جمال بغضب : عليا النعمه من نعمة ربي لقتلها الوسخه ماشيه مع غالب الجبراني طب امشي مع حد عليه القيمه حتي انا هعرفك
بسمله بعياط : يا بابا والله هيتقدملي هو قالي هيتقدملي والله صدقني
جمال بغضب : هيتقدملك فين وانتي فكرك لو اتقدم انا هوافق بيه دا انا هموتك والا انك تجوزي ابن فؤاد الجبراني
سالم بغضب ضربه علي وشه اكتر من مره : اخرررس بقااا فضحت اختك رايح علي القهوه شبه المسطول بتقولي بالي معرفت اعرف البلد كلها مبقاش غير سيرتنا اللي علي لسانها يابن الكلب
جمال : انت بتضربني لييييه عوزني اعيششش ديوث اشوف اختي ماشيه مع جدع واقولها جدعه جاي تلومني انااا علي غلطها بدل ما تقولها عيب
صفوان بغضب: نقولها عيب علي ايه يا جمال شايفه اخوها مشالله شمام اصلي ماشي يدور علي شمه في كل مكان علشان دماغه تتظبط شايفه اخوهااا ضايع ملوش لازمه بتتعلم منه البت غلطت تتحاسب بس مش بالضرب انت بقا هتعمل ايه في الفضيحه اللي فضحتها لاختك دي يا شهم يا راااجل
جمال بغضب : اختي وانا حر فيها اولع فيها متدخلش يا صفواااان
غفران بغضب : كلام صفوان مفيش في كلمه غلط انت اللي كلك عِبر وغلط فوق لنفسك رايح علي القهوه قدام رجالة البلد تقولهم اختي بتكلم ابن الجبراني بتفضح اهتك بنفسك ” والباب خبط واحلام راحت تفتح فرحت اووي لما لقت غالب والعيله ”
غالي : يااارب يا ساتر السلام عليكم ؟
غفران : يا هلا يا هلا نورت يا حج غالي اتفضل اتفضل
غالي راح قعد علي الركنه اللي في الصاله ووراه مصطفي وخالد وغالب اللي عينه علي حبيبته اللي فرحت بوجوده : بنورك ياحج غفران والله عامل ايه يا راجل يا طيب
غفران : في النعمه الحمدالله الشااي يا جماعه
غالي : ايه رأيك نخلي الشاي شربات ونطلب ايد بسمله لغالب اكيد الكل عارف الدوشه اللي حصلت في البلد انا بقول نلم الموضوع واحنا بينا نسب وحفيد جاي في السكه ولا ايه يا سالم
سالم : كلامك علي دماغنا وانتم علي دماغنا ياحج غالي وانا ملقيش لبسمله حد احسن من غالب ولو عليا اجيبها لحد عنده والله
غالي : كلك ذوق يا راجل يا طيب ها يا غفران قولت ايه ؟
غفران بقلة حيله : هقول ايه يا غالي ما انت عارف الوضع العيال عوزين بعض انا وانت مين علشان نمنعهم
مصطفي بتعب : يبقي الفاتحه لله
” حريم البيت كلهم زغرطو وبدل الدموع كانت حزن وقهر اصبحت فرح وسعاده ”
غالي بعد ما خلص قرائة الفاتحه : اميييين ربنا يتمم بخير احنا الوقتي حجزنا بسمله لغالب طلباتكم يا حج ؟!
غفران : انا مليش طلبات يا حج غالي ربنا يقدم اللي فيه الخير
” وبعد الاتفاق علي المهر والدهب والعفش وكل حاجه واتفقو ان الخطوبه تكون تاني يوم العيد وجم لوقت العرسان يعدو مع بعض شويه “
” في صالون البيت ”
” غالب دخل وكانت بسمله قعده مستنياه علي الكنبه دخل وقعد جنبها ”
غالب : عملك حاجه ؟
بسمله انهارت من العياط في حضن غالب : مش مصدقه ان هنتخطب غالب انا مش بخبك انا تقريبا متيمه بيك بس جمال قلبه مبيحسش ولا يعرف يعني اييه حب
غالب ضمها لصدره وقال بمرح : احنا بنحضن بعض في قرائة الفاتحه علي الخطوبه يكون معانا عيلين انشالله ؟
بسمله بعدت بكسوف وضحك : غالب انت قليل الادب ؟
غالب بسفاله وهو بيقرب عليها : ومش متربي ولا حد عاارف يربيني وانتي لما بتعيطي بتحلوي زياده وانا قلبي صغير لا يستحمل بكاء وحده نسوان ؟
بسمله : وحده نسوان !؟ انا وحده نسوان يا غالب فين الرومانسيه يا روحي
غالب : من اللحظه اللي احنا فيها دي انتهت الرومانسيه وهنبدء نجهز لقلة الادب انشالله
مصطفي من برا : مش خير يا غااالب دا العرسان اللي عمرهم ما شافو بعض الروئيه الشرعيه بتاعتهم بتبقي في 10 دقايق وانت دخلت في النص ساعه
وحافظها اطلع يبااا الله يهديك
غالب بغيظ : انت فوقتلي مش كنت بتنام في الطريق علي اي كنبه عندك واركن ساعة اكون خلصت بيتك ومطرحك يا عديلي
مصطفي : قولتلك هتقع تحت ايدي مصدقتش اطلع يلاااا اخلص
” غالب قام فتح الباب وبسمله طلعت وقفت جنبه “
غالب : يا نعم عاوز ايه ؟
مصطفي : متحسسنيش انها دخلتك وانا قاعدلك في الشقه دا لسه قرائة فاتحه اهمد بقا فضحتناا
صفوان : التااار ولا العااار يا بسمله لسه في قرائة الفاتحه ومسكتي في الراجل
غالب لبسمله : دا التلزيق هيبقي كتير علينا انا بقول نطلع نعد قي اوضتك هنكون براحتنا
” كلهم ضحكو علي فرفشة غالب وضحكه ومشي غالب وجده وخالد ومصطفي علي بيتهم ”
………………………………..
” في منزل عيلة الجبراني ”
” ليلي واميمه وانصاف والبنات وفاطمه كانو قعدين بيسمعو اللي حصل ”
مصطفي : اعقل بقا يا غالب انت دلوقتي كلها بتاع اسبوع وتبقي راجل خاطب
غالب : اعقل ايه يا جدع انت شايفني ايه غلشان تجرح مشاعري بكلمة زي دي ؟؟
خالد : دا مفيش منه امل ولا تغير ؟
” كنز جابت الشاي وزعت وقعدت ”
غالب : كنز اللي عمله الشاي عليا النعمه المستشفيