:- ممكن افهم صاحية لغايه دلوقتي، وحطة الزفت دة بليل ليه مش لما بتعملي كدة بتصحي الصبح مصدعة و دماغك وجعاكي.
رفعت كتفيها إلى أعلى بلا مبالاه، و هي تعلم أنها قد نجحت في اثارة غيظه و حنقه لكنها تمتمت ببرود
:- أنا حرة يكشي دماغي تفرقع لما تبقى دماغك ابقى اتكلم أنت، بعدين انا بحب اسمع اغاني وأخيرا تامر عاشور نزل البومه الجديد، مش مصدقة كنت مستنياه بفارغ الصبر، احساسه روعة، وصوته بجد بيوصفني من جوة.
تنفس بصوت مسموع و هو يجاهد كبت غضبه منها؛ كي لا ينفجر بها، وتمتم ببطء و هو يضغط فوق كل كلمة
يتفوهها
:- ايوة قولتيلي بقا، البوم تامر عاشور، هو انا مش قولت منتنيلش نسمع اغاني ليه تاني، هو ايه اللي احساسه روعة، بيوصف ايه جواكي بلاش افورة و زفت.
اردف كلماته الأخيرة بغيرة لم ينجح في اخفاءها او التحكم بها.
ضمت كلتا شفتيها الى الأمام بتذمر، و هي تمتمت قائلة له بنبرة باردة، جافة، و هي تتطالعه بانتصار تعلم انها قد وصلت اليه