انت ملكش أي حكم عليا أصلا، أنتَ أناني على فكرة ومتملك، وكل اللي قولتهولك قبل كدة كان صح، أنتَ عاوزني أفضل قاعدة زعلانة عشان أنتَ هتتجوز ومكسورة قدامك عشان افضل تحت رحمتك يا حرام، لكن اشوف حياتي واتخطاك و اكمل مع شخص مناسب غيرك لأ طبعا دة مش مسموح معاك، بجد عمري ما شوفت ولا هشوف حد
مؤذي زيك.
كور يده بغضب ثم قام بضرب اقرب حائط أمامه بقوة في محاولة منه للتنفيث عن غضبه؛ حتى لا يؤذيها بعد استماعه لحديثها، تطلع نحوها مرة أخرى ورد عليها بحدة شديدة فقد ظنت هي أن انفاسه كلهيب الجمرات
المشتعلة تحرقها
:- مؤذي هي دي نظرتك طب تمام وحلو أوي، هو اللي يخاف عليكي، وعلى مصلحتك يبقي مؤذي، اللي يجي على نفسه عشانك يبقى مؤذي، شوفي أنا بحاول أبرر كل تصرفاتك عشان مش عارفة الحقيقة، لكن انك تكوني
شايفاني كدة و بالشكل دة، يبقي أنتِ متستاهليش إني أخاف عليكي اصلا، أنا يا آلاء هانم يا بنت خالي لا متتملك ولا مؤذي، أنا بحاول احميكي من حاجات مؤذية بس واضح اني غلطت فعلا عشان قررت ابقي في صف واحدة ساذجة زيك مش فاهمة، غلطت عشان جيت على نفسي وكل حاجة عشان واحدة مش عارفة في الآخر مين العدو ومين
الحبيب، اتفضلي روحي مكان ما أنتِ عاوزة، ودي آخر مرة هتدخل في أي حاجة تخصك لو بتموتي قدامي مليش فيه.
أنهى أحرف جملته وأعطاها ظهره بلا مبالاه، ثم تحرك متوحه صوب غرفته كأنها لم تقف أمامه، عاملها كانها شئ