شامي _ الا احنا كنا بنقول ايه قبل ما يقاطعنا الراجل ده
ناردين _ ههههه خلاص بقا
شامي وهو يفتح لها باب العربيه _ لا مبحبش المواضيع الناقص،
ناردين بإبتسامة _ طيب ادخل الاول ،
يدخل العربيه ويمسك ايدها وينظر لها بإبتسامة _ وحشتيني يا ناردين
ناردين _ وانت كمان
شامي _ بقيتي كويسه دلوقتي
ناردين _ مفيش حآجه كانت تعباني غير بعدك عني، ودلوقتي خفيت… متسبنيش تانى ها
شامي _ هنكمل مع بعض لو سبتي كل حآجه
ناردين _ بعد ما عرفتك بقيت مستعده اتخلي عن اي حآجه علشانك، ودلوقتي مش عاوزة غيرك
شامي بإبتسامة _ طيب خلينا نروح نبلغ ادم واطلبك منه
ناردين بإبتسامة _ يلا
بيرجع ادم وليلي من بره، وليلي بتدخل جوه اوضتها وتقعد علي السرير وتبكي وناهد تروح وراها
ناهد _ حبيبتي متعمليش في نفسك كده اكيد هيرجع
ليلي ببكاء _ امتي طيب اربع ايام دلوقتي محدش يعرف عنه حآجه
ناهد _ هيرجع دلوقتي بس انتي ريحيّ نفسك شويه
ليلي ببكاء _ اريح نفسي ازاي بس
ناهد _ انتي بأيدك ايه تعمليه