_هتندم يا صبا والله لتندم..
**************
نزلت من الأتوبيس وهي بتتنهد براحة وحزن معًا..
close
هي دايمًا في حالها وبتتجنب الجميع لأنها مش فاضية تشغل نفسها بحد غير نفسها…
مش عايزة تأذي حد وتجرح أيّ إنسان ولو بمجرد كلمة، بتخاف تأذي مشاعر غيرها .. مش سلبية ولا قلة كرامة منها ولا ضعف شخصية إنها سكتت الفترة دي على إهانتهم ..
لا …
بس هي عندها مبدأ أكتر الناس بتعتبره غريب..
التجاهل أقسى أنواع الإنتقام، كانت شايفة قيمتهم هي التجاهل وإنها لا تعطيهم أكبر من حجمهم..
بس تمادوا جدًا ..
هي عارفة إن طريقها صعب شوية في العالم ده وسطهم..
طبقات أرستقراطية راقية مُتسيبة ومفيش عندهم أيّ حدود..
هي الوحيدة المختلفة بينهم لكونها مختمرة، بس لها رسالة لازم توصلها على أكمل وجه..