ليلي بإبتسامة باهته _ حاضر ياعمي ثم تحدث نفسها.. انت لو تعرف ان جوازنا لعبة هتقتلنا،
منصور _ هو فين دلوقتي
ليلي _ لسه نايم
منصور _ روحي صحيه هيفضل نايم لامتي
ليلي _ حاضر ياعمي، وبتمشي وتسيبه وتروح ليامن الاوضه، وفي طريقها بتشوف رانيا واقفه وباصه على اوضتهم
ليلي بإبتسامة _ صباح الخير حبيبتي،
رانيا بقرف_ صباح النور
ليلي تبتسملها وتمشي،
ليلي _ يامن… اصحا عمي بيسأل عليك… ياااامن ايه متخدر ما تقوم، وبعدين بتشوف خيال رجلين قدام الباب وتعرف انها رانيا
ليلى بمياعه _ بيبي قوم بقا وحشتني، انا موحشتكش، … لا زعلانه منك بجد، قوووم بقا
يامن يبتدي يصحا ويبصلها باستغراب _ في ايه
ليلى تشاورله على الباب ليفهم ان رانيا بره وبتتسنط
ليلى _ أخيرا صحيت انت وحشتني اووي، وتعلي صوتها
يامن بإبتسامة _ وأنتي كمان ياقلبي، بس انا زعلان منك، كده تصحيني وانا كنت بحلم بيكي،