دخلنا و قعدنا في الانتريه… سيف كان باصصلي بنفس النظرة….
‘ تحب تشرب ايه ؟
” سحلب
close
‘ ماشي…
دخلت المطبخ و عملت كوبايتين سحلب و رجعت على الصالة… حطيت الكوبايتين على الترابيزة…
‘ اتفض…
قبل ما أكمل الجملة… اخد الكوباية و شربها كلها… و رجعها على الصنية فاضية… استغربت من تصرفه الغريب ده…
‘ بالهناء و الشفاء…
ابتسم ابتسامة اصطناعية… معرفتش اتكلم و اقول ايه و فضلت ساكتة….
” هو مين الواد القمور اللي اخد منك الطبق بتاع الزيت ؟
‘ لسه ساكن في الشقة اللي جمبي جديد…
” هو اخد ليه الزيت ؟
‘ عايز يقلي بطاطس و معندهوش زيت… ف جه اخد مني..
” اه
سيف كان بيهز رجله بعصبية شديدة…
” العمارة دي فيها 26 شقة… ملقيش زيت عندهم ف جالك يعني ؟
‘ تقصد ايه ؟
” اقصد أنه هو قاصد يجيلك ف اخترع الحوار ده