكب خفيف بصيت للمراية بتحدي واو يا غرام 70 كيلو ولسة…. خدت نفس عميق وبصيت وكلي اصرار انتِ بطلة، محاربة عظيمة، اوعي تخافي ، انجحي، انتصري، خليكي قوية، اطمحي، احلمي اكتر واكتر
نزلت ليهم اللوكيشين وقابلتني ست خيرية بكل ترحاب وابتدى عز الدين يجهز معدات التصوير”
«عز الدين فى حماس مشجعا غرام»
_احنا جاهزين .. غرام انتِ كويسة؟ خايفة ليه؟!
=مش خايفة يا عزالدين انا بس.. متوترة شوية… يلا بينا انا كمان جاهزة
“ركبولي المايك اتنهدت كان لازم اتخلص من كل التوتر اللي جوايا واكون اقوى من كدة لاحظي ان كل العالم هيشوف الفيديو دة سميت وابتديت كلام وانا الابتسامة مالية وشي”

=صباح الخير مع كل اشراقة شمس جديدة بينطلق نور وبيتولد معاه حلم.. حلم جديد لكل وحدة فينا يمكن اليوم مش بيمر مرور الكرام وبنفس نظرة الاشراقة العادية للست المُطلقة
بس من النهاردة هيمر اجمل واجمل… هيمر وانتِ شايفة حلم زمان كان جواكي بس انتِ لغيتيه بيتحقق … كارير كان نفسك تبنيه بس كان مهدود …حياه كان نفسك تعيشيها بس كانت سودوية… ظروف كانت صعبة وامر واقع كان لازم تتغلبي عليه عشان تعيشي زي ست خيرية اللى واقفة قدام عربية الفول بتاعتها … الام والاب لأربع بنات والدهم توفاه الله عافرت وحاربت… وربت وكافحت … وعلمت وجوزت من عربية الفول… من شئ شبه مستحيل… لفول بيحكي عنه الناس… والسياح بيحبوها وبيحبوا اكلها وإشراقتها هى وبناتها
حسيت بنجاح لما ست خيرية اتواصلت معايا وطلبت مني طلب غريب جدا… انها تدخلفى الجمعية معايا وتدعم المرأة وتديهم من عُصارة خبرة لتجربة مريرة عاشتها بس الطلب اللي كان اغرب… انها تدخل محو اُمية وانها عايزة تتعلم… كانت بمثابة الهام ليا فى تحضير الفايل بتاعي واقدم في كلية التجارة مش بس اكون حاصلة على معهد وخلاص
غرام في سن التلاتين هتبقى طالبة جامعية مستنياكم تشاركوني كل احلامكم .. كاريركم .. تعبكم ..مشاكلكم كلي اذان صاغية وبصدر رحب .. البيدج دة هكون بتواصل فيه معاكم لكل اللي بيدور في قلبكم وعقلكم واخيرا صباح الأمل يا من ولدتِ من الالم.
“الكل بيصفق وبكدة اقدر اقول… بص شوف غرام بتعمل ايه بقي”

يتبع……

حسيت بنجاح لما ست خيرية تواصلت معايا وطلبت مني طلب غريب جدا… انها تدخلفى الجمعية معايا وتدعم المرأة وتديهم من عصارة خبرة لتجربة مريرة عاشتها بس الطلب اللي كان اغرب… انها تدخل محو أمية وانها عايزة تتعلم…. كانت بمثابة الهام ليا فى تحضير الفايل بتاعي واقدم في كلية التجارة مش بس اكون حاصلة على معهد وخلاص غرام في سن التلاتين هتبقى طالبة جامعية مستنياكم تشاركوني كل،
احلامكم .. كاريركم .. تعبكم .. مشاكلكم كلي اذان صاغية وبصدر رحب .. البيدج دة هكون بتواصل فيه معاكم لكل اللي بيدور في قلبكم وعقلكم واخيرا صباح الأمل یا من ولدت من الالم.

“الكل بيصفق وبكدة اقدر اقول … بص شوف غرام بتعمل ايه بقا”
____________________________________________
« عم كامل بإعياء»
_خلاااص انا كدا جبت أخرى خالص.
= يلهوى ياعمو انت شكلك تعبان خالص، شكله الضغط ..بص انا هكلم فريدة و..
«عم كامل مقاطعًا حديثها»
_يابنتى انا كويس وزى الفل انا هبطت من قله الاكل والشغل،انا محتاج نقفل ونروح الساعة وصلت 10 واحنا من الساعة 6 الصبح بنشتغل دا حرام والله، وبعدين انا كدا مرتبى يزيد ياغرام
“ضحكت وانا كلى أسف، ازاى مأخدتش بالى ان عمو كامل شغال اكتر من 12 ساعة ودا غلط على صحته”

=انا اسفة ياعمو كامل حقك عليا انا بجد ماخدتش بالى من الوقت ومقدرتش تعبك ولا وجودك كان لازم انتبه على صحتك واخليك تمشى من بدرى ترتاح.

_ بس ياعبيطة وانتِ فاكرة إن كنت هسيبك تشتغلى وحدك وتاكلى عليا المرتب؟!. وبعدين على الاقل انا اتغديت وروحت البيت ريحتلى نص ساعه اكلت آكلة متينة من ايد ماما كريمة وشربتلى كوباية شاى عظمة، لكن انتِ على الفطار بتاع الساعة 6 الصبح.
=ياعمو كامل ماانا آكلت تفاحة معاك من شوية وبعدين الفول دا آكلة ممكن تعيش عليها يومين.
«عم كامل بعصبية خفيفة»
_غرام انتِ كدا مش محتاجة الدنيت اللى بتعمليه ده عشان تخسى كدا هتعدمى صحتك يابنتى،مش إنتحار هو خلاص.
=شوية صغننين ياعمو كامل اوصل 60 بس ويبقى كدا عظمه أوى اوى وبعدين ياراجل ياطيب اسمه دايت دانا حفظتهالك عشرات المرات.

_وانا اعرف اهو كلام غريب ، كلام اجانب ملناش فيه انا مبفهمش فى الكلام المكلكع ده.
“ضحكت وبصيت ليه وهو بيقفل المكتب وخلاص هنقفل المقر بالكامل ”
_هستناكِ بره يلا هاتِ شنطتك وشوفى الولاد مين قاعد فيهم ومشيهم متنسيش الشارع ده برضو ملبوس .
=تانى ياعم كامل تانى، ايه وسيم صيته مسمع فى الشارعين؟!
_لا والله يابنتى دا فعلا الشارع ده فى حاجه حقيقية مش وسيم والله

=حاضر يا عمو اسبقنى انت متقلقش انا بعرف اتعامل معاهم.
” كنت خلاص هطلع مسكت شنطتى وابديت امر على الغرف، لفت نظرى صوت عياط طالع من الحمام ، صوت عياط ”
= ايه وسيم احنا كمان ولا ايه،مش ناقصة رعب الحكاية.. حد جوا.. فى حد هنا

