الواحد ليه حق يغير مين يقدر يشوفك وميغيرش عليكي، وخاصة من عمر، فأسف يا حبيبتي، واعتبري كل الكلام اللي قولته ليكي انهارده محصلش ولا في حاجة، ولو ينفع تنزلي وأعدي عليكي اعزمك على العشا.
كانت سترفض في البداية، فهي لازالت لم تنس حديثه معها، لكنها لا تعلم لماذا غيرت رأيها ووافقت، بل ردت تجيبه
بهدوء، وهي تبتسم كالبلهاء
:- تمام ماشي يا عدي، هقوم اجهز أهو.
اغلقت معه الهاتف، وهي تشعر بداخلها بشعور غريب لا تعلم تفسيره، وكأن كل ما تمر به الآن هو شئ جديد عليها،
حاولت أن تنفض أفكارها بعيدا، ونهضت حتى تستعد للذهاب مع عدي.
❈-❈-❈
طالع عدي نهي التي كانت تجلس بحانبه بانتصار، وأردف بمكر معتاد عليه
:- بس كدة تمام أوي، انا واثق انها هتوافق تساعدني المرة دي، وهتنفذ طلبي، كويس إنك سألتي أخته دي هو فين دلوقتي، لولا كدة كان زمانها فاكرة نفسها ملكة ومش بترد.
ابتسمت بخبث ابتسامة سامة تليق مع قلبها وما يوجد بداخله من كره وحقد تجاه انسانة لم تفعل معها سوى
الخير، لم تعاملها سوى بالحب والطيبة، لكنها لم تعط لكل ذلك أهمية، ردت تجيبه بغرور و هي تهندم من هيئتها
:- طبعا هو أنا اي حد، اصلا كنت عارفة انه هيدخلها بنت ال*** دي و لا كأنها سحراله بجد، وقال بيمثل علينا أنه كرهها وأنها مش فرقاله عشان منضغطش عليه بيها، بس مهما يمثل احنا عارفين يمكن اكون صدقت في الأول
بس بعد كدو عرفت تمثيله، وهي اللي بغبائها عرفتني، أما نشوف فالاخر مين هيكسب انا ولا ست آلاء اللي فكرالي نفسها هانم دي، وفي الآخر هعرفها مين فينا اللي كسب.
صمتت ثم هتفت مرة أخرى بحدة ونبرة تحذيرية حادة