صلاح _ ملناش دعوه بيها تانى هى اللى اختارت ولو سمعت ان حد فيكم تواصل معاها بأي شكل مش هسكتلو اظن كلامي واضح يا ناهد
ناهد بحزن _ مش مصدقه ان ليلي الي مربياها علي ايدي تعمل كده
ادم يقوم من مكانه _ عملتها يا ماما بس والله ما هسيبها ولا هسيبوه يتهنو دقيقة مع بعض، بابا انت اكيد تقدر تعرف طريقهم بسهوله
صلاح بحده _ قولت ملناش دعوه بيها تانى، دي ريحتني من حاجات كتيره كنت بفكر اعملها
ناردين _ يعني ايه قصدك نسيبها تفلت بعملتها
صلاح _ وانتي مالك مضايقه اوي مش كانت مزعلاكي اهي مشيت
ناردين بقهر _ مينفعش تغلط وتعديها لازم تتعاقب
ناهد _ اخلصي انتي كفايه اللي حاصل بطلي تو.لعيها عن ماهي والعه
ادم _ عندها حق يا ماما مينفعش المشكله تعدي بالبساطه دي
صلاح _ وانت عاوز تعمل ايه يعني
ادم _ عاوزهم هما الاتنين يجو تحت ايدي وساعتها هشوف هعمل ايه
صلاح _ عاوز تمو.تهم ولا ايه
ادم بقهر _ مش عارف المهم نلاقيهم وساعتها هنشوف
ناهد _ يعني ممكن تفكر تقتـ.لهم يا ادم