حاتم بصدمه : اي اللي انتي بتقوليه دا واي عرفك بالكلام ده انتوا مين
مايا: مستحيل ماما تعمل حاجه وحشه
حسناء بعصبية: لا يا حبيبتي عملت وعملت حاجات أفظع مما تتخيلي
مايا: بقولك مستحيل تعمل كده ماما طيبه
محمد بسخرية: طيبه معاكي انتي اللي من لحمها ودمها ولا ملاحظتيش فرق المعامله بينك وبين نور اكيد لاحظتي ودا ميوحيش لك بحاجه
مايا مش عارفه ترد لانه معاه حق وهي شخصيا كانت بتستغرب ليه بتعامل نور وحش وهي حلو مع انهم هم الاتنين بناتها
حاتم: انا ازاي كنت معمي عن الحقيقه انا ازاي مكنتش شايف حياه بنتي وهي بتندمر
حسناء بعصبية: لأن نور مش بنتك مكنتش بتحس بيها كنت بتسمع كلامها هي وبنتها كنتوا كلكم ضدها ومحدش وقف معاها عاشت عشرين سنة في عذاب بسببكم وسبب قسوتكم عليها وانتي يا مايا هانم جايه تزعلي عليها دلوقتي فين حزنك عليها لما كانت بتتضرب بسببك وقدامك كان فين حزنك عليها لما كنتي بتعمليها اسوء معامله
ف كفايه تمثيل انكم زعلانين عليها كفااايه
احمد مسك حسناء من كتافها: اهدي يا ماما هم ميستاهلوش كلامك ده ولا عصبيتك
حسناء انهارت واحمد ومحمد بيسكتوا فيها وحاتم ومايا ساكتين هيقولوا اي يعني ما هي معاها حق في كل كلمه