ادم _ لا انا اقصد تقعدي في شقته
ليلي _ ازاي اقعد معاه يعني
يامن _ يابني دي هبـ.له، الشقه فاضيه محدش بيدخلها
ليلي _ اه اذا كان كدا ماشي، بس حسك عينك اشوفك هناك طول ما انا قاعده هناك
يامن _ ومين قالك اني عاوز اشوف وشك اصلا
ادم _ اخرسو مش وقته، احنا لازم نمشي دلوقتي
يامن بقرف _ ياريت
في فيلا صلاح
بعد انتهاء الحفله
صلاح بيتكلم في التليفون _ عرفت راحو فين
المتصل _ لا يافندم
صلاح بانفعال _ وممشتش وراهم ليه يا غـ.بي
المتصل _ سعادتك مقولتليش امشي وراهم
صلاح بغيظ _ الظاهر اني مشغل معايا بها.يم، غو.ر دلوقتي وبيقفل… لو معرفتش هي فين مش هقدر اخليه يتجوز بنت نادر. لازم اعرف هي فين وجيبها لازم تكون تحت سيطرتي لغيت ما نتمم الجوازه دي
في شقة يامن
يامن _ شقه بسيطه بس مريحه وهواها بحري
ادم _ تسلم على وقفتك معايا مش عارف كنت عملت ايه من غيرك