:- أيوة فاهمة، ما هو عشان أنتَ زي اخويا بقولك كدة، ماهو ياسين اخويا أهو عامل كدة، فاتفضل بقا لو سمحت عشان أنا مصدعة، وكنت نايمة، وأنتَ اللي صحيتني على فكرة.
تنهد بضيق، وهو يجاهد أن يكبت غضبه حتى نجح بالفعل، وغمغم يرد عليها بهدوء مزيف
:- اتفصلي يا مصدعة، نروح وأنا مش هحاسبك على كلامك لأن في حاجات مينفعش تتقال، هو إيه اللي مليش دعوة بيكي، آلاء حاجة مهمة لازم تفهميها وتحطيها في عقلك، أنتِ يعني أنا، كل حاجة تخصك تخصني، ولازم تشاركيني فيها، لأن حياتك هي حياتي أنا، بعيدًا عن المشاكل والتوتر بس حياتك حياتي، ولازم أعرفها زي ما كمان،
حياتي حياتك.
لم تعلم لما لانت نبرتها، وهدأت من داخلها، لا تعلم لماذا؟!
لكنها تمتمت بصوت خافت تسال إياه
:- بس أنتَ مش بتقولي حاجة عن حياتك، ولا بتخليني أعرف عنها حاجة يا عُمر، وكمان خلاص مبقتش حياتي اصلا.
اقترب منها بخطواته، يقطع المسافة بينهما، وأجابها بحنو، وهو يبتسم أمام وجهها بلطفٍ
:- هعرفك طبعا يا لولي، بس مفيش حاجة مهمة تعرفيها، لو في حاجة حصلت هعرفهالك اكيد يا آلاء، انتي
صحبتي وأختي وكل ما ليا، أنتِ عارفة إنك اقرب حد ليا ولقلبي في الدنيا دي، يا بنت قلبي مش بتحبيني اقولك كدة برضو.
انهى حديثه وهو يغمز إياها باحدي عيناه، مما جعل شفتيها تنفجر بإبتسامة فرِحة كالبلهاء، جاهدت أن تمحيها لكنها فشلت في النهاية، ظلت تلعن في قلبها الذي لازال يتأثر بكلماته التي عكس افعاله تمامًا.