لكونه انتصر على عمر في ذلك الشئ لأول مرة في حياته، حاول ان يبدي اهتمامه بها فسالها بهدوء
:- إيه يا حبيبتي خرجتي من عنده؟
همهمت تجيب اياه، وواصلت حديثها بنبرة حادة بعض الشئ
:- ايوة خرجت خلاص، شوف بقي يا عدي أنا استحالة اعمل كدة تاني انسى بجد، وتبقي اتصل بكرة عرفني عملت إيه بعد الصفقة.
رد عليها باقتصاب، وهو يلعن طريقتها الحادة معه التي تتحدث بها
: – لأ طبعا يا قلبي استحالة نكرر دة، أنا بس عملت كدة عشان لما اتقدم ليكي يبقي ليا صورة كدة قدامه، طبعا هتصل بيكي بكرة اطمنك يا قلبي.
اغلقت معه وهي تشعر بعدم راحة بداخلها، قد يطرح سؤال هام يدور بداخلها..
هل ما فعلته للتو صحيح ام لا؟!..
❈-❈-❈
في الصباح
لم تقوى آلاء على الذهاب للشركة أو الخروج من غرفتها، تشعر بالقلق ينهش في قلبها بشدة الذي على وشك أن يتوقف نهائيا، ظلت تدور في غرفتها ذهابا و إيابا بقلق..
لا تعلم لماذا عدي قد تأخر في الاتصال عليها ليطمنها، قطعت شرودها مع ذاتها على صوت رنين هاتفها الذي صدح في الغرفة، انتشلته سريعا من فوق الفراش بلهفة، و ردت على عدي مسرعة
:- إيه اللي حصل يا عدي، عملت إيه طمني؟