” العفو
مشيت و لقيته ماشي ورايا
‘ أنت رايح القاعة رقم 3 ؟
close
” اه
‘ ليه ؟
” ما أنا عليا محاضرة برضو…
‘ يبقى أنت جديد معانا ؟!
” اه أنا جديد…
‘ تعالى… نورت
مشينا سوا و كنت مبسوطة… ايه الشاب الذوق أوي ده… يا بركة دعاكي يا ماما… بصي لقيت واحد زي اللي انتي عيزاه بالظبط… ايه القمر
ده يا ناس !!
دخلنا القاعة… قعدت جمب صحبتي… فضلت ابص عليه و هو داخل… بس لحظة… ده مقعدش في بنش بتاع الشباب ليه… يلهوي ده قعد
على مكتب الدكتور الجديد… لما يجي هيتنفخ… ايه ده… ده مسك قلم السبورة… و لبس النضارة و قال بصوت عالي
” شباب خلاص… اهدوا… اعرفكم بنفسي… أنا الدكتور سيف… الدكتور الجديد اللي هيتابع معاكم المعادة بدل دكتور ماجد…( مسك كشف الحضور و كمل ) قبل ما ابدأ و اعرفكم بنظامي ناخد الحضور