:- بجد يعني، خلاص هتسيب الزفتة نهي دي وخلاص كدة صح؟
طالعها بطرف عيناه، لا يعلم بماذا يرد عليها، وكيف يجيبها، لكنه تمتم يجيبها بتعقل، وهدوء
:- سيبك من كل حاجة دلوقتي، ممكن تهدي و متجبيش سيرة نهى، ولا أي حاجة ممكن.
اومأت له برأسها إلى الأمام، وأردفت بنبرة تحمل العديد من السخرية
:- لأ، وأنتَ بتخاف عليا اوي صح، على العموم شكرًا واتفضل امشي من هنا، عشان بحب اقعد لوحدي.
_من امتي؟
سألها باستنكار تام، وهو يطالعها بنظراته الجادة التي اخترقتها.
تنهدت بضيق، وسرعان ما هبت واقفة، ترد عليه بجمود وحدة
:- من ساعة ما ماما وبابا ماتوا وسابوني لوحدي، وأنا حبيت القاعدة لوحدي، مش هتفرق فين، أنا حتى عندك في البيت بقعد لوحدي عادي يعني.
قبض فوق يده بقوة في محاولة منه على تهدئة ذاته؛ حتى لا ينفجر بها، ثم أردف يرد عليها بنبرة صارمة وحدة طفيفة
:- مش لما أقول كلمة المفروض تتسمع و لا إيه يا آلاء هانم؟! أنا قولت مفيش قعاد هنا لوحدك فاهمة ولا لأ؟
جاءت لتتحدث وترد عليه، لكنه قطعها مرة أخري يواصل حديثه بنفس النبرة الحادة