” ارجوكي يا سيلين متتكلميش معايا في كده… و اياكي تتدخلي تاني لان مهما شرحتلك الموضوع من أوله الي أخره… عمرك ما هتعرفي تحطي نفسك مكاني أو تحسي نفس احساسي
ناحيتهم… لانك مش هتحسي زيي كده غير لما تكوني جربتي بنفسك اللي عيشوني فيه… ف لو سمحتي اقفلي السيرة دي دلوقتي…
لقيت مفيش فايدة من الكلام معاه دماغه ناشفة اوي… و عرفت ان موضوع مصالحة اهله ده هياخد وقت كتير
‘ طب على الاقل متضغطش على نفسك… و أنا آسفة لو كنت ضغطت على حضرتك
” خلاص فكك
روحت على المطبخ و جبت كوباية مية
خرجت على الصالة لقيته حاطط ايده على رأسه و بعيط
‘ اتفضل
بصلي و قال
” ايه ده ؟
‘ ده الدواء اللي كتبه الدكتور… كل يوم تاخد حبة قبل ما تنام… هيريح اعصابك
” مش عايز ( بص على الجمب التاني )
حاولت اعمل اي حاجة تخليه يخرج من مود الكآبة ده… قعدت في وشه و قولت
‘ هو حضرتك عندك 29 سنة فعلا ؟
” ايوة
” بالسرعة دي اتعينت دكتور جامعي مرة وحدة !