:- خلاص يا آلاء، أنا عرفت أنا هعمل إيه، هعمل اللي كان لازم اعمله من الزمان اوي، أنا هسيب البيت واروح بيت اهلي بدل الاهانة والتعب دة كله، ايوة هناك ببقى مش مرتاحة بس اللي بيحصلي هناك ارحم بكتير منه، دة لو لاقيني في الشارع هيعاملني احسن من كدة، أنا تعبت بجد يا آلاء.
حركت آلاء رأسها نافية، واردفت بتعقل وهدوء وعدم رضا من تلك الفكرة
:- لأ لأ يا ديدا، اهدي يا قلبي عشان خاطري، أهلك إيه بلاش تكبري الموضوع، بصي أنا هقولك على كم حاجة تعمليها، وخليكي واثقة فيا هجيبلك حقك والله، أنا عارفة تامر كويس، هو بس مضعوط شوية من اللي حواليه.
بدأت تشرح لها عما يدور بداخلها، وهي تحاول أن تجعلها تهدأ.
ابتلعت فريدة ريقها الجاف بتوتر، ثم تمتمت تتحدث بعدم ارتياح وقلق من فكرة آلاء
:- بس تفتكرى هو هيعمل إيه لما يعرف، أنتِ عارفة تامر بيرمي كلام زي السم يخلي الواحد يبقي عاوز يقوم يولع
في نفسه.
لوت آلاء فمها بسخرية، وتحدثت بتهكم ساخرا
:- عارفاه يا ديدا عارفاه كويس، قال يعني هيجيبه من برا، دة مش هو بس لا هو اخوه وأخته، والعيلة كلها بترمي
كلام زي السم.
ابتسمت فريدة في وجهها بلطف وهي تقوم بازالة دموعها الباقية ومحو اثرها نهائيًا من عينيها، و تحدثت تسألها باهتمام وقلق