“فضلت اخبط على الحمام عشان حد يفتحلى، لحد ما النور قطع وسمعت صرخة فى الحمام والباب بيتفتح”
=وسيم، وسيم متهزرش بلاش كدا والله العظيم ياوسيم انا الفلاش بتاع الموبايل فين.. افتح بقا افتح..
« سكر منمهرة فى البكاء»
_مين قطع النور..
=سكرررر،ليه كدا يابنتى انا ناقصة انتوا هتقطعولى انا الخلف فى ايه بتعيطى ليه؟
_هو فى ايه؟! واستاذ وسيم ماله يامدام غرام كنتى بتصرخى بأسمه.
=دا..دا انا ظلمته، متاخديش لبالك انا كنت فاكره ان دى حركة من وسيم وحاجاته اللى بيعملها، طلعتِ انتِ بتعيطى ليه
_ طيب مال حضرتك متوترة ليه كدا وبتترعشى تعالى المكتب حضرتك وهشوف بره ايه اللى حصل؟
“دخلت المكتب كنت نسيت طعم الخوف ليا فترة،ربنا يسامحك ياعم كامل خليتنى عامله زى المجنونة،كان جوايا اسئله كتير، ايه اللى يخلى سكر تعيط بالشكل ده؟! وليه عم كامل كان ليجبلى سيىرة وسيم كل شوية النهاردة ، كنت بفكر فى حاجات طتير لحد ما النور رجع نور المكان تانى ودخلت سكر ”
=ياخبر دا انتِ عنيكِ ورامه جدا!!
_هو حضرتك هتزعلى منى لو مشيت ومكملتش؟
= ايه دا!! هو خلينا متفقين مفيش حاجة اسمها حضرتك ومدام غرام.. انا غرام وبس اتعاملى ببساطه كأنى اختك الكبيرة او صحبتك الكبيرة.
_دا شرف ليا خالص يامدا..ياغرام انا..
=إشربى كدا وسمى الله واحكيلى ست الحسن بتعيط ليه؟. وعايزة تمشى ليه؟! انا لحقت ضايقتك.
_انا لما حطتينى مع اللى اسمه عز الدين ده فى الاول اضايقت جدا، وبعدين قولت يابت هتتعلمى منه دا فوتوغرافر مشهور اوى وناجح انا اصلا عملاله فولو دا انا كنت متابعة كل سيشن او حاجة بيعملها.. وفرحت قولت كله للخير ومفيش مشكلة دى فرصة حلوة اتعلم اكار واطور من موهبتى.
= طيب دا شئ عظيم جدا وتفكير هايل، فين المشكلة اللى تخليكِ مموته نفسك من العياط كدا؟!
«سكر بصوت متحشرج»
_عشان هو كسرنى، هو حسسنى انى ولا حاجة ولا قيمه.. ولا وهوصل وابقى زيه.
“قلبى وجعنى جدا لشكلها وعياطها كنت محتاجها تطلع كل اللى جواها واحضنها مهو انا لو خِلصت من وسيم، مش هخلص من بقايا وسيم مهو ولاد اخته برضو..حسيت انها خلصت كلام حضنتها جامد، خرجتها من حضنى وبصيت ليها بعمق واتكلمت ”
= مين يكسرك؟! ومين دا اصلا اللىيحسسك كل المشاعر القاسية دى؟! عز!! انتِ تفكيرك كدا ضيق وانا كنت مراهنه انك هتعرفى تتفوقى عليك ومراهنة هلى لباقتك وذكائك.
_انا فاشلة، ومش عايزه اكمل،انا فين اصلا وهو فين وبعدين..
“اتعصبت بخفة عشان متعبهاش أكتر وبصيت لها”
=فاشلة؟!! عندك كام سنة ياسكر عشان تقولى الجملة دى؟ مريتى بأى تجارب تشجعك تنطقي الكلمة دى ؟! تعرفى ايه عن الفشل عشان تتهمى نفسك ب ده؟! لسه بدرى اوى اوى ياسكر، جربى مرة و واتنين وجربى 30 كرير واختارى منهم شغفك وحبك ، وإرجعى جرب تانى، وحاولى مرة وإتعبى وبطلى محاولة وإرجعى وبعد كل السعى ده قررى انك فشلتى ساعتها هبقى صدقتك لانك بذلتى واشتغلتى وسعيتى. لكن ربنا موفقيش ف ده ساعتها هصدقك ان دا مش مكان على الرغم ان دا برضو مش بشوفه فشل اصل (مع كل المحاولات دى هو اخدتِ شبكه معلومات وبنى أدمين وخبرة واستفادات عالية مطلعتيش خسرانة اوى يعنى).
_بس انا فعلا معنديش شهادات عالية ولا
= مين قال كدا انا لو شايفه انك مش شاطرة مش هشغلك فى تيم كبير زى ده. اوعى حد يحسسك انه كاسرك، اوعى هتفضلى طول عمرك شايفة نفسك كدا ومش هتعرفى تطلعى من الدايرة دى ابدا.. انتِ قوية وشجاعة وهتوصلى، اما عز الدين فى انا هعرف شغلى معاه.
“طلعت تليفونى ورنيت عليه وطلبت منه يدخل المكتب”
«عزالدين فى تعجب»
_هو فى ايه مالك ياغرام شكلك متعصب،.. اه اكيد البت دى عصبتك و..
“قاطعته فى عصبية شديدة”
=اسمها أنسة سكر، والتزم حدوظك وانت بتتكلم معاها، انت فاهم.
_ايه ياغرام انسة ياستى متزعليش، مالك متعصبة اوى كدا ليه؟!
=عز الدين ايه اللى انت هببته مع سكر ده.؟
_ااه هى سكر.. سورى انسة سكر معيطة عشان طريقتى معاها حساسة انسة سكر برضو.
«سكر منمهرة فى الدموع ملتقطة هاتفها»
_انا اصلا غلطانة انى قبلت اتكلم مع بنى آدم شبه ده بعد إذنك يامدام غرام.
=سكر، مكانك لو سمحت ومتمشيش غير لما انا اقرر ده.
«عز الدين فى هدوء مفتعل»
_ ايه ياغرام مش فاهم عملتلها ايه يعنى عشان تعيط كل ده، ضربتها برصاص انا يعنى؟
=لا يااستاذ جرحت مشاعرها وانا لينا قاعده تانية،طالما مبتفهمش تتعامل مع البنات نقعد ونفهمك، بس قبل اى حاجه لازم تفهم ان سكر شاطرة وشاطرة اوى اوى كمان، ومشاقل منك فى إى حاجه انت لحد مااتخرجت كان بيتصرف عليك وانت اللى حكيت ده وكنت متضايق منه ، اما سكر فهى اولى جامعه بس قصه طويل من ثانوى فنى وعملت معادلة ودخلت جامعة واشتغلت طورت من موهبتها فى التصوير وباشتغل كانت فى محل عشان يتيمه بتصرف علي نفسها وعلى امها واخوها الصغير.. ومستسلمتش ولا تعبت ولا استكفت بالظروف وقالت اطلع واستنى اتجوز زى بنات قريتها.
«عز الدين فى حرج شديد»
_سكر..اقصد انسة سكر انا اسف انا مكنش قصدى وو
«سكر اِرْتَسَمَتْ عَلَى مُحَيَّاهُا ابْتِسَامَةٌ»
_ولا يهمك يااستاذ عز
= لو انتوا مش عارفين تتعاملوا مع بعض ياريت تبلغونى وانا هتصرف واحل ده كويس..عشان شكلكم شويه عيال
«سكر فى لطف»
_تمام يامدام غرام انا ممكن تنقلينى لاى قسم تانى واستاذ عزالدين هيقدر يقوم بكل القسم لوحده وهو اولى لانه معاه المعدات والكاميرات وكدا ودا حد بروفيشنال،انا لسه بدرى عليا اووى زى ماهو قال
«تحدث عز الدين مازحًا»
_ميبقاش قلبك إسود ياسكر بقا، هنكمل فى نفس القسم سوا وانا يستى اللى لسه بدرى عليا اوى ياريت ابقى زيك، انا بكرر اسفى حقيقى.
_ولا يهمك مفيش اسف
_طيب ايه هنكمل فى نفس القسم
«سكر بإبتسامة واسعة»
_ماشى هنكمل
=طيب زى الفل جدا كل الملفات والفايلات اللى طلبتها منكم جاهزه؟
_جاهزة ياكبيرة.
=تمان يا عز حضرها وهاتها على شقتى، سكر والدتك بره يلا اطلعيلها.
“وصلت الشقة وانا كلى حيرة، ياترى افصل سكر عن عز ولا كدا بضر بمستقبلها مهو بصراحه والولد شاطر جدا وهيفيدها فى كريرها.. الحل اخليها واتابع معاها ليكون زى خاله توكسك ويكسرلى البت”
_ مساء الورد والفل والياسمين على احلى غرومة.
=يا ساتر يارب عملت ايه فى دنيتى عشان اموت م الخضة كل شويه..خير.

يتبع……

_ مساء الورد والفل والياسمين على احلى غرومة.
=يا ساتر يارب عملت ايه فى دنيتى عشان اموت م الخضة كل شويه..خير .
«أيسل مسرعة فى عناق غرام»
_ماااامى…كنتِ عظيمة ياماما انا فخورة بيكِ اوى أوى.
=وإنتِ وحشتينى اوى اوى اوى ياسولى، طمنينى عليكِ ياحبيبى انا زعلانة منك جدا انا رنيت عليكِ الصبح ابلغك باللى هيحصل واشاركك وانتِ مردتيش عليا
_ سورى مامى،بس كنت نايمة وصحيت متأخر، بس شوفت الفيديو كان جامد اوى اوى والكومنتات كانت حلوة اوى وكنتِ جميلة اوى وملامحك قمر اوى.

=يلهوى على كم الاوى السكر ده، النهاردة انا هديكِ مليون حضن انتِ وحشتينى اوى.
«يوسف متبسما»
_ايه ياغرام هنفضل واقفين على الباب كدا،مش هتفتحيلنا الشقة وخلينا ندخل كلنا بدال مااحنا واقفين برا كدا ؟
«وسيم فى تعب يخرج من شقته متجها بنظره إلى غرام متحدثا»
_غرام..
“اول ما شوفته اتلخبطت، حسيت نبضات قلبى بتعلى ومش فاهمه ليه؟! هو انا ليه مش بحس الاحساس ده مع نور؟! على الرغم من إنى بحب نور… استنوا كدا بحب مين؟! انا قولتها بسهولة كدا إزاى؟! انا بحب نور .. نور بيهتم، بيخاف ربنا، بيشجعنى وبيدعمنى، مبيهربش ، بيسمعنى احكى بالساعتين او اسكت يومين، بيستحمل ردودى وبواختى، بيبعتلى ورد كل يوم، بيقربنى من ربنا، بيحاول يسعدنى بكل طريقة.. انا مش هنكر انه روتينى، ومش زى وسيم بس عيوب وسيم اكتر بكتير، لو هنقارن بين وسيم ونور فـ نور مميزاته أعلى بكتير أو يمكن أهم ميزة انه حاسه بالامان معاه ، انه لو إتجوزت مش هصحى على صدمة هروبة، هيكون موجود جمبى”
«يوسف بلهجة حادة»
_أقدر افهم متنحة ليه وصامتة كدا افتحى الباب، اما انت يااستاذ مش شايفها واقفه مع جوزها وابو بنتها
“كلمة جوزها صعقتنى، اتكلمت بحده ”
=طليقها يا استاذ يوسف دا اولا، ثانيا استاذ وسيم الوقت متأخر نأجل حديثنا لبكرا بإذن الله.
«وسيم فى إحراج»
_تمام ياامدام غرام تصبحِ على خير، ايه ياايسل مش هتسلمى عليا موحشتكيش
«ايسل مسرعة تجاهه لتعانقه بشده»
_طبعا وحشتنى ياوانكل، عامل ايه
_بخير ياحبيبتى، شوفت صورتك الصبح على فيس بوك كنتِ حلوة اوى وكمان اللون الاحمر طلع حلو اوى فيكِ مش زى ما انتِ كنتِ بتقولى.
_بجد يااونكل كان حلو؟!
_طبعا كنتِ شبه الوردة الحمرا اللى فى بستان جميل.
_ احكيلك سر
_سر واحد بس! انتِ تحكى كل الاسرار يااجمل ورده.
_ انا لما لبست الفستان النهاردة افتكرت كلامنا وانك كنت بتحببنى فعلا فى اللون الاحمر، انت عارف انا بكرهه خالص.
_دا يبختنا إنى كنت فى تفكيرك يست البنات انا كدا الناس تحسدنى ، عارف إنك بتكرهيه بس كنت واثق من إنك هتكونى سكره فيه.

