:- هو إيه اللي اختك، و قال بلاش ظلم، تروح تقول الكلام دة لـ آلاء هانم بتاعتها، تقولها هي بلاش كـ.دب وتمثيل، لكن لا دي الأميرة اللي محدش يقدر يكلمها عشان ابوها مـ.ات قال يعني أنا اللي ابويا عايش مثلا، لا ازاي دي آلاء عند ماما حاجة تانية.
دلفت نحو غرفتها، وأغلقت الباب خلفها بقوة، تسبب صوت عنيـ.ف مرتفع وصل إلى أسفل، بدأ كل منهم يتوجه نحو
غرفته.
في الغرفة الخاصة بـفريدة وتامر
جلست فريدة بتـ.عب بادي عليها فوق الفراش، ليأتيها صوت تامر الساخر وهو يرمقها بنظراته من أعلاها إلى أدناها
:- إيه مش معقول إنك تعبني من المجهود البسيط دة، أنتِ لسة عروسة المفروض يا ست فريدة، أنا قولت متجيش أصلا قالوا نسيبها ازاي لوحدها أصلك هتتخطفي يا بيبي.
ابتلعت إهـ.انته الواضحة بصمت، ثم أردفت ترد عليه بجدية وحزن
:- أنا متعبتش ولا حاجة، وشكرا على طريقتك المحترمة دي معايا زي كل مرة.
كان سيتحدث يرد عليها، لكنه فضًل الصمت عندما شعر أنه تجاوز حده اليوم معها، وخاصة عندما رأي تلك الدموع
التي اجتمعت داخل عينيها، نهضت من فوق الفراش وتوجهت بسرعة نحو المرحاض ثم أغلقت الباب خلفها بإحكام.
ظلت تبكي بإنـ.هيار وتعب شديد، تفضل أن تبكي وتنهـ.ار مع ذاتها بمفردها، ليست أمامه هو بالتحديد، لن تظهر