أحد
:- اخرسي خالص تعرفي تسكتي دلوقتي، مش عاوز اسمع صوتك احسن.
بينما هي انكمشت على ذاتها بخوف من هيئته المرعبة، وتمتمت بخفوت معترضة محاولة أن تتحدث في الأمر
:- في إيه يا عمر أنتَ بتكلمني كدة ليه، هو مش أنتَ خطبت خلاص وبتشوف حياتك، كل واحد بيشوف حياته ودة طبيعي على فكرة، مجاتش عليا أنا كمان من حقي اشوف حياتي مع عـ…
ترك زراعها الذي كان لازال يضغط عليه وقطعها بحدة ونبرة قاسية يملأها الغضب والتوعد، يحاول السيطرة على
ذاته حتى لا يتهور عليها
:-لو مستغنية عن عمرك، عيدي كلامك دة تاني، اه صح من حقك تشوفي حياتنا مش حياتك، عشان كدة انا هشوفها واخليكي تشوفيها كمان، فرحنا هيكون بعد اسبوعين من دلوقتي.
وقع عليها حديثه كالصاعقة التي شلت جميع أطرافها، لا تعلم لماذا حديثه جعلها تضعف من جديد؟!.. شعرت بدقات قلبها تزداد بداخلها، لكنها سرعان ما فاقت من افكارها لاعنة ذلك الضعف الذي اجتاحها لوهلة.
وضعت يدها فوق خصرها، ثم تمتمت بسخرية لاذعة وهي تضحك عاليا ظنا منها أن حديثه لم يكن سوى مزحة
يمزحها معها
:- حلوة النكتة دي لأ بجد ضحكتني، متقولهاش تاني بقي فاكر نفسك دمك خفيف، قال فرح بعد اسبوعين وبعدين حياتنا إيه، لأ هي بقت حياتي انا بس، وحياتي أنا قررت انها هتبقي مع عد..
:- معايا.. حياتك هتبقي معايا أنا يا آلاء.
قطعها مرة أخرى وهو يشدد على أحرف كلمته، ثم واصل حديثه بجدية وغيظ من دون ان يمهلها فرصة للرد أو الإعتراض