ترك زراعها الذي كان يقبض فةقه، رد عليها بجدية وصرامة
:- زعلتك تيجي تقوليلي دة الصح، لكن إنك تتحدي كلامي دة مش هسمح بيه، متنسيش نفسك يا آلاء، واصح إن أنا
غلطت امبارح لما قولت مخلكيش تزعلي وجاريتك في كذبك دة.
شعرت بنصل حاد يُغرَز في منتصف قلبها دون شفقة، حديثه وجعها بشدة، كان أقوى من أي شئ، شعرت بكرامتها تنجرح، لكنها جاهدت ألا تظهر حزنها وجرحهل أمامه، تحدثت بغضب وحدة
:- هو إيه اللي منساش نفسي، ليه أنا مين، هو حد قالك إني من الشارع، أنا آلاء الحامدي على فكرة، ما تركز في كلامك يا عمر، و اعرف أنتَ بتكلم مين، ولا أنتَ شكل معاملتك مع نهي نستك أن انا مش هي، هي هتسمح بإهانتها، لكن أنا لأ، واتفضل اطلع برة حالًا.
جاء ليتحدث مرة أخرى، لكنها قطعته بحزم، وأشارت بسبابتها نحو باب الغرفة، وتمتمت بصوت متخشرح دليلا على أنها على وشك الانفجار باكية
:- قولتلك برة لو سمحت يا عمر.
انصاع طلبها عندما رأي حزنها، وخرج من الغرفة وهو يلعن ذاته وغضبه الذي يعميه دائما، هو الان مَن جعلها تحزن بتلك الطريقة.
بينما هي تمتمت بينها وبين ذاتها بتصميم وإصرار، يلتمع داخل عيناها
:- لأ أنا لازم امشي اروح بيتنا، وأنا هربيه هو وست زفته اللي اسمها نهى دي، مش عارفة ازاي كنت مستحملاها