– وأخيرًا هنفرح يا غصغض، فرحانة أووي وفرحانة أكتر إن إنتِ وأروى جيتوا تاني.
– متقلقيش يا مستكا وهنفرح بيكِ إنتِ كمان عن قريب إنتِ والدكتور عُبيدة..
– مين قال كدا بقاا يا ست غصون.
– أنا يا ست مستكا.
– بصراحة يا غصون أنا تايهة وخايفة أوي.
– طب قوليلي من أيه.!
– ظروفي الصيحة و…
– بجد إنتِ بتصدميني من طريقة تفكيرك يا مِسك، الشيطان مالي دماغك بأوهام وهواجس ملهاش أي أساس من الصحة.
قوليلي يا مِسك أيه هيجبر عُبيدة عليكِ، أيه السبب إللي يخليه أصلًا يفتح موضوع شبه كدا!
كان عندك مشكلة واتعالجتي والحمد لله وكل شيء بإذن الله، ومين قال إن مش نافع لكِ زواج ولا إنجاب، إنتِ إزاي
تحكمي الأحكام دي يا مِسك وتقرري كدا من نفسك..
وعلى فكرا صحيًا تقدري تنجبي بإذن الله ومفيش أي مشكلة من حيث الطب وطبعًا كله بأمر الله، بتكون إنسانة مفيهاش أي حاجة وربنا مش رايد.