زراعيها أمام صدرها وتمتمت بعدم رضا
:- تامر بعيدا عن كل دة أنا عارفة أن معاك حق وعارفة أني غلطت، بس أنا مش موافقة على جوازي من عمر، مش
عاوزه اتجوز غصب عني، ولا بالطريقة دي أنتَ فاهمني صح؟
اومأ لها برأسه الى الأمام بتفهم، فهو أكثر واحد يفهم شعورها في ذلك الوقت، فهو ايضا قد فُرِض عليه الزواج من فريدة؛ لذلك يفهم جيدا ما تشعر به، رد عليها بهدوء وثقة
:- متقلقيش يا آلاء اهدي شوية، وأنا هروح اشوف عمر، هتكلم معاه وهحاول اتصرف، بس خليكي عارفة أن اللي هيحصل ليكي دايما هو الأفضل.
هزت رأسها إلى الأمام بصمت، بينما هو سار نحو الخارج ما أن انهي حديثه، تتمنى أن يستطع تامر اقناع عمر في التراجع عما يريد فعله، لا تريد أن توافق على شئ بالإجبار.
جلس تامر مع عمر يحاول يحدثه في ذلك الامر، فتمتم بهدوء يخفي خلفه التوتر الذي يشعر به من رد فعله عندما
يتحدث
:- عمر آلاء كلمتني وحكيتلي عن اللي حصل، يعني أنا عاوز اقولك أن مينفعش خالص تهددها انك هتحبسها أنتَ فاهم بتقول إيه، دي بنت خالك يعني غلطت وخلاص المفروض الموضوع اتقفل لكن أنتَ مش ساكت لا بتهـ..
شعر عمر بالغضب ما أن استمع إلى حديثه، قطعه وغمغم بحدة وغضب من فعلتها
:- تامر لو سمحت اسمت دلوقتي، أنا فاهم أنا بعمل ايه كويس، اطلع أنتَ من الموضوع دة، قولتلك قبل كدة عارف أنا بعمل إيه كويس، وكل حاحة بعملها انا مرتب ليها وفاهمها.