‘ ماما بطلي هزار عارفة لما تهزري معايا كده بس بطلي… عشان انا على اعصابي ومش بحب هزارك التقيل ده
‘ ماما !
بدات اعيط
close
‘ ماما بطلي دلع و قومي !
‘ ماما انتي مش بتردي عليا ليه ها ؟ انا بكلمك على فكرة… ردي عليا و النبي !!
‘ يا ماما ارجوكي اتكلمي
‘ ماما !!!
بعدت عنها و حطيت ايدي على بوقي
‘ لا لا مستحيل .. مستحيل !!
صرخت باعلى صوت عندي وجريت على جارتي اسراء… قعدت اخبط عليها لغاية ما فتحت
* في ايه يا سيلين مالك بتعيطي ليه ؟
‘ إلحقيني… مامااا
* مالها مامتك ؟؟
‘ ماما … بصحيها مش بترد عليا
* ازاي ؟
‘ مش عارفة اعمل ايه يا اسراء الحقيني
* تعالي نشوفها
جات معايا اسراء دخلنا اوضة ماما وبتحاول تصحيها لكن مفيش اي صوت خارج من امي