“كنت فى صدمة رهيبة انا ويوسف للحوار اللى بيحصل بين وسيم وايسل وكأن بنت ووالدها، والداها ايه دا حبيبها ، إمتى عرف يصاحب أيسل كدا، وايسل حكياله عن كرهها للون هى فعلا مبتحبهوش، وازاى خد باله من صورتها على الفيس بوك ومن امتى أيسل عنده على الفيس أصلا ”
«يوسف بغض شديد»
_مش كفاية يا ايسل فى ايه، تسيبى بابا واقف كدا ومتحترميهوش وتروحى للناس الغريبة مهو العيب ..
“بصيت له فى غضب وكأنه فهم إنى فهمت إنه هيقول العيب عليا، فـ حب يصلح الجملة عشان ينول رضايا.. يوسف هو يوسف مش هتغير هيفضل لسانه طويل مهما حصل ”
_العيب عليا انا.. انا معلمتكيش ده.
«وسيم يقبل جبهتها ثم يتحدث معتذرا»
_انا اسف يااستاذ يوسف انا مش غريب انا فى مقام عمها وايسل بعتبرها بنتى اللى مخلفتهاش والله، وهى بالعكس بتكن ليك كل إحترام وتقدير انا بعتذر مرة تانية لو دا ضايقكم تصبحوا على خير
=وانت من أهل الخير.
«تحدث وسيم بلطف إلى إيسل»
_تصبحِ على كل الخير والسلام يا أميرتى الحلوة.
_وانت من اهله ياعمو.
«يوسف مفتعل الهدوء »
_رخم أوى بس يلا غار.
= ما علينا شكرا إنك وصلت أيسل، افتح لحضرتك تدخل ليه؟! بمناسبة إيه.
_جوزك وداخل. مش مالية عينك المناسبة دى.
=جوزك!! يالله يابنى انت طليقى..احنا تم بينا الطلاق دا اولا ثانيا انت مش من حقك تدخل اصلا.
_افتحى نتناقش جوه، انا النهاردة جاى نتكلم فى موضوع مهم جدا وحيوى
= بكرا إن شاء الله نرتب ميعاد واكلم حضرتك.
_غرام الناس كدا هتتفرج علينا لو سمحت دخلينا انا وبنتك وبنتك بدأت تنام على نفسها
“كنت شايفة خيال وسيم خلف باب شقته، كنت متأكده إنى هعد لتلاته وعمو كامل وماما كريمة هيكونوا متواجدين اخدت نفس عميق…واحد…اثنان….ثلاثة”
«عم كامل مسرعا فى خطوته غاضب»
_خير يايوسف عايز ايه، ومالك بـ غرام.
«ماما كريمة بزعر»
_عايز منها ايه المرادى مش كفياك، مبقتش فيها صحة تستحمل ضربك.
=قصدك بقى عندى كرامة ومش هتقبل ضربة وهو جرب والمرادى من غير بوليس خالص انا اعرف اجيب حقى بدراعى مبقتش غرام بتاعت زمان خلاص.
«يوسف مستعطفا عم كامل»
_انا محتاج اتكلم معاها والله بس محتاج اتكلم معاها وحدينا حضرتك ياعم كامل ممكن تكون موجود انت والحاجة جوه معانا الاصول اصول، وانا هتكلم معاها بالظبط فى أقل من ربع ساعه.
“عم كامل وافق وربت على كتفى يطمنى، مكنتش خايفة منه زى ماهما فاهمين انا كنت بس قرفانه منه، بينتابنى شعور بالقرف لما بشوفه وشعور بالاستحقار منه ومنى انى ازاى كنت عايشة مع بنى آدم بالشكل ده وكنت لاغية شخصى وكرامتى وكيانى، إزاى كنت متفانية للعلاقة التوكسيك دى وازاى كنت منفية جواها..دخلنا فعلا اوضة المكتب الخاصة بجدو وعمو واقف بره هو خايف ومتوتر، وماما كريمة بتنيم أبسل”
=خير يايوسف ادينا وحدينا اتفضل إحكى.
_إتغيرتى اوى اوى ياغرام
=بالنسبالك، أكيد أتغيرت للاوحش طبعا،مبقتش أمينة اللى بتطيع سى سيد وبتستحمل ديكتاتوريته وضربه وإهانته وقرفه.
_بالعكس إتغيرتى للاجمل، ملامحك، وشكلك، شخصيتك ونجاحك واستايل لبسك وتسريحه شعرك ولونه اللى متغيرش بس أول مرة اخد بالى منه، حتى عنفك وريحه برفانك اللى متغيرتش وهادية اوى اوى شبه عيونك، عيونك اللى جمالهم غريب مآخدتش بالى منهم كل السنين اللى فاتت.

= انت بجد!! يعنى انت كدا طبيعى؟ انت شبه متجوز وبعد كام يوم فرحك انت م
«قاطعنى فى حديثه»
_مش عايزها، انا عايزك انتِ كل يوم عماله تحلوى فيه أكتر انا حبيبك اللى حبيته من زمان،وابو بنتك اللى قلبها مكسور بسبب طلاقنا واللى مش عارف اهتم بيها وهى بعيده عنى.
=تهتم بيها!! بنتك!! بنتك اه اللى مشترى ليها فستان احمر وهى بتكره اللون ماانت ماتعرفش بقا بنتك بتحب ايه وبتكره ايه، بنتك عندها فوبيا من اللون ده وسبع سنين سن بنتك وملاحظتهوش.. انت مينفعش تستغل بنتك عشان مصلحتك وغرضك، كفاية إنك مكنتش اب ليها كويس.
_انا اكتشفت إنى بحبك ومش عارف اعيش من غيرك.
= وانا بقرف منك والله العظيم، اقولك كلمتين كنت عايزه احكيهم بس مستنية الفرصة.
_قولى ياغرام
=انا اكتشفت انى محبتكش.. اه والله ماتتصدمش انا بس كنت جعانة مشاعر لفظ غريب صح! بس وماادراك من جوع المشاعر، لما بنت ماتلاقيش أبوها بيحبها وبيسندها ومعندهاش أخ ومعندهاش محبة فى البيت اصلا،حتى وهى صغيرة متقلهاش كلمة بحبك زى صاحباتها البنات، كانت كل البنات بتعيش قصص حب الا انا، ويوم ما عملت ده وحاولت اخب ابن الجيران بعد إقناعى من أختى وصاحباتى هاجروا لبلاد بره.. متحبتش ومليش قصص ولما شوفت كنت جعلنه مشعر كنت عايزه اقول لأى حد بحبك واسمعها منه كنت مراهقة، كان حلم حياتى فستان ابيض وزفه وشهر عسل مش اقل من 20 يوم زى سهير بنت خالتى وفرح مش أقل من عبير صحبتى و تسريحه وميك اب مش أقل من أيه بنت الجيران ووووو وبس مفكرتش فيك ولا طبعك ولا شخصك ولا حياتى معاك شكلها ايه.. بس بعدها حبيتك بعدها بسنه ابتديت احس ان الله ربنا عوضنى هى سنه وبعدها رجعت لنفس الفكرة.. مش بلومك على فكرة على تعاملك معايا لا انا السبب ضعف شخصيتى وإهمالى وارتباطى بيك من الاول ومراهقتى وجهلى.. وكمان بشكرك سبب جوازك التانى وطلاقى غيرنى، عمل منى بنى آدمه .. احيانا المواقف والشدائد بتعمل مننا اشخاص يعتمد عليها ناجحه وقوية وصلبة.
_غرام انا بس عايز…
= مننفعش لبعض والله،خلينا اصحاب بكن ليك ولو شوية احارام بعد كل اللى حصل عشان ايسل. وانت كمان تبادلنى الشوية دول.. وتعزمنى على فرحك عشان نحضره انا وأيسل وربنا يكمل معاك فرحتك بعروستك وبحياتك الجديدة وتسبنى انا كمان اتهنى بحياتى الجديدة.
___________________________________________
|الحادية عشرة |
_كويس إنى لقيتك فى البلكونة كنت محتاج اطمن، انا كلمت عمو كامل وقالى إنك بخير ونزل من غير اى شوشرة وانكم كنتوا بتتناقشوا عادى
“كنت قاعدة فى البلكونه بصفى كل الدوشة اللى فى دماغى وبشرب قهوه.. مهو كدا كدا مفيهاش نوم، ولقيته دخل ملهوف من ناحية بلكونته كان باين عليه جدا الخوف،اتكلمت بجمود”

=شكرا لإطمئنانكم واهتمامك، وممتنة ليك إنك رنيت على عمو كامل عشان يطلع لى.

_غرام ايه الطريقة دى.. انا عارف انى..انى غلطان وكل مرة بهرب…لكن لو اديتينى فرصة
“ضحكت فى سخرية”
=هتهرب برضو من الفرصة.. انت اتعودت على الهروب بمرض ومن غيره.
“بص لى فى غضب واتكلم بصت عالى”
_غرام انا..انا ب.. بحبك،وكنت بهرب عشان بحبك،انا حياتى صعبه وخايف عليكِ خايف مكنش تعويض ليكِ عن كل قسوة الايام اللى فاتت،خايف مكنوش اب كويس لأيسل..انا خايف من كل حاجة.. لكن دلوقت انا قررت انى هكمل وهعافر عشانك وهسندك وتسندينى واتكلمت مع الدكاترة ولقيت انى أتحسنت، وروحت لدكتور واتنين وتلاتة واكدولى انه مفيش خطر عليكم لحد ماتفهموا التعامل معايا ازاى، وانا انا معايا التقارير
“اتوترت وكنت مهزوزة وقاطعته”
=الحب هو الامان بالنسبالى وبعد اللى شوفته وقاسيته الامان والراحه والهدوء رقم واحد ودا ملقتهوش معاك مش هبقى مطمنة على نفسى وانا نايمة فى بيتك والصبح القاك هربان. لا ياوسيم لا.. انا عايزه اعترفلك اعتراف
_ايه هو؟
= انا بحب…انا بحب نور ونور كمان ومرتبطين وهنعلن خطوبتنا كمان كام يوم..
_ايه
=وسيييييييم…الحقونى ياناس

يتبع……

=انا بحب.. انا بحب نور ونور كمان ومرتبطين وهنعلن خطوبتنا كمان كام يوم..
_ايه
=وسيييييييم… الحقونى ياناس
“لقيته مرة واحده وقع من طوله.. محستش بنفسى غير إنى بصرخ بحاول افوقه مش بيفوق .. فضلت متنحة شوية لحد مادماغى جمعت أكلم عمو كامل وماما كريمة ينقذوه”
____________________________________________
«عم كامل مفتعل الهدوء »
_أهدى متخفيش الدكتور جوه هيطمنا.
=عم كامل هو ممكن يحصله حاجة؟! لو حصله حاجة انا مش هسامح نفسى.
_يابنتى ايه اللى بتقوليه ده، استهدى بالله كدا وخدى نفسك وارتاحى إنتِ ليكِ نص ساعة واقفة وعماله تعيطى أمسحى دموعك بس وبطلى عياط متبقيش زى ايسل.
=انا السبب.. انا السبب ياعمو كامل.
_لا حول ولا قوة إلا بالله، انتِ عملتيه ايه بس دا واحد مغمى عليه ياغرام عادى يعنى هو انتِ قتلتيه استهدى بالله.
“خرج الدكتور من غرفته ، كنت واقفه بعيد خايفة لينطق اى حاجة صعبة عمو كامل جرى عليه يسأله وقتها نبضات قلبى كان ممكن تسمعها كانك بتسمع معزوفه لحن الموت”
«عم كامل فى خوف»
_طمنى يادكتور..طمنى يابنى وسيم كويس؟
«الدكتور بهدوء »
_هو اللى حصله نتيجة ضغط عصبى ، اديته حقنه مهدئة، بعدوه عن اى إنفعال وعصبية. ابعدوه كل البُعد عن ده. أما الروشته فى ده نوع مهدأ برضو عشان لو الحالة تعبت تانى.
«عم كامل»
_شكرا يادكتور تعبناك معانا وقلقنا نومك.. كتر خيرك.
“نزل الدكتور، وعم كامل طلب من ماما كريمة تنزل خلاص وهو هيبات الليلة بجانب وسيم .. كان عيون عم كامل فيها الف سؤال وسؤال.. كنت عارفة انه هيكلمنى بمجرد نزول ماما كريمة. ”
«عم كامل يشد بمقعد متحدثا »
_اول إمبارح تعب وأغمى عليه وعرفت انه ضغط وسكر كان واطى شويه سألته انت كويس ياوسيم يابنى ؟! قال لى مضغوط شوية ياعم كامل من كتر الضغط اللى جوايا حاسس إنى هنفجر جوايا مليون حاجه وعكسها والمليون حاجة وعكسهم بيتخانقوا مع بعض، عنيا بتتخانق وقلبى وفكرى ومشاعرى وضميرى وحزنى وشويه السعادة اللى عشتهم فـ شئ طبيعى حاجه منهم تظهر بره.
= بس انت مقولتليش ياعم كامل انه تعبان و
«عم كامل مقاطعا حديثها»
_كنت فاكر إنه تعبه النهارده زى إول إمبارح شويه ضغط او شويه سكر، لكن صغط عصبى وإنهيار ومهدأت طيب ليه؟! وليه واقفين فى بلكونه اللى من ورا دى اصلا؟ ومن وإمتى بتتجمعوا فيها؟ محكتليش ليه من بدرى ان البلكونتين مفتوحين وفين الزجاج الفاصل مابينهم وديتوه فين؟.. وايه اللى يخلى وسيم يقع ويدخل فى الحالة دى.. طب لو مش انتِ السبب.. كنتِ بتعيطى وتقول لى ليه انا السبب انا السبب..
“صرخت فى وش عم كامللأول مرة اتعصب عليه.. مره وحده حسيت إنى فى لحظه مقيدة فى سجن وفى محقق معايا عماله يسأل ويلف حواليا وكل كل لفة أنه بيلف عليا حبل بيقيدنى بكل سؤال بكلبشات.”
=كفاية ياعم كامل ..كفاية
“سمعت صوته بينده من جوه بأعلى طبقة عنده ”
_ سيبها ياعم كامل.. انا كويس غ…غرام..معملتش ليا حاجة.
“جرينا على غرفته نطمن عليه، عنيا كانوا مليانين خوف ودموع وانتفاضة جسمى باينة جدا.. كان فى حوار بين عيونه وعيونى شغال..فصل الحوار القائم ده صوت عم كامل”
_انا نازل اخلى كريمة تعملك لقمة تاكلها.
_مت..تعبش نفسك ولا تتعبها انا مليش نفس يا..ياعم كامل.
_بس ياواد بلا ملكش نفس كفاية انى مش هنام على فرشتى النهاردة يبقى عدم راحه وجوع كمان.

