حصلها وسابوني هما الأتنين، أقول إيه بقا، بعدين ما فربدة أهي موجودة تقدر تشاركها كل حاجة، وبتحبك ومستعدة تستحمل أي حاجو عشان سعادتك، و بكرة تجيبوا بيبي وتلاقي حياتك وقتها.
عن أي حزن يتحدث هو، هي آلامها وأحزانها تتضاعف مع حزنه بالفعل، تشعر بنيران الفراق التي تشتعل بداخلها،
يكذب مَن يقول أنه يستطع نسيان مَن يحب مع الوقت، فبالرغم من مرور السنوات سيظل الفراق تاركًا ندبة كبيرة لن تُمحي حتى النهاية..
_بس مبحبهاش يا آلاء، فريدة كويسة وجميلة، وحاجة عظيمة فعلًا، بس هي مش بسملة.
اجابها بلوعة وحزن مرير، وهو يشعر بنيران الإشتياق تحرق قلبه..
قبضت فوق يدها بقوة، وهي تتمنى أن تقوم و تضربه في ذلك الوقت، لا تعلم كيف نجحت في تهدئة ذاتها؟!.
أردفت تحدثه بهدوء نسبي تتظاهر به، على عكس ما بداخلها
:- أنتَ ليه بتتكلم كإن بسملة دي مفيش غيرها في العالم، بص كدة و افتكر بسملة قدمتلك إيه، أنتَ اللي كنت
دايما بتقدملها كل حاجة، كانت بتعاملك على إنك بنك أو حاجة سحرية بتحققلها أمانيها، لكن صدقني مكانتش بتحبك، أنا بنت وبفهم كويس، لكن شوف فريدة على الرغم من إنك مقدمتلهاش حاجة ولا عملت حاجة ليها تبهرها وتحسسها بنفسها، إلا إنها بتحبك أوي، ومستعدة تضحي بكل حاجة عشان خاطرك، وبكرة تكونلك عيلة جميلة