كان مع كل هدية ورقة فتحتهم كلهم في وقت واحد وقعدت اقارن ما بين كل ورقة
بس للاسف لقيت في كل ورقة الخط مختلف جدا عن التاني… وطريقة تغليف كل هدية مختلفة برضو يبقى مش نفس الشخص اللي بيبعت هدايا دي ليا
close
معقولة انا ليا معجبيين كتير ومعرفش.. اد ايه طلعت انا مشهورة !
‘ يلهوي الساعة بقت 2 الليل لازم اتخمد عليا امتحااااان
شلت الهدية مع اخواتها و نمت
تاني يوم…..
صحيت اخدت دُش على السريع… و لبست وجهزت
قعدت اراجع شوية لغاية ما صحبتي رنت الجرس
‘ حاضر يا ولية جاية اهو
نزلت انا وصحبتي هدير روحنا الجامعة
في الجامعة……
‘ هدير انا خايفة اوي خايفة لاسقط !
* نينينيني كلامك كالعادة انك خايفة… وبعدها تنزل عليكي كوم امتيازات حتى في المواد اللي مش مضافة… اسكتي يا سيلين اسكتي
‘ تصدقي انا غلطانة اني بفضفض معاكي