أصلا.
تأفأفت عدة مرات هي الأخرى ثم ردت تجيبه باقتضاب وهي تتطلع نحو الجهة الأخرى متعمدة عدم النظر نحوه؛ حتى لا تضعف بسبب رؤية عيناه الساحرة المتيمة بهما
:- هجهز أهو هجهز، لو سمحت بقى من أولها كدة ملكش دعوة بيا أحسن، ولا تشغل نفسك بيا ولا تقلق عليا، أنا عارفة كويس اوي مكانتي عندك فمش محتاج تعمل كل دة اصلا وتضحك عليا.
وقف يستمع إلى حديثها بذهول وعدم تصديق، لكنه أسرع يقترب منها أكثر، مما جعلها تطالعه بدهشة تترقب
فعلته بجهل، لكنه فاجأها عندما رد عليها بلهفة ونبرة عاشقة، حيث يشعر هو أن قلبه ينبض عشقها، هي مَن تتلاعب بأوتار قلبه بأكملها
:- يعني إيه مليش دعوة بيكي، وبضحك عليكي، وأنتِ متشغلنيش و متقلقنيش، والكلام الاهبـ’ل دة كله، أما أنتِ كدة
امال الباقي إيه، لولي عاوزك تعرفي أني مستعد اسيب الكون كله عشانك ومش اسيبه بس لأ دة انا اد’مره لو حد ضايقك، وبعدين أنا فهمتك كل دة حصل ليه، وأني كان قصدي ابعد عنك أي حاجة ممكن تأذ’يكي، وبعدين حتى لو مش عاوزة تهدي دلوقتي، ماشي بس استمتعي بكل لحظة بتعدي علينا دلوقتي؛ لانها حاجة صعب تتكرر خاصة
انهاردة وبكرة.
توردت وجنتيها باللون الأحمر القاني الدال على خجلها، وزين وجهها بابتسامة هادئة من حديثه الذي يؤكد على أهميتها في حياته.