:- في ايه بتبصي على المياة كدة ليه، كإنك اول مرة تشوفيها؟
تمتمت تجيبه بعدم وعي، وهي لازالت شاردة في المياة
:- لا مش كدة، بس غريبة المياة بص من بعيد تشوفها جميلة وجذابة أوي عشان تروح لها وتحبها،
وفي الآخر لما تحبها وتروح لها تلاقي نفسك بتغرق ومش لاقي حد ينقذك، شوفت اللي حبيته في الاخر هو اللي تسبب في غرقك، ياريت قلبنا كان بإيدنا بجد ونقدر نتحكم فيه، كان وقتها مش هنحب اي حاجة كدة، عشان شوية اهتمام عاديين.
أنهت حديثها، وهي تغمض كلتا عينيها ضاغطة فوقهما بقوة تعتصرهم بحزن.
كان يعلم أنها تتحدث عنه وعن علاقتهما المتوترة؛ لذلك تنهد بعمق وحزن، فهو الاخر يريدها ويريد ان يظل معها لكنه مضطر أن يفعل ذلك، غمغم يرد عليها بوجع شديد يخفيه بداخله، وتحدث بنفس الطريقة التي تحدثت هي بها
:- مش ممكن إنك فاهمة غلط مثلا، والمياة ندهت عليكي عشان بتحبك بجد، بس انتي اتسرعتي او مش قادرة تفهميها، وممكن المياة حصلها حاجة ومكنش قصدها تغرقك أصلَا.
_اه فعلا ما هو واضح، أمال ايه هتخطب وابقر انا اللي مش قادرة أفهم في الأخر.
أجابته بتهكم ساخرًا، وقد أنفلت منها ضحكة ساخرة يملأها الألم والوجع.