_عم سيد مالك قاعد كدا ليه شكلك مهموم.
رفع الرجل رأسه بحزن وقال بإستنجاد:-
_بنتي يا أستاذة غصون .. هتروح مني.
_إهدى بس يا عم سيد وقولي هي مالها وإن شاء الله خير ربك موجود يا راجل يا طيب وإن ضاقت فعند الله المخرج.
close
_مطلوب ليها عملية في القلب يا بنتي وتكاليفها غالية وأنا مش حيلتي ألا مُرتبي ومش عارف أعمل أيه..
رددت بحزن وعقلها يعمل بجميع الجهات لمساعدته:-
_لا حول ولا قوة إلا بالله، وحد الله كدا وربك هيحلها صدقني .. طب إنتَ مجربتش تاخد سلفة من الشركة ولا حتى قرض..
_روحتلهم يا بنتي واترجيتهم ومحدش وافق وقالوا مفيش عندنا قروض لحد .. حاولت أستلف بس مين هيسلف واحد زيّ مبلغ كبير كدا..
_أيه يا عمّ سيد الكلام ده .. دا إنتَ حتى راجل عارف ربنا أوعى تكون باليأس ده أوعى تيأس من رحمة ربنا..
شوفت الناس إللي رفضت تديك دي هو مين عطاهم!..