“ضحكوا سوا بس كنت خايفة من عم كامل.. حاسة إنى مذنبة قدامه مش عارفة أدافع عن نفسى او يمكن حاسه انه نظراته مهمشانى .. وحاسة بجرم تجاه وسيم”
_هخلى كريمة تعمل حسابك ياغرام ، ادخلى اغسلى وشك.
“هنا بس ابتديت أطمن ولو بنسبة 3٪ إن عم كامل مكرهنيش، حاسة إنى بقيت حساسة زيادة عن اللزوم انا أصلا مش غلطانة.. عبرت عن مشاعرى بكل صراحه هو مينفعنيش واما عن حوار البلكونة.. ف طنط كريمة تعرف كل حاجه.. واما عن حوار البلكونتين المفتوحين والفاصل بينهم حكيت مع طنط الصبح تحكى لعمو عشان خجلانه منه انى عايزه اعمل فاصل.. فـ ياغرام إنتِ مش غلطانة..فوقت على صوته وهو بيقول”
_اول مرة اشوف حد بيعيط فى صمت! عيونه شغالة دموع وهو فى حته تانية خالص.. انا متأكد إنك سرحانه.
= ح حمدلله على سلامتك يا وسيم.
_غرام.
=نعم.
_انا أسف..أسف على كل حاجة عرضتك ليها اسف على كل مرة هربت من حياتك وحسستك بالخطر فى الوقت نفسه اللى قبلها بدقايق كنت محسسك بالآمان.
= وسيم انا..
_عارف إن فى حياتك بقى حد تانى و حقك تختاريه هو مستقر انا فكرت وقررت اعترف متأخر..هى الدنيا مش بتستنانا .. انا اسف إنى خضيتك ومبروك ليكِ انتِ ونور هاا يستى قررتوا على إمتى الخطوبة متقوليش لسه لازم تعجلوا بالحوار..
=إن شاء الله.. وسيم انا مش عارفة اقولك ايه..
_قوليلى إنك هتفضلى موجودة دايما..مش هتقطعى علاقتك بيا صح. إفتكرى دايما إنك عندك أخ..الأخ اللى كان نفسك ربنا يديهولك
«عم كامل يطرق باب الغرفة»
_ طنطك كريمة عملتلك آكل جامد والواد عز الدين وصاحبه اللى مببطقهوش ده طالعين بيه ورايا.
” ضحكنا جميعًا، واستأذنت اطمن على ايسل وادخل شقتى بعد ما اطمنت عليه.. المفاجأة كانت دخول عمو كامل ورايا شقتى وطلبه انه يتكلم معايا ”
_غرام
= عمو كامل.. ايه تعب تانى؟ حصلت حاجه؟!
_لا انا محتاج اتكلم معاكِ يابنتى
=مع حضرتك ياعمو بالتأكيد اتفضل ارتاح.
_انا اسف يابنتى انا طريقتى كانت حادة شوية انا بس اضايقت ومكنتش فاهم ايه اللى حصل وكنت خايف عليكِ..اواى ياغرام تسيبى بيتك مفتوح على بيت واحد أعزب يابنتى وانتِ وحدك اه عارفين اخلاقك واخلاقه بس مهما حصل دا مش صح البلكونتين واحد يعنى انا قدرت ادخل بيتك وبيته بكل سهوله.. دا عصبنى جدا ..بس مامتك كريمة فهمتنى كل حاجه والحاجة اللى شفعت لك هى انك بتحكى كل حاجة معاكِ لكريمة دا ريحنى والله.
=انا اسفة ياعمو كامل حقك عليا.
_ وسيم بيحبك، هو حاكيلى كل حاجه.. بس اللئيم دا محكاش حوار البلكونه ولا خروجكم سوا باليل.
=وانا مش بحبه.
_ازاى..انا شايف حبك ليه فى عيونك ومش النهارده من فتره بصِ يابنتى لو خايفه عشان حوار مرضه لا الموضوع لا يقاس بهذا الشكل و
=ياعمو ياعمو انا مش بحبه.. انا بحب نور وهنتخطب
_نور!! الدكتور اللى جه هنا قبل كده
=ايوه هو ده وعايزه احدد وقت تقعد معاه مش انت ولى أمرى ولا ايه
_ايه دا انتِ كمان مش هتقولى لوالدك ووالدتك
= طنط كريمة عارفه وحضرتك اهو بعرفك.
_غرام والدك ووالدتك.. ياغرام عادل وعزيزة اهلك يابنتى
= انا ماليش حد.. مليش اهل غيركم بنتى و انتم وفريدة وخطيبها رامى وبس.. مليش حد تانى

_طيب انا هقابله قوليله يجى بعد بكره بعد المغرب ونشوف حوار بابا وماما بعدين تصبحِ على خير هطمن على وسيم بقا وابات الليلة دى هناك خدى بالك من نفسك وبلاش شغل النهاردة ارتاحى.
=وانت من أهل الخير ياعمو.. طمنى لو فى حاجة.. حاضر.
“كنت حاسة انى فرحانة وزعلانة… فرحانة إنى بفصح عن مشاعرى بسهولة.. زعلانه على وسيم وعلى اكتشافه المتأخر.. فرحانة انى اتحب اول مرة اشوف إنى اتحب كدا والناس بتحبنى وشايفنى انفع زوجه وحبيبة . شعور عمره مانتابنى فى حياتى ..ومش بس كدا زعلانه انى بختار بعقلى اكتر من قلبى يمكن قلبى اتشد شويه لوسيم بس النهارده كنت قوية مش مهزوزه قولت لوسيم انى لحب نور ولعمو.. وفريدة اعترفتلها الصبح برضو.. هو كدا ناقص مين؟! العريس.. انا معترفتش لـ نور بحبى انا سلخت قبل ماادبح ”
_ وحشتينى
=كنت لسه بفكر ارن عليك.. انت بتيجى على السيرة.
_ياترى كنتِ جايبة سيرتى مع مين.
“ضحكت واتكلمت بخجل وماسكه الموبايل وكلى توتر”
=مش هقولك.
_يالهوووى ياناس
=فى ايه…ايه اللى حصل.
_ضحكتك.. ضحكتك ياغرام قوليلى بتعملى ايه فيا بس انا خلاص بقيت مدمن غرام.. وعاشق غرام وضحكة غرام ونظرات غرام ويالهوى على عيون غرام.
=بس بقا الكلام ده.. بتكسف ومش وقته.
=اومال إمتى وقته؟!
= ايوه انا من عيلة محافظة يااستاذ ومسمحش ابدأ ابدأ بالغزل الا لو رسمى ف لما تبقى رسمى ابقى قولى وكتر بقا
_رسمى!! غرام قصدك ايه بقا انا..انا فهمت صح؟
= نور.. انا…انا كمان ب..بحبك..و وموافقة سلام..بقا
_استنى ياغرام…متسبنيش فى الصدمة كدا غرام استنى..
“قفلت و وكنت حاسة انى عندى 18 سنة وبضفاير كدا وكل مشاعرى زى البنت المراهقة وحاسة انى طايرة.. مش متاكدة من إنى بحبة اوى بس حاسة بمميزات كتير اوى تخلينى اعرف احبه.. اصل مش همشى ورا مشاعرى المرادى لازم قلبى كمان يتدخل ”
=ايسل انتِ صحيتِ إمتى
_ماما انا بطنى بتوجعنى أوى انا جعانة.
=يلهووى.. جعانة والشيف غرام موجوده..ما هو احنا
مسمعناش كلام وأكلنا فاكهه كتير سديت نفسنا ومتعشناش بينا على المطبخ وبالمرة اعرف مخبية عنى أيه .
_ايه ياماما انا خبيت عنك ايه ؟!
= عمو وسيم وعلاقتك بيه وعرف ازاى اللون الاحمر.. لا انا فايتنى كتير
_لا والله ياماما انا نسيت احكيلك انه بعتلى أدد من فترة اللى كنت فيها عند بابا وقبلته.. لكن هو يعرف حاجات كتير عنى لما كنت ببقى عند جدو كامل وتيتا كريمة. وهو كان بيلعب معايا كتيييييير اوى ويحكيلى وياخد رأيى ويقولى كلام حلو بحس انه حلو اوى اوى وطيب كدا..عارفة ياماما كان نفسى بابا يكون عمو وسيم

“اتوترت واتخنقت شوية لحبها لوسيم وفكرت أجيب ليها سيرة نور”
_طيب وابه رايك فى دكتور نور!؟ أحلى من عمو وسيم صح
_خالص ياماما دا راجل رخم اوى كل ما خالتو فريدة بتاخدنى المستشفى وكنت بشوفه كنت بكره الحياه
“ضحكت من المصطلح بتاعها واتضايقت فى نفس الوقت”
=بتكرهى الحياه؟! ايه المصطلح ده ياايسل.. ليه كدا ياحبيبتى؟
_اصل كئيب ياماما ومعقد ودايما ساكت وبيكره الاطفال خالص دا عامل طفلة صغيرة فى المستشفى بكل القسوة والالتهاب..والمرارة عشان مكنتش عايزه تاخد حقن

