ناردين بدموع _ اه
شامي _ عارفه، لما اشتغلت الشغل ده بدأت حياتي تتحسن شويه .. ساعتها بدأت اتفائل وكنت هكلمك، بس لقيت اني بردو موصلتش لحاجه
ناردين بدموع _ اول مره اكره اني اكون بنت راجل غني، احيانآ الفقر نعمه
شامي بإبتسامة باهته _ واحيانآ نقمه… هابقا اطمن عليكي من بسمه
ناردين _تعاله وصلها تاني
شامي _ هحاول موصلهاش.. لو قدرت اتحكم في نفسي
ناردين _ الظاهر انك ارتحت من شوفتي
شامي بوجع _ اه فعلاً كنت اتمنا مشوفكش من الاول.. عن اذنك
ناردين بدموع _ شامي
شامي يلتفت لها _ نعم
ناردين بدموع _ هتوحشني
شامي بخيبه _ وانتي وحشاني… ارجعي الشغل يلا
بيسيبها وهي بتوقف تبص عليه وتحاول ماتبكيش في الشارع لغيت ما بتيجي بسمه وتحط ايدها علي كتفها وهي تنتفض بفزع
بسمه _ ناردين، انتي كويسة
ناردين تداري وشها منها _ انا تمام يلا بينا
بتسيبها وتدخل جوه وتروح الحمام، وتوقف قدام المرايا وتبكي
في مكتب السكرتيره بيدخل ادم وبدون الالتفات_ ورقه بمواعيد النهارده تكون على مكتبي.. وبيدخل جوه ويسيبها
بسمه تحدث نفسها بنرفزه _ وركه بمواحيد النحارده.. ابو شكلك متعجرف