جيلان محدثه نفسها _ قولتلك بالحسنه تيجي معايا.. بس انت اللي عاندت ياسمك ايه
منزل شامي
شامي قاعد في اوضته ومتمدد علي السرير وهو ساكت وبيفكر
شامي محدث نفسه _ خسرت شغلي بسببها، الله يقطع اليوم اللي شفتك فيه
بسمه اخته صاحبة ال 26 عام بتدخل عنده ومعاها الشاي _ الشاي ياعم شيمو
شامي يعتدل في قعدته _ متشكر يابسمه، تعالي اقعدي
بسمه _ حاضر … مالك ياشامي من ساعه ما رجعت وانت قاعد لوحدك
شامي بخنقه _ سبت الشغل
بسمه _ فداك الف شغل، وتزعل نفسك ليه
شامي _ وهنصرف منين، وهنجيب علاج ماما ازاى
بسمه_ انا هشتغل، واساعدك يكون لقيت شغل
شامي _ ومين قالك انك لو اشتغلتي هتصرفي قرش في البيت، اتشطري انتي بس وكملي جهازك
بسمه _ وانا هصرف في بيت حد غريب. وبعدين مش انت اللي علمتني لغيت ما اتخرجت
شامي _ خلاص يابسمه ، مش لما تلاقى شغل الاول .. متشغليش بالك، انا هلاقي شغل قريب،
بسمه _ ان شاءلله ياحبيبي، ربنا يساعدك ويعينك، ويارب اشوفك عريس قريب