دكتوره ديما: وعشان كمان سيف مع ان معرفتى لشخصيه سيف كان هيتفهم او هيحل الموضوع
ساره: مفيش راجل هيستحمل ان حببته تغلط مع حد
دكتوره ديما: بس مكنتيش فى وعيك انتى لحد دلوقتى مش فاكره غير كوبايه العصير وتانى يوم صحيتى عرفتى اللى حصل يعنى مش ذنبك
ساره بخوف: كفايه ي دكتور انا تعبت مش قادره اتكلم تانى
دكتوره ديما بياس: طيب ي ساره براحتك
ساره: طيب ي دكتوره هكلمك لما اقرر باااى
حسيت بتعب من التفكير نومت وصحيت تانى يوم حضرت شنطتى وحجزت تذكره الطيران وسلمت عليهم ودعتهم
طبعا كلهم كانوا مضايقين ومستغربين من تصرفاتى بس اعمل ايه مش هقدر اقعد اكتر من كده رفضت حد يوصلنى وركبت تاكسى وطلبت منه يوصلنى لكافيه كنت اقعد فيه زمان انا وسيف وقعدت على نفس الطربيزه كنا دايما بنحب نقعد بعيد عن الناس ونقعد نتكلم ونهزر وانا قاعده في حد وقف قدامى وخرجنى من سرحانى وقال
……: لو سمحتى انا بقعد هنا كل يوم