_بقول هتاخدي حقنة مسكنة .. والعلاج ده هتاخديه في مواعيده وهتتبعي كل التعليمات وهتفضلي مشرفانه هنا شهرين..
_مش هيحصل … آآآه يا دكتور .. أنا مش بحب المستشفيات …قوله يا بابا هنطلع..
نظر عُبيدة للعمّ سيد وقال بحزم:-
_لازم يبقى في إلتزام بالتعليمات يا عمّ سيد علشان ميحصلش انتكاسة .. ولازم آنسه مِسك تهدِي من أعصابها شوية…
_طبعًا يا دكتور هنفذ كل التعليمات وكل إللي هتقول عليه..
نظر لها بتحدي وخرج وهو يقول:-
_الحمد لله على سلامتها … السلام عليكم..
همست بغضب وجفونها تنغلق:-
_دكتور غبي … دا مين … إللي عمله دكتور..!
وذهبت بنومٍ عميق .. ليتغير خلف جدران تلك المشفى أقدار ويحدث ما لم يُتوقع …..
✲✲✲✲✲✲✲✲
جلس الجميع داخل قاعة الاجتماعات بترقب شديد..
غصون … أروى … صبا … أسيل … أحمد…
دخل مدحت بصحبة زوجته زيزي هانم.. وبجانبهم مدام ناهد وبعض الأشخاص الأخرين..
ثم وأخيرًا دخل عُدي وبيده بعض الملفات..