= انا مش قولتلك تبطلى كلمة الالتهاب دى واتعاملى مع الموقف بدون عقدة اللوز اللى جواكى دى تعالى ناكل تعالى..
_يلهوووى هتاكلى دلوقت يامامى من إمتى والرجيم؟!
=هكسره..ما انتِ عصبتينى.
“عدت أيام وانا ونور بنحب فى بعض، وحياتى ماشية حلو جدا بين شغلى وتطوير الذات، وعلاقتى ب ايسل وتربيتها”
____________________________________________
| صباح يوم جديد |
= مبهدلانى من صباح ربنا وبتقوليلى كارثة.. كارثة.. والحقينى الناس تصحى تروح مكان مليان زرع وخضرة..وانتِ جيبانى المستشفى.. ..ايه اللى حصل ما انتِ كويسة اهو فى ايه بس ردى
«فريدة بدموع كالسيل دون ان تتفوه بكلمة واحده»
= ايه اللى حصل.. طيب رامى..اتخنقتوا انتِ ورامى؟! اتخصملك ماانتِ لما بيتخصملك بتعيطى.. فى ايه؟
«تحدثت فريدة بصوت مبحوح»
_الحيوان الزبالة لعب بينا
=رامى!!!!
_ نور… نور خطب نانسى الصبح…نانسى ماشية توزع شيكولاتات وحلويات.. وكانز انا مش فاهمه.
“محستش بحاجة.. غير لما لقيت نور ونانسى واغلب الطاقم الطبى حواليا فريدة بتتخانق مع نور”
«نور بصوت عالِ أشبه بالصراخ»
_ والله العظيم ماحصل كذابة… كذابة، انا مرتبطش بحد يافريدة انا مقابلتش غرام غير مرة واحده.
«فريدة بصراخ أعلى»
_كذاب، انت فسحتها، جبتلها اكتر من 6 بوكسات وخرجتها وفى بينكم مكالمات وشات اكيد
«نور بتعب»
_نانسى متصدقيهاش.. اكيد فى حاجة غلط..فريدة صدقينى انا مقابلتش غرام غير مرة واحده والله العظيم.
“كان لازم أقوم من هدوئى وصمتى، وأصرخ اصرخ”
=كذاب..كذاب… متصدقهوش…انسان كذاب…ليه كدا ليه بيحصلى..كدا ليه بتعملوا فيا كدا..لييييه…كذااااب والله هو اللى كذاب.

يتبع……

«نور بتعب»
_نانسى متصدقيهاش.. اكيد فى حاجة غلط..فريدة صدقينى انا مقابلتش غرام غير مرة واحده والله العظيم.
“كان لازم أقوم من هدوئى وصمتى، وأصرخ اصرخ”
=كذاب..كذاب… متصدقهوش…انسان كذاب…ليه كدا ليه بيحصلى..كدا ليه بتعملوا فيا كدا..لييييه…كذااااب والله هو اللى كذاب.
_فريدة حاولى تفهمينى لو انا مرتبط بيها هنكر ليه ، لو مرتبط بيها خطبت نانسى ليه وإمتى ارتبطت..

= كل يوم كان بييتبعت ليا ورد ورد اللى بحبه وبتصبح عليا بيه.. فريدة انتِ شوفتيه صح؟! ردى يافريدة ساكته ليه شوفتيه، شوفتِ البوكس ..والهدايا احنا عاملين ذكريات وجوابات ووحاجات كتير اوى
« فريدة تجلس فى ذهول غريب تنظر إلى غرام بـ صدمة مرعبة لتتذكر حديث دار بينهن »
| فلاش باك|
=ايه يافريدة الطريقة دى، وميك اب ايه اللى هظبطهولك وانا بعرف احط عشان اظبط؟
_انا نور مش مريحنى.
=فى ايه، انتِ جايبانى هنا عشان نور.
_اعترفلك ولا معترفلكيش يا غرام؟!
=ا اعترفلى.. انا انا حكيت لك اللى حصل.
_وبتتواصلوا ولا لاء ياغرام؟
=ب بنتواصل هو فى ايه يافريدة انا مش فاهمه.
_انا اللى مش فاهمه ياغرام ازاى نور عاملك بكل رسمية من شوية، عاملك بنفس اول يوم شافك فيه، ومش بس كدا رامى بيقولى انه اتفاجأ لما عرف موضوع الإفتتاح، مع انه كان عندك قبلها وجايبلك هديه.. ليه تصرفاته غامضه كدا انا مش مرتاحه له مش مرتحاله بربع جنية حتى .
=اهدى يافريدة نور بس مش حابب يعرف اى حد حوالينا هو بيحب الخصوصية جدًا، لحد بس ما اكون متأهله للفكرة دى هنعلنها فى أقرب وقت.
_يعنى هو قالك كدا؟
=ايوة يابنتى مالك!
_بصراحة اترعبت طريقته كأنه مكلمكيش قبل كدا دا ممثل شاطر قوى، وحسيت بغموض أصل انا مش هخلص من وسيم يطلعلى نور…
طريقته كأنه مكلمكيش قبل كدا.. طريقته كأنه مكلمكيش قبل كدا.. حتى رامى بيقولى انه اتفاجأ لما عرف موضوع الإفتتاح، مع انه كان عندك قبلها وجايبلك هديه..
|آند باك|
=كدااااااب احنا في بينا شاتس كتير أوى وفون ومكالمات وهدايا وجوابات..
_يااخوانا والله ما حصل.. انتوا سايبنها ازاى كدا..دى مجنونه لازم تتعالج والله ما حصل…والله ما حصل يانانسى..
«فريدة مفتعلة الهدوء ويداها تنتفضان»
_غرام ورينى الشاتات والمكالمات انا محتاجة اشوفهم.
“مديت إيدى بخوف غريب مش من الموقف ولا من بشاعة نور واللى عمله فيا من شكل فريدة، فريدة وشها كان من حد متعصب لحد وشه بقى مليان خوف وإيدها بتترعش، لونها اللى أتغير وكأن عروقها تجمدت”
« التقطت فريدة الفون من يد غرام وهى تنظر للجميع بخوف وجلست تبحث فى كل التطبيقات والمكالمات»

_انت صادق يا دكتور نور معاك حق فعلا، انت مرتبطش بحد انا..اسفه يادكتور و
= ايه يافريدة…انتِ بتقولى ايه..ازاى فريدة انتِ انا..انا مش فاهمة حاجة ايه اللى بتقوليه دا انا مدياكِ الفون والشاتات والمكالمات..بصوا انتوا فريدة بتكرهنى فريدة زيهم..فريدة زى بابا وماما..والله العظيم كنت مرتبطة بيه والله العظيم كان معترفلى بحبه وكنا بنشوف بعض
«نانسى بإنهيار»
_انتِ بتقولى ايه يادكتور فريدة..انتِ الفون فى ايدك بتبرأيه ليه..انا مش هكمل مع واحد خاين زيه لعب بيا وب أختك المسكينة احنا ضحية .
«فريدة بحزن شديد»
_انا اختى ضحية فعلا بس مش ضحية نور ضحية مرض بعد اذنكم يادكاترة ممكن تسبونى مع نانسى ونور وحدينا.
= اه انتِ مش مصدقانى.. وعايزه تطلعينى مريضه كذب زى ما كنتٌ بتقولى على عمتك انها مريضة كذب صح والله العظيم احنا ضحايا الانسان الغشاش ده فوقى اقفى جنب اختك بدل ما تطلعى حجج وأعذار للإنسان الخاين ده. طب اول إمبارح احنا متصورين سلڤى شوفى شوفى الموبايل افتحيه افتحيه..
«فريدة ودموعها منمهرة»
_الشات يانور فاضى غرام بتكلم نفسها الشات بينها وبين نفسها يانانسى بصِ.
«لينظر كلاً من نور ونانسى فى ذهول»
«فريدة تمسح دموعها وتتحدث بصوت مبحوح»
_وكمان المكالمات والرقم اللى مسجلاه بإسم نور دا رقم غرام القديم.. يعنى نور فعلا مكلمش غرام.. والصور غرام بس اللى موجوده فيها مفيش حد جمبها.. كمان فى موقف انا فكراه كويس نور لما جه الافتتاح عامل غرام بكل رسمية ورامى حكى لى انه نور إتفاجأ بموضوع الافتتاح ده ومكنش يعرفه نهائى وساعتها انا شكيت..
«نانسى بذهول»
_وغرام هتعمل كدا ليه ايه مصلحتها من ده.
«ليتحدث فريدة ونور معًا بعد ان ادركا حجم الكارثة»
_شيزوفرنيا
“انا مش فاهمه ايه شيزوفرنيا..وازاى شات بينى وبين نفسى مجانين.. كلهم مجانين..انا عايزه انام..حاسه بتعب واموت وانام محستش بنفس لما وقعت.
__________________________________________
|صباح يوم جديد |
«عم كامل فى شفقة»
_حمدلله على السلامة يابطلة ها ازاى الحال.
=انا فين..
_فى بيتى.. بيت عمك كامل كريمة لسه قايمة من جنبك كانت سهرانه طول الليل وياكِ وسابتنى عاجبك كدا..
=عم كامل انا آخر حاجه فكراها انى كنت فى المستشفى مع فريدة نور.. طلع.. طلع خاين.. ان.. انا تعبت حظى وحش فى كل حاجة قلبى بيتكسر للمرة المليون انا بكره الرجالة اوى ياعم كامل.

