=انتي عارفه لو في وضع تاني و ظروف تانيه الامور كانت هتتغير يا جايده اوي ،شكلي هطلع من الحرب دي خسران
_حرب ايه ،مش فاهمه
=نامي يا جايده الله يسترك نامي بدل ما ابو قرون يفوز و أنا اروح في داهيه
_انت بتقول كلام غريب ليه
=نامي يابنتي
غطاها بالبطانيه و راح نام علي الكنبه اللي كسرت ظهره اليومين اللي فاتو
صحي الصبح لقي جايده لسا نايمه بنفس النومه العشوائيه اللي بتنامها
سمع الباب بيخبط طلع يشوف مين
=ايه يا ناهد
~صباح الخير يا أبيه
=صباح الخير
~انا قلت اجي أصبح عليك اكمني حلوه و يومك هيبقي حلو لما شفتني
=ماشي كفايه هاتي الاكل و روحي
خد الاكل و قفل في وشها
،رجع ينام علي الكنبه في الصاله وهوا بيفكر لحد ما سرح و نام منغير مياخد باله
شويه و حس بحركه حوليه غريبه و حد بيمشي بخفه
اتعدل لقي جايده واقفه في المطبخ بتعمل حاجه
_طيب المفروض اعمل ايه ناهد قالت حطه ع النار