ناردين _ فضولي اني اعرف عاوز تقول ايه خلاني اجي مع اني مش عاوزة
شامي _ كويس … اتكلمي سامعك
ناردين _ انت جايبني هنا علشان اسمع مش اتكلم، قول اللي عندك خليني امشي
شامي _ عاوز اعرف انتي زعلانه من ايه وفهمتي ايه علشان تزعلي كده
ناردين بانفعال _ يعني جايبني وانت معندكش كلام ولا مبرر للي عملته
شامي _ عندي مبرر واجابه لكل اسئلتك،
ناردين _ طيب قول
شامي _ لسه بتحبيني
ناردين بغيظ _ عمري ما حبيتك وده مش موضوعنا
شامي _ ماهو انتي لو بطلتي تحبيني ملوش لازم ابررلك حآجه
ناردين بغيظ _ ليه لازمه عندي، عاوزة اعرف دلوقتي انت ليه خدعتني وكدبت عليه رغم اني اتغيرت وبقيت كويسه علي ما اظن يعني
شامي _ انا كدبت عليكي اه بس مخدعتكش،
ناردين _ بلاش فلسفتك دي وكلمني عدل
شامي بإبتسامة _ من غير فلسفة، انا قولتلك اني بخدعك علشان تنسيني
ناردين _ امال انت ايه
شامي _ انا بحبك وعمري ما حبيت حد قدك يا حوريه
ناردين بدموع _ متقوليش زفته، انت كداب دا انت حتي محاولتش تسأل عليه برنه وانا في المستشفي
شامي _ كنت عارف ان محدش قالك انى روحتلك .. بس انا روحتلك يا ناردين، وكلمتك وبالاماره قولتي اسمي اربع مرات في عشر
دقايق،.. انا عديتهم
ناردين بدموع _ لو كلامك صح مجيتش تانى ليه ولا حاولت تكلمني حتي
شامي _ جاتني سفريه واطريت اسافر غصب، بس انا كنت بكلم بسمه كل شويه وبسألها اذا حد جمبك او لأ عشان اكلمك