صُعِقت وشعرت بالدهشة الشديدة ما أن علمت بخبر حملها الذي لم تتوقعه وتضعه في مخططاتها، ا
أسرعت تتحدث بضيق وعدم تصديق
:- تـ،.. تامر أنتَ بتكدب عليا صح عشان تضايقني، أنتَ فاهم يعني إيه حامل ولا لأ، ازاي تحصل حاجة زي دي وأنتَ
عادي كدة، تامر أنتَ لسة بتحبني صح؟
طرحت سؤالها وهي تعلم الإجابة بالطبع ومتأكدة منها، لكنه باغتها برده عليها الفاتر الغير متوقع نهائيًا والتشتت يبدو عليه بوضوح
:- مش عارف، مش عارف يا بسملة، أنا مبقتش قادر احدد أي حاجة، الحاجة الوحيدة اللي انا عارفها أن مقابلتي ليكي وكلامي معاكي المستمر دة غلط لأن المفروض على الأقل خالص احترم وجود فريدة مراتي في حياتي، حاسس إني تايه مش فاهم حاجة ولا عارف احدد حاجة يا بسملة.
طالعته بنظرات غاضبة،تتوعد فيها له ولـفريدة التي لعنتها عدة مرات بداخلها، ردت عليه بضيق وغضب
:- والله دلوقتي هي بقت مراتك وتحترمها، فين الاحترام دة افتكرته دلوقتي خلاص، وأنا يا تامر، مبقتش أهمك للدرجادي براحتك خالص.
أردفت حملتها وترجلت من السيارة بغضب، وهي تتوعد لهما بغضب شديد، هي لن تتنازل عنه مهما حدث، لن تتركه لفريدة تفوز به، تعلم كيف تجعله يعود إليها مرة أخرى، كيف تجعله يعشقها مجددًا كما كان معها في السابق!..