طبطب علي شعرها براحه و اتكلم بنبره هادئه “أنا مكنش قصدي ازعق فيكي أنا بس بنبهك تاخدي بالك ،ينفع كدا كنتِ هتتعوري في أيدك و رجلك ،خدي بالك و متتهوريش فكري قبل ما تعملي اي حاجه ،و حقك عليا يا ستي لو كنت زعلتك”
خلص كلامه و هوا بيبعتلها بسمه مطمئنه و هيا بطلت عياط ووسط شهقاتها قالت بنبره مترجيه”من هتطول صح
،انا معرفش حد غيرك ،حتي لو البنات هنا أنا أخاف وجودي يكون خطر عليهم مطولش ماشي”
=حاضر يا جايده متقلقيش مش هطول
_و هتجبلي حاجه حلوه معاك
=هجبلك حاضر
_شكولاته
=حاضر
_ماتمتش هناك بقي
=حاضر
_ماشي روح
__________________
طبعاً البارت مش كبير اوي دا ل سبب والله
لسا عامله حادثه النهردا موتاسكل خبطني و الدنيا معايا خربانه والله 😂
بس الحمد لله أنا تمام بس حبيت ابرر موقف التأخير و عشان تدعولي بقي غلاسه وكدا 😂
المهم بجد أنا بدل ما كان الاسبوع دا هيكون جامد الدنيا باظت و رجعت بيتنا تاني بعد ما سافرت اصل الحادثه
حصلت الصبح بعد ما وصل ب ساعه بالضبط 😂
كوميديا مؤلمه