المقعد المقابل للمكتب
:- إيه يا عمر، كنت عاوز إيه؟
عاد عمر بظهره فوق المقعد الذي يجلس عليه، وضع يده فوق صدعيه، حمحم بجدية، وتحدث معه بحدة وصرامة
وغضب شديد
:- مش زيادة اللي بتعمله في مراتك دة، البنت ذنبها إيه ولا عملتلك إيه انت كل شوية بتضايقها، مش بتقولها حتى كلمتين كويسين على بعض حرام عليك، هي كانت عملت ايه عشان يحصلها كل دة، أنا مبرضاش اكلمك قدامهم
عشان مش هعرف اتكلم براحتي، ولا هعرف اكلمك وكمان عشان مراتك برضو، بس اللي بتعمله دة غلط يا تامر.
تنهد تامر تنهيدة حارة حارقة، ثم رد عليع بضيق ساخرا، لم تخلو نبرته من التهكم أيضًا
:- والله يعني مش عارف يا عمر، أنا استحالة أحبها وذنب مين لو بتسأل فأنتَ عارف كويس انتوا اللي مخلتونيش
اتجوز بسملة، بلاش كلام في الموضوع دة عشان هتقلب بخناقة كالعادة يا عمر.
حرك رأسه بيأس وعدم رضا من حديث تامر الدائم، بالفعل في كل مرة ينتهي ذلك النقاش بجدال كبير بينهما؛ لذلك أردف بسخرية و قد تنهد هو الآخر بغضب
:- يا ابني بسملة مين والله مراتك احسن بكتير أنتَ ليه مش قادر تشوف دة وتفهمه، بعدين انا مدخلتش في الموضوع دة عشان مش قادر اشوف بسملة دي كويسة، فسيبتك تعمل اللي يعجبك أنتَ وماما.
طالعه تامر حينها بغيظ وعدم رضا، نهض من فوق مقعده، وتوجه نحو الخارج؛ حتى لا يتشاجر مع عمر، ظل