:- إيه قررتي تعملي إيه، هتتجوزى؟
نغزتها آلاء مسرعة في زراعها وقد بدا السخرية على ملامح وجهها، ثم ردت عليها مصححة بعدم رضا
:- لا طبعا جواز إيه وحب إيه بلا هم دة كلام فارغ، اسكتي أنتِ، أنا قصدي عاوزة اشوف حياتي واشتغل، ابني كيان
لنفسي بقى، يعني أنتِ يا ديدا عاملة بيدج لكتابة الخواطر ومعرفش العلاج النفسي بتاعك والحمد لله كبيرة وتقريبا واخدة وقتك الفاضي اللي تامر مش موجود فيه، انا بقى عاوزة اعمل لنفسي حاجة بحبها واشتغل في مجالي اللي بحبه.
حركت فريدة رأسها باقتناع وقد فهمت ما تريديه؛ لذا اجابتها مقترحة ببساطة وهدوء
:- طب وفيها إيه دي، ما أنتِ عندكم شركة في مصر تقريبا اخوكي سايبها لحد علمي لشخص ييديرها، انزلي أنتِ وامسكيها، ولا أنتِ عاوزة تسافرى مع اخوكي وتمسكي معاه الفرع اللي هناك؟
طرحت سؤالها بحيرة، وهي تعلم أن آلاء ذو شخصية صعبة من الصعب أن يتوقع احد ما تريده، وما يدور بداخل ذهنها.
حركت آلاء راسها نافية، وردت عليها بنفاذ صبر وسخط، وهي تضم كلتا شفتيها إلى الأمام
:- يخربيتك يا ديدا اخويا مين اللي اعيش معاه دة شخص لا يطاق، وبعدين أنا مش عاوزة انزل امسك شركة من شركات بابا، مش عاوزة ابقي مديرة أو شغالة في شركة بابا، أنا عاوزة ابني شخصية ليا أنا كـ آلاء بعيد عن الكل، أنا مش اقل من حد، عشان حتى لما امسك شركة بابا أحس ان أنا استحقها أنتي فاهماني؟