صلاح _ ناهد تعالي
ناهد _ ايوه يا صلاح
صلاح _ مسلمتيش علي جيلان…. خطيبة ادم
ناهد توقف متنحه وتبصلها من تحت لفوق بتركيز على طريقة لبسها اللى كاشف اكتر ما ساتر_ خطيبته؟
صلاح _ ايوه اختياري انا ايه رأيك
ناهد من غير نفس _ اهلا حبيبتي تشرفنا
جيلان _ ميرسي يا طنط
ناهد تشد صلاح من ايده وتروح بيه بعيد _ ازاي يعني دي خطيبة ادم وفكرك ادم هيوافق عليها
صلاح _ هو وافق خلاص
ناهد باستغراب _ وافق؟ امتي وهو شافها فين اصلا علشان يوافق
صلاح _ من شويه معرفو عليها هي وابوها
ناهد لنفسها _ معقول ده، وانا اللى فكراه بيحب ليلي وعاوزها، لا اكيد فى حآجه غلط
فى مكان مقطوع
توجد دائرة من نار بداخلها عمود خشب مربو.طه فيه ليلي اللى بتبتدي تفوق وتشوف منظر النا.ر محاوطها وتعابير الر.عب تترسم على وشها، وتحاول تفك نفسها لكن مبتقدرش، وتصرخ وتستنجد بحد لكن المكان فاضي وبعد دقائق بيجي يامن ويشوفها وسط النا.ر