بتكتب المواعيد وتروح عنده بدون ما تطرق الباب وتمدله ايدها بالورقه
بسمه _ اتفضل
ادم بنفاذ صبر_ ابقي خبطي قبل ما تدخلي
بسمه _ حاااضر.. خد الورقه خلينا نخلص
ادم يشد منها الورقه بزهق_ على مكتبك
بسمه _ ممكن اعرف انت بتتغر عليه ليه ، هو عشان انت المدير وصاحب الشركه هتشوف نفسك علينا ولا ايه
ادم _ على فكرة انا ممكن احولك لمكتب التحقيق بس مراعي ظروف امك المراضيه
بسمه بنرفزه _ لا حولني،، علي اخر الزمن حد يعيرني بمرض امي، بكره ربنا يخلص منك وتفهم ان المرض والصحه بأيد ربنا وملهوش دعوه بغني ولا فقييير
ادم _ انتي مجنونه أنا امتي عايرتك بمرضها
بسمه ببكاء وصوت عالي_ دلوقتى حالا بس ربنا كبير والله ربنا. كبير وهيخلصلي منك ومن عينك انتو كده يا اغنيا بتهينو في الناس عشان معاكم فلوس
ادم يقوم ويحاول يحط ايده علي كتفها عشان تبطّل عياط_ انتى فهمتي غلط انا مقصدتش كده
بسمه تبصله بصدمه وتذق ايده وتكمل بكاء_ عاوز تلمسني اكمنك المدير وانا السكرتيره، مكنتش اعرف ان نيتك زبالة كده حسبي الله ونعم الوكيل فيك،… وبتسيبه وتمشي وهي بتبكي