_غرام فاكرة لما قولتلك إنك بطلة. وانك محاربة ومعافرة وقوية.. انا النهاردة جاى أوثق كل اللى قولتهولك لكل الناس اللى بره
=هو فى ناس بره؟!
_كل اللى بيحبوكِ بره واقفين بيدعولك وخايفين ومرعوبين عليكِ
= ههه ياعم كامل هو انا داخله حرب.. عادى اتعودت انا هاخدلى كام يوم وهرجع اقفل قلبى بس اقسم بالله ماهفتح قلبى لمخلوق تانى..قلبى يستحق انى احافظ عليه واحميه من الهدر الى بيحصل ده كفاية اللى عمله يوسف.. واهو بهدلنى نور.. يعنى انا قولت فشلت فى الاول علشان منساقة لمشاعرى..بس حتى لما اخترت بعقلى يا عم كامل خسرت
_احم انتِ مأخترتيش اصلا ياغرام.
=ما أخترتش ايه ياعم كامل.. مش فاهمة.
«عم كامل يشد مقعده ويجلس متوترًا»
_هما حطونى فى وش المدفع زى مابيقولوا عشان كلهم خايفين.. بينى وبينك انا فرحان..انا عايز اكون جمبك انا الوحيد اللى
=فى ايه ياعم كامل.. ايسل حصلها حاحة..فى حاجة حصلت متخبيش عليا.
_ايسل بخير.
=اومال ايه المقدمة الغريبة دى انا بجد مش فاهمه حاجة خالص.
_نور.. مرتبطش بيكِ
“اتعصبت وثورت واتكلمت بـ أعلى صوت”
=حتى انت ياعم كامل مش عايز تصدقنى وهتعمل زى فريدة إمبارح.. حتى إنت.
_طب ممكن تسمعينى واهدى..
=اهدى ازاى وانا المفروض القى منكم دعم ومحبة.. ف لقيت كلكم بتهاجمونى ومصدقينه…. كلكم مش بتحبونى. كلكم بتكرهونى.. مفيش حد بيفهمنى.. مفيش حد بيصدقنى.. هات تليفونى واوريك فى شات بينا وصور ومكالمات
«عم كامل بصوت حاد»
_انتِ مريضة فِصام .. افهمى. مفيش اى حاجه حصلت بينك زبين نور.. كل دا فى خيالك انتِ وبس كله دا مش حقيقه كل دا خيال وهلاوس.
“مهتمتش ومكنتش فاهمه ايه الفصام ده اللى بيقول عليه.. كل إهتمامِ ان ادور على موبايلى.. فين موبايلى.. فينه.. اه ايه الاجهزه دى وايه المحلول والكانيولا.دى.. ايدى بتنزف تانى.. نفس المشهد اتكرر كنت بنزف يوم طلاقى.. نفس الوجع والكسره والخذلان.. ااه قلبى بيتعصر تانى ”

« عم كامل واضعا بقطعة قطن كبيره على يد غرام ولاصق كبير ليوقف نزيف يدها»
_ التليفون اهو..معايا .. عايزه منه ايه؟
=هوريك.. هوريكم كلكم الشاتات انت مش زى فريده مش زيها لا
«تدخل طنط كريمة وفى يدها كوب من عصير الليمون»
=ماما كريمة انتِ هتصدقينى صح؟! كلهم قاسيين انتِ أحن من ماما عليا.. انتِ هتصدقى كلامى صح… هو غدر بيا انا مش مريضه انفصال ولا انفصام ولا اللى بيقوله دا انا مش فاهمه.
«تجلس بعيدًا عنها دون ان تتفوه بحرف واحد منهمرة فى بكاء شديد»
«عم كامل مقتربا منها يمد يده لها بالهاتف»
_ورينى اللى عايزاه.. فين صوركم اللى بتجمعكم والشاتات والمكالمات.
“فتحت الموبايل وكلى خوف ورعشة وذعر.. مفيش فى الصور… انا وحدى..اظا وحدى بس ازاااى وفين وإمتى.. كنت بعيط وبصرخ زى الاطفال ”

=كان هنا… ه هو كان هنا..راااح فيييييين…راح فين انا كنت متصورة..هو كان هتا كان لابس تيشرت إسود وبنطلون إسود وكوتش أبيض.. حتى انا علقت على الطقم وقولتله إنه شيك..قالى اذا كان كدا نتصور هو كان جمبى هنا والله كان جمبى انت..مش مصدقنى صح..قول انت مش مصدقنى.
_مصدقك ياغرام.
=ازاى مصدقنى وهو مش موجود ازااااى مصدقنى…
“فتحت الشات بينا وكلى لهفة وخوف بقلب الشاتات زى المجنونة مفيش..الشات بينى وبين نفس انا برد على كلام مش موجود… الشات عباره عن انا الحمدلله تمام،وانت كمان، شكرا.. فعلا كان يوم غريب، طيب احكيلى. تعبان مالك حاسس با ايه.. يعنى انا كنت بتخيل كلامه وبرد يعنى مفيش شات..والمكالمات …المكالمات بينا طيب… ايهههه دا دا رقمى القديم..طب ازااى ازاى”
_غرام انتِ كويسة
=انا مجنونة ياعم كامل…ايه اللى حصل..كويسه ههههه كويسة ازاى.. يعنى كل دا خيال انا كنت بتخيل انى فى علاقة حب مع واحد مشافنيش غير مره او اتنين وبس كلامه صح
” رميت الموبايل على الحيطة.. وفضلت أصرخ..بأعلى صوتى وكلى إنهيار..إنهيار أشبه بـ البركان النشط ”

«اقتربت الخالة كريمة وهى منهمرة فى دموعها لتعانقها ولكن منع ذلك العم كامل طالبًا منها ان تقف مكانها»
=محدش يقرب منى… محدش يقرب منى.. انا..انا اااه يارب..يارب لييه بيحصل..كدا…انا مش فاهمه حاجه يارب ليييه ااه حااسة انى مش قادره اتنفس حااسه..
«لتسقط غرام على الارض فى تشنجات عصبية على الارض وتصرخ الخالة كريمة لتستغيث بجميع الموجودين بـ خارج الغرفة»
«فريدة بذعر»
_تشنجات عصبية يا رامى هات لى روشته من الشنطه عشان الحُقن وبالذات نوع (جابابينتين) مش بيصرف غير بروشته بسرعه.. وسيم دكتور مالك اللى بيتابع حالتك فينننه؟؟.
«وسيم بصوت مبحوح»
_الدكتور فى الطريق.
«عم كامل هامسًا لـ وسيم»
_أمسح دموعك غرام بطلة وهتقوم، غرام من البداية ليك.. الحمدلله انه كان خيال.. بص للجانب الايجابى وانشف كدا غرام دلوقت محتجالك.. المرة دى مينفعش تهرب
«وسيم بدموع»
_يعنى عايزنى امسح دموعى وانت دموعك مالية وشك ياعم كامل.. انا بتقطع إحساس إنك عاجز واللى بتحبه بيموت قصاد عينك وانت متكتف مش عارف تعمل حاجه دا صعب اوى.

يتبع……

_أمسح دموعك غرام بطلة وهتقوم، غرام من البداية ليك.. الحمدلله انه كان خيال.. بص للجانب الايجابى وانشف كدا غرام دلوقت محتجالك.. المرادى مينفعش تهرب
«وسيم بدموع»
_يعنى عايزنى امسح دموعى وانت دموعك مالية وشك ياعم كامل.. انا بتقطع إحساس إنك عاجز واللى بتحبه بيموت قصاد عينك وانت متكتف مش عارف تعمل حاجه دا صعب اوى.
___________________________________________
“بعد فترة لما فوقت وابتديت ادرك اللى بيحصل حواليا وكلامهم والشفقة اللى شايفاها فى عيونهم،كان الدكتور فهمنى مرضى وطبيعته وبدايته الحقيقة وسببه.. كان الدكتور مندهش من صلابتى كان بيقولى ان فى الوقت دا بيلاقى المريض منهار ومش بيفهم وكان مستغرب قوة تحملى..انا نفسى كنت مستغربة.. انا غلبت المجتمع، غلبت فكرة الطلاق، غلبت التقيد والسمنة، غلبت يوسف وغلبت أهلى وغلبت الخوف..أكيد جه الوقت اللى يخلينى أغلب الأكتئاب اللى خلانى مريضة بالفصام، بس انا مش قادرة انا. تعبانة ”
«يدخل وسيم فى توتر خفيف»
_ينفع أتكلم معاكِ.
=جاى تشمت فيا أكيد.. أطمن بقيت مجنونة فعلا ومريضة يلا عايرينى زى ما عملت معاك.
_ انا جاى اقولك الحمدلله.
=مالك؟
_الحمدلله إن مفيش نور.. الحمدلله إن مفيش خطوبة، الحمدلله إن مفيش حب فى قلبك له.
=إمشى ياوسيم انا أصلا مش طايقة نفسى.
_وسيم إتوجع لتعبك، بس روحه رجعتله تانى كأن ربنا مش رايد ياست الناس يكسر قلبى.
=انا مش عارفه أفرق بين الواقع والخيال ياوسيم، انت عارف اول ماشوفتك حسيت ب إيه؟ او فكرت فى إيه؟

_إحكى لى، كل اللى حساه وعايزاه..حتى اللى مش عارفة تحكيه حاولى قولِ اى كلام انا هترجم حتى لو هتقول لى رموز وشفرات هسمع وهحل وهفك الشفرات احنا عايزين ننول الرضا
“عيطت من طريقته ومن اللى بيحصلى، من كل الصراعات اللى جوايا.. لازم افهم انى مش طبيعية مش زى الناس.. انا مش زى الناس”
_ غرام مالك ايه الصمت ده؟!
=بسسسسسس، مش يمكن تكون انت كمان خيال ، يمكن يكون كل اللى حصل بينا مش حقيقى وانا أعرف منين.
_ خيال!!
=ايوة خيال، يمكن انت كمان وهم ويمكن عمو كامل وهم ويمكن كل اللى انا فيه وهم.
_وايه الحقيقة إن شاء الله لما كلنا وهم؟
“ثورت واتعصبت، كنت بحاول اقاوم كل الأفكار لكن دماغى مش قادرة تفصل”
=انا غرام الحقيقة إنى غرام السمينة اللى مش بتلاقى مقاساتها فى المحلات اللى بتكره شكلها وعندى بنت حته من القمر بس مستواها بينزل عشان مش عارفة اكون ام ومش عارفة اظبط جسمى وبفشل فى الرجيم ولأجل السبب ده أنا كمان فشلت اكون زوجة ومعنديش مؤهل عالى زى فريدة اخدت معهد بالعافية. ومعنديش أهل كويسين.. انا غرام اللى بتنزل شغلها ، شغل مبتحبهوش طول اليوم بتكلم مع العملاء وانا فى الحقيقة حد صامت وانا اللى بيتخصملى فى الشركة ولا عمرى حققت تارجت، وانا غرام الزوجة المكسورة اللى بتضرب وبتتهان ويتاخد مرتبها منها انا غرام اللى كل الدنيا بتقسى عليا، انا غرام اللى بعد السن دا محوشتش صاحبة ليا…

“معرفش يرد عليا، وخرج ودموعه بتدفعه انه يخرج بره الاوضة.. بصيت لنفسى فى المراية وكنت بسأل انا مين انا كمان ممكن اطلع خيال، ومكنش عايشة فى حياتى واكون بتوهم”
_ قمر بيبص لمراية.
“عم كامل، حنون القلب، عمرى ماحسيت للحظة انه مينفعش يكون بابا..ياترى ياعم كامل انت كمان خيال ووهم ومجرد فصام ولا انت انسان حقيقى بجد”
_ساكتة ليه؟ سامعانى!
“مش عندى كلام اقوله ياعم كامل سامعاك، بس خايفة ارد تطلع خيال.. الصمت احسن..والبعد احسن لا البعد خلانى اتخيل نور ورسمتله قصه والقرب بيكسر اروح فين؟! ”
_عارف إنك مش عارفة تفرقِ بين الواقع والخيال وإنك مصدومة، بس انا واقع ياغرام والواد وسيم اللى واقف على اول الاوضة ده واقع كل المواقف اللى حصلت بينا حقيقة، انتِ بقيتِ غرام مختلفة مش كل اللى حكيتيه لوسيم، يمكن وسيم مش عارف يتكلم عشان محبط ويائس ومصدوم، وحاسس بتأنيب ضمير انه لما صدك وبَعد انتِ لجأتى للتخيل لحبيب حياته آمنه وبيكونلك مصدر آمن مش بيشكل خطر زى وسيم.. وعشان كدا وسيم مش عارف يقف جمبك ولا يسندك.

