=بجد ايه انتي الشكولاته لزقت في رموشك براحه
أداها منديل تمسح الهبل اللي في وشها
مسحت وشها و مسكت الكبايه تشربها وهيا دافيه
_شكرا يا شريف أنا عارفه اني تعبتك معايا بس شكرا
اتكلمت وعيونها بتشكره رغم كلامها ،حس ب المسؤوليه تجاهها بعيداً عن المهمه
=أنا معملتش حاجه دا واجبي احميكي و اوفرلك الراحه لحد متقبي ب امان
ابتسامه بشكر و شربت النعناع
قعد علي الكنبه قصاد السرير و قرد نفسه و نام ،هيا ملطبتش بس هوا عارفه انها بتخاف من ساعه الحادثه ،لسا متخطتش !
أما هيا بصتله وهوا نايم بشكر علي كل حاجه عملها و علي أنه متكلمش في الموضوع تاني و على كل حاجه تاني
،هوا دوره بينتهي عند بقاءها علي قيد الحياه كلت مكلتش مرتاحه مش مرتاحه مش مهمته ،بس هوا بيعمل كلو دا لأنها صعبانه عليه ،هيا عارفه كدا ودا الحاجه الوحيده اللي مستنيه المهمه تخلص عشانها هيا مش ضعيفه هيا بس خايفه من كل حاجه بتحصل لأنها جديده عليها ،حياه جديده مكان جديد ناس جديده وغريبه ،وضع غير الطبيعي اللي عاشت فيه معظم عمرها، بتتمني كل حاجه ترجع لطبيعتها و ترجع ل حياتها سواء هنا او في امريكا
نامت وهيا بتفكر في حالها و حال شريف لحد الصبح
صحي شريف و راح يستحمي ،خلص رجع لقي جايده قاعده قدام التليفزيون و عمال تعيط و تأكل شيكولاته بنهم
=فيه ايه يا جايده مالك
_البطل مات يا شريف صعب عليا