صلاح _ ومات صديقي، وانا ربيت بنته مع عيالي، كفياها كده مش هجوزها ابني الوحيد كمان
ادم _ انا مش مصدقك بجد،
صلاح _ يابني ياحبيبي العواطف مش بتأكل عيش، نادر الشناوي من اغني عشر رجال اعمال في الشرق الاوسط كله، يعني جوازك من
بنته هيرفعك فووق
ادم _ انا مش عاوز اترفع اكتر من كده انت مش فاكر كنا عايشين فين ودلوقتي عيشين فين وازاي؛ هنعوز ايه تاني
صلاح _ ومسألتش نفسك احنا بقينا كده ازاي، حبيبي انا تعبت وعملت كل حآجه علشان اوصلكم للمستوا وانت لازم تسيبك من اي
عواطف فارغه وتكمل اللي بدأته وتجوز جيلان انت فاهم
ادم بحده_ اسف بس انا مش هتجوز غير ليلي
صلاح _ تبقي كده بتأذيها
ادم _ يعني ايه
صلاح بتحذير_ يعني لو متجوزتش جيلان مش هتجوز ليلي ومش بس كده، انا هوديها مكان عمرك ما هتعرف توصله ومش بعيد تمو.ت كمان
ادم يبصله بصدمه من كلامه ومش مصدق اللي بيسمعه_ بابا انت قاصد اللي بتقوله ولا خانك التعبير
صلاح بحده_ قااصد ولو مروحتش دلوقتي وقولت انك عاوز جيلان انا هوريك عينه من اللي ممكن يحصلها بسببك
ادم بحده _ وانا مش موافق يا بابا