ادم يتقدم خطوه نحيتها، وصلاح بيمسكو
صلاح _ انت رايح فين.. يلا بينا
ادم _ الست هتموت، احنا مشكلتنا مع الولد مش هي
صلاح بغيظ _ يلا يا ادم وبيمسك ايده ويمشي، وادم بيبص لبسمه وامها بحزن وضميره بيأنبه
فيلا منصور
ليلي بإبتسامة _ صباح الخير ياعمي
منصور _ صباح النور
ليلي _ فطرت؟
منصور _ لسه
ليلي _ اجبلك فطار واجي
منصور _ ملوش لازمه متشغليش بالك انتي
ليلي _ تبقي لسه زعلان مننا
منصور _ طبعا زعلان، اللي عملتوه لا يغفتر، بس انا سكت علشان وضعك
ليلي بإبتسامة باهته_ عندك حق، احنا اسفين، كان لازم نسالك الأول
منصور _ حصل خير، المهم تخلي بالك منه، متخلهوش محتاجه حآجه، فهماني طبعا