” كانت عيون عم كامل مليانة دموع، ووسيم كمان، كنت خايفة منهم وبشفق عليهم بيعيطوا عليا؟! انا متحبش مينفعش يحبونى.. انا اللى بيحبنى بيطلع إما وحش، إما خيال مش عايزه اشوفهم فى الخانتين دول ”
_عارف إنك بتحبى حواديت الابطال.. عارفة سنة 67 لما حصلت النكسة وتم احتلا.ل أراضينا، كان عندنا أمل وصبر وصمود إننا هنسترد أرضنا وهنرجع حقنا وكرامتنا وشخصيتنا.. الأكتئاب كمان إحتلا. ل ياغرام لازم تستردى كل الجزء اللى سيطر عليه.. عد*وك هو الاكتئاب.. كنا بنردد لمدة 6 سنين كلمة، كلمة واحده بس كانت بتمدنا بالطاقة وبالاكسجين وبالراحة وكانت بتخلى عندنا أمل فى بكرا وانه جاى منتصرين عارفة هى ايه الكلمة ياغرام؟

“هزيت رأسى بالنفى وانا بحاول اطمن قلبى بكلامه اللى فعلا بيلمس قلبى وبيهدينى مهما الدنيا حواليا خراب”
_هنحار*ب، هنحار*ب، هنحار*ب، هنكمل ، هنحار*ب وانتِ كمان ياغرام هترددى الكلمة دى وانتوا كلكم محدش يعيط نادى لى كل اللى بره ياوسيم.
” وسيم خرج فى صمت، وبعدها كل اللى بره دخلوا الاوضة ماما كريمة، فريدة، ورامى، نادية،سكر، عز الدين حتى أيسل..هما بيعيطوا ليه بس، هو انا ميته!! معاهم حق انا بقيت ميتة بالحياة فجأة فوقت على صوت عمو كامل وهو بيصرخ ”
_محدش يعيط محدش يعيط بقول.. هنحار*ب، هنحار*ب.. غرام بطلة وهتحار*ب.. هنحار*ب، غرام بطلة وهتحار*ب

“كلهم اتجمعوا حواليا وبدأوا يهتفوا جميعا بنفس الطريقة الهتافية اللى بيتكلم بيها عمو كامل لحد ما لقيت نفسى بردد وياهم.. ياه صوتى طلع صوتى وحشنى ”
=هنحار*ب، غرام بطلة وهتحار*ب
«الجميع بفرحة لحديث غرام»
_ بص شوف غرام بتعمل ايه، بص شوف البطلة هتعمل ايه.
___________________________________________
|يوم المواجهة |
_ازاى الحال النهاردة؟
=اهلا وسيم، هو انت خبطت قبل ما تدخل؟
_اه كتير ومردتيش والباب كان مفتوح اصلا وخالة كريمة سمحت لى بالدخول.
=ماشى
_بتعملى ايه، ايه الشنطة دى؟
=قررت.
_ايه؟
=هنزل المصحة انا مكنتش متقبلة الحقيقة ولا الواقع وكنت خايفة على أيسل بس..انا….
_كملى.. احكى لى عايزة تقوليلى إيه؟
=أكتشفت إنى لو متعالجتش أبقى بضرها وبدمرها وبدمرنى.
_ وهتدمرى حد تالت، انا معاكم.
= وسيم.
_بحب اسمى يتنطق بصوتك أوى أوى بحس اسمى لحن موسيقى عظيم.
=وسيم..
_عيونه
=خلى بالك من بنتى ياوسيم انا هغيب 3 شهور كاملين،.. انا عارفة إنك بتحبها وهى كمان بتحبك جدا أرجوك.. كدا كدا فريدة هتسكن فى الشقة قصادك هى هتكون معاها بس انت كمان خلى بالك على الاقل فى الوقت اللى فريدة ف المستشفى وأيسل هتكون عند طنط كريمة ارجوك اسأل عليها دايما وكمل معاها صحوبيتك ليها ..
_يارب أقدر احاول اوفق بين اربع حاجات.
=أربع حاجات!!
_ اه، منهم اهم حاجة فى الدنيا
= ايه هى؟
_انتِ، وانتِ فاكرة إنى هسيبك فى المصحة. اطمنى يا غرام وارتاحىِ أيسل فى قلبى وعنيا غلاوتها مش مخليانى شايف غير انها بنتِ..بنتِ اللى مخلفتهاش.
= ياترى انت كمان خيال ياوسيم ؟
_ لا ياغرام انا واقع وحقيقة.. احنا بنتكلم بجد.
= انا هطلع لماما كريمة
_غرام.
= نعم
_انا بحبك، بحبك أكتر من نفسى ومن روحى.

يتبع……

= ياترى انت كمان خيال ياوسيم ؟
_ لا ياغرام انا واقع وحقيقة.. احنا بنتكلم بجد
= انا هطلع لماما كريمة
_غرام.
= نعم
_انا بحبك، بحبك أكتر من نفسى ومن روحى.
=انا وانت؟!
_بمعنى؟
=انت عايزنا انا وانت نحب بعض ويكون فى بينا جواز واسرة؟
_ احلى أسرة وليه لا؟! مالنا مننفعش!
= مالنا!! اه مننفعش احنا مرضى نفسيين ياوسيم انت مريض ثنائى وانا مريضة شيزوفرنيا احنا منقدرش نفتح بيت احنا محتاجين مصحة.
_ايه الكلام القاسى دا ياغرام.
=غرام مينفعش تحب، غرام مش بتاعت حب ولا بتاعت جواز ولا اى حاجة غرام عايشة عشان النكد وبس ربنا يخليك ياوسيم سيبنى فى حالى وزى ما وصيتك على بنتى لحد ما اطلع وبعدها هقرر أعمل ايه.. بس اللى عرفاه انى هترجع مرتاح تانى.
_مرتاح ازاى؟
=هترجع تستمتع بالوحده والسكون والسكوت اللى كان فى البيت هنسيب الشقة خالص انا وأيسل.
_وكريرك وكيانك والجمعية والمحل وكل احلامك.
_ربنا يستر ويكونوا هما كمان حقيقة.
” خرجت من الاوضة، وانا متقبلة فكرة إنى لازم اشك فى كل حاجة..ممكن تكون كل حاجة حساها وعايشاها خيال ووهم لايمت للواقع بصِله. خرجت وانسحبت من المناقشة والكلام معاه وفى إيدى شنطة هدومى وحاسة انى روحى هى اللى بتنسحب منى ”
___________________________________________
| بعد مرور ثلاثة أشهر |
_فرحانة طبعا؟
=جدا ياوسيم أخيرا هطلع من السجن دا.
_ المصحة سجن؟! ياه دا انتِ ظالمة جدا.
=محبوس فى مكان وفى غرفة محددة ووبين ادويتك
وعلاجات وكورسات وحوارات كبيره كل ده مش سجن.
_بتبصى للموضوع بسطحية وحشة اوى.. عارفة يابت ياغرام لو بصيتِ…
=استنى.. عارفة يا ايه؟
_يابت ياغرام.
=دا انت بجح بجد مش هزار، انت كمان بتكررها..دا انت آخدت عليا خالص.
_ واحد بيزورك يومين فى الاسبوع لمده 3 شهور عايزه ميخدش ازاى.
= اقولك سر ؟
_ وانا كمان والله .
= ايه دا؟
_السر لو كان من أربع حروف يبقى وانا كمان اوى جدا خالص.
= ايه السر اللى فى اربع حروف ده انا غلطانة انى بحكى معاك اصلا؟
_المصحة خليتك غبية اوى ياغرام، إحكى يابابا السر.
= بغض النظر عن الدبش ده، بس اليومين اللى كنت بتيجى فيهم كانوا النعمة اللى بتهون عليا اللى انا فيه
_ يافرحتك ياابو الاواسيم ياهناك ، قولى كمان خلينى ارجع شباب قولى.
= انت صاحب جدع اوى اوى بجد
_ ياحزنك يا ابو الأواسيم، قولى كمان خلينى اتجلط.
“ضحكت من كل قلبى وبأعلى صوت وهو ماسك قلبه وبيمثل إنه بيموت.. اليومين المسموح ليهم فى الزيارة كان بيزونى فيهم لمدة 3 شهور.. مكنش بيتأخر او بيغيب يوم، كل زيارة كان مختلف وكان بيبقى محضر برنامج لليوم مختلف، وبيفتح نقاشات مختلفة.لسة فاكرة عدد الزيارات 24 زيارة بالتمام والكمال.. خلونى أعرف بجد من وسيم، وخلونى أعرف حاجات كتيييير اوى عن جمال الدنيا وحلاوتها”
_ نفسى اخليكى تبطلى عادة السرحان أثناء الكلام.
=نفسى اخليك تبطل عادة التدخين .
_ايه!
=ايه،كل واحد وأمنياته بقى.
_عايزانى أبطل بجد؟
= اتمنى.
_محضرلك برنامج احتفال النهاردة عالمى.
= بلاش النهارده محتاجة انااام وافصل اوى، ياريت بكره ايه رأيك؟
_ست الناس تؤمر واحنا ننفذ ، فلتتفضل البطلة غرام إلى هذا السيارة الموجوده بالخارج لنذهب بعدها إلى المنزل.

= ايه العربى اللى سمعته ده؟! هذا السيارة!! انت اللى كنت بتذاكر لإيسل..ياخبر…
_أعلى درجة فى العربى بعون الله
= اطمنت على بنتى
“وصلت الببت بعد مشوار مش هقول طويل او مش طويل مش عارفة لانى نمت بعمق شديد ومحستش غير وهو بيرش عليا ميه وبيقولى حمدلله على السلامة.. قد ايه وسيم رومانسى وبيعاملنى بمنتهى الرقه زى ما انتوا شايفين كدا يلا انا بحب غلاسته اصحاب بقا وكدا اصحاب ها!! ”
_غمضى عيونك الحلوين دول ياغرام
=يااه على الرومانسية يا سعادة البيه دا انت مصحينى وانت راشش نص نهر النيل على وشى .
“ضحك جامد، ومسك شريط كبير من الستان وطلب منى اربطه على عيونى”

= انا مش فاهمه ليه المرمطه دى!!، يعنى لو اتزحلقت فى الشارع كدا عاجبك؟! ياسيدى فجائنى فى بيت عمو كامل.. هتفاجئنى من واحنا فى الشارع؟
«عمو كامل يسحب الشريط»
_حمدلله على السلام ياام عيون حلوين
“اتفاجأت ان الشارع كله متزين بأنوار وزينات واغانى كلها بهجة مش هنسى انا اول ما نزلت كانت اغانى نجاة طبعا وهنا عرفت ان كل التفاصيل متذاكر ليها كويس من وسيم طبعا. واهل الحارة كلهم متجمعين عيطت م الفرحة بسبب فرحتهم واحتفالهم وهتافهم وتشجيعهم، شوفت كل ستات الجمعية وهما بيسقفوا وبيباركولى، فريدة ورامى اللى أجلوا فرحهم عشانى وهما واقفين بهدايا وبورتريهات وأيسل وهى ماسكه سلسلة من صنع ايدها ليا حتى طنط كريمة وعمو عمو كامل اللى جابولى سلسله دهب عليها إسمى وطبعا وسيم ماسك بوكية ورد كبييير اوى باللون والنوع اللى بحبه حتى يوسف كان موجود وماسك فى إيده هدية ”
«عمو كامل»
_شكرا ليكم كلكم ياجماعة تتردلكم فى الأفراح، دلوقت غرام لازم ترتاح يلا بينا ياغرام.
“طلعت شقتى اللى كانت متزينه وكلها بلالين والوان مبهجه وكان عمو وطنط كريمة وأيسل ويوسف وناديه وعز الدين وسكر وفريدة ورامى كلهم محاوطينى وكله بهجه وحب بس برضو كان قلبى مقبوض حاسة ان فى حاجه هتحصل اصل انا مش بتكملى »
« يوسف بتوتر »
_انا حابب اشاركم حاجة
«عم كامل مصطنعا المحبة»
_اه اتفضل طبعا ياحبيبى.
_ كلهم قدموا ليكِ هدايا إلا انا مش حابة تشوفى جبتلك إيه.
= اولا شكرا إنك جيت يا يوسف، ثانيا ياترى ايه الهدية

“صُعقت لما نزل على ركبته وقدم ليا خاتم، ايه داا بيتقدملى…دا بجد اللى شايفاه حقيقة فوقت على صوته وهو بيقول ”
_ غرام تتجوزينى؟
= دا بجد؟ ايه الهزار ده
“الكل كان متعصب من فعل يوسف إلا انا، كنت مش مستغربة فعله هو طول عمره كدا اى لحظة حلوة مبيعرفش يعيشها ولا يخلى غيره يعيشها.. الكل متعصب وخايف انه لسه طالعه مفيش كام ساعه وممكن اتعب واتنكس تانى، انا بقى كنت خايفة من اللى بعد كدا.. هل لما ارفض الموضوع هيعدى كدا؟ تؤ مش طبع يوسف.. يمكن إتغير بس حتى ولو انا متاكده انه مش هيعدى بالسهولة دى أبدًا ”
= ممكن نتكلم يا يوسف على جنب واقولك قرارى.
_ ياغرام انا حابب الكل يشاركنا اللحظة دى.. انا هطلق ليلى خلاص انا بجد تعبت منها ومن اسلوبها.. انا عايز اكمل حياتى معاكى
=وانا مريضة نفسية؟
_انا بحبك وهقولهالك بأعلى صوت قدامهم بحبك اوى اوى
= وانا بحاول احترمك عشان انت ابو بنتى..وبعزك عشان ايسل حته منك.. لكن جواز أسفة طلبك مرفوض يا يوسف.. انت أخر واحد فى الدنيا ممكن أتجوزه يا يوسف.
_مش بتحبينى؟
= ومش بكرهك.. لا بحب ولا بكره لان الاتنين وجهتين لعملة واحدة.. انا بحاول أحترمك عشان بنتنا بحاول تبقى علاقة لطيفة عشان نفسيتها..متحاولش تخسر وتكسر العلاقة دى عشان خاطر ايسل.
_وانا عشان خاطر أيسل بطلب منك ده والله، عشان تتربى بينا والله عشان ندمت وعرفت قيمتك.

=متأخر يا يوسف، غرام مبقتش حيوانة عايشة فى قفص حبك وسجن معتقداتك لا غرام بقيت إنسانة تانية وليها اهداف، إنسانة ناجحة..بتحب الحياة وعايزه تنجح، ام قوية، وست حلوة ، إنسانة حرة.
_إنسانة مريضة نفسيًا قصدك
«وسيم يلكمه فى وجهه»
_ إخرس خالص، انت اللى مريض ومش راجل عشان الراجل اللى بجد ميعملش عمايلك دى وبيكون عنده كرامه ونخوة.. ودل انت متعرفش عنهم حاجة.
«ليحجز الجميع بين يوسف ووسيم بعد اشتباكهم العنيف»
_طيب بصى بقى ياحلوة ياصاحبة الكرير والكلية والحرية، انا معايا ورق مايثبت إنك مش بكامل قواكِ العقلية ومثبت دا بختم النسر عادى من دكلترة كبيرة اصلى أخدتهم من غير ما دكتور فريدة تحس والمحامى أكدلى إن لو قدمتهم فى النيابة هتتسحب منك الحضانة.. إما توافقى على رجوعنا لبعض.. إما تشرفى فى المحكمة والبنت تتسحب منك هاا ياحلوة أخترتى ايه..
«وسيم يهرب منهم ليسدده لكمات متتالية»
_اه ياحيوان، ياعديم الأخلاق بتساومها وتهددها قدامنا دا انت موتك على إيدى أقسم بالله.
«عم كامل بتعب يجذب»
_ وسيييم، كفايه هيموت فى ايدك..كفاية…
= وسيم.. لو سمحت عشان خاطرى سيبه.. وسيم سييييبه
«ترك وسيم يوسف نازفا وغارق فى دمه ليقف بجوارها »
= ايه يادكتور فريدة هتسيبى مريض محتاجه مساعده.. وقفى الدم دا حالا..عشان خاطرى وقفى الدم.
“دخلت أوضتى، وانا حرفيا كلى تعب وإرهاق وفاصلة جدا من البنى آدمين خرجت بعد ربع ساعه ”
= ايه بقيت كويس؟
_قررتِ
«الجميع فى ترقب»
=أكيد، قدم الورق فى المحكمة يا يوسف وخد أيسل تعيش معاك .. المحكمة هتسمح لى اشوفها عدد ساعات معينه فى حالة مرضى فى تمام جدا العدل جميل انا هطمن عليها فون وفى مادة بتنص على انى اشوفها فى وجود حد عاقل فى تمام معايا اختى وعمو كامل وكل الموجودين بعقلهم.
” مشى وسابنى.. وخد أيسل، وفى الحقيقة أيسل بتحب باباها.. عارفه إنه مش هيقدم وحتى لو قدم شكوة عارفه ان القانون هيكون فى صفى، طبعا انا هبدت مادة ونص من عندى فهمته موقفه صعب وانا معرفش اى حاجه فى القانون.. قلبى مكسور ومتخبطة هعيش من غير بنتى فعلا؟
__________________________________________
|بعد عدة شهور |
“يمكن تشوفوا الحكاية إنتهت سوداوية، وان الدنيا كانت بتطحنى وبس، لا.. وسيم قال لى جملة محفورة فى دماغى الدنيا بتيجى على الأقوياء وبتختبر صبرهم، طول ما انتِ قوية لازم تعاند معاكِ وتتحداكِ، عمرها ما اخترت الناس الضعيفة لانها بتحركهم زى الريشة.
حياتى إتحولت من بعدها أخدت صدمات كتير بس بعديها أيسل بقيت معايا، والكليه خلاص بقيت طالبة جامعية، أما الجمعية فى بتنجح أكتر واكتر لدرجة إن فى بقيت بطلع فى برامج كتتتير اوى وحتى أكونتاتى على السوشيال ميديا متابعينها بيزيدوا يوم عن يوم.. ولسن برضو بتخبط بس كل خبطة بضحك وكل خبطة بتقوينى وبتصنع من شخصى حد مختلف تمامًا.. كتبت الكتاب دا ليكم عشان أقولكم إن ينفع نكون أبطال فى حرب حياتنا، وكتبت الكتاب دا كمان عشان أظهرلكم إن بعد الظلام بيظهر نور، إن الشمس لازم تشرق ويشرق معاها صباح جديد كله آمل..، بالإضافة إن مفيش مستحيل، إلغوها من قاموسكم نهائى..وان لو الدنيا عاندت معاك وعاملتك بقسوة اتعامل معاها ومتديش ضهرك ليها واجه وحارب.. بكرا كله خير وأمل ونجاح.. بكرا هتلاقى نفسك مختلف لو انت إمبارح واجهت ومستسلمتش.. سجلت ليكم كل تفصيلة عشان اقولكم قصة بطولتى مع التحديات اللى حصلت ومجتمع دمر الست المُطلقة، وبطولتى مع المرض المرعب وبطولتى ونجاحى فى كل إنجازتى اللى حكتلكم عنها بالتفصيل.. وعن وجود ناس فى رحلة الحياة من غيرهم الحياة تبقى قاسية وملهاش طعم هستنى من كل حد فيكم يحكى ليه بطولته هسمعكم اتواصلوا معايا أكيد عارفين كل أكونتاتى..
ومتنسوش جملة مهمة جدّا هنحا. رب.. هنحا. رب ”
_ طبعا الجميل بيكتب فى كتابة اللى سايب شهر عسله ومشغول بيه.
= زعلان منى صح؟
_وهزعل ليه؟! إنك لاغيتى الخروجة ولا عشان رفضتِ تسمعى فيلم معايا، ولا عشان بقيتى تحبى الكتاب دا أكتر منى.
=………….
_مش بتردى ليه؟
=عشان انا خلاص كتبت نهاية الكتاب.
_بجد.. أخيرا هتخلينى أقرأه يامفترية.
= متحمس تقرأه ياوسيم
_جدا ياقلب وسيم.. نفسى أعرف إزاى كان عندك القدرة تحكى كل اللى حصل وتسرديه وتفيدى بيه غيرك، وازاى الكتاب دا حكى عنى؟ قد ايه كتاب عظيم.
=بحبك ياوسيم، بحبك يأاحلى واجمل وأعظم تعويض فى الدنيا.. يأغلى هدية ربنا آراد يكافئنى بيها.

_ بموت فيكِ ياغرامى وحبى وعشقى .. بس غرامى لازم تنام بدرى عشان التكريم بتاعتك بكرا..إنتِ نسيتِ ان منظمة حقوق المرأة هتكرمك بكرا؟
=ياخبر انا بجد نسيت تعالى بسرعة اختار لى أوت فيت.
_غرام..
=ايه ياحبيبى؟
_هو احنا خلاص بجد بقينا مع بعض هو احنا اتجوزنا.
=سؤال مهم جدا، بس انت اللى بتعرف تميز الحقيقة من الخيال انا اللى مريضة مش إنت.
_انا مريض بـ حبك إنتِ.
=حاولت ألا أحبك بهذا القدر، ولكن مع كل محاولة أزداد شغفًا وحُبا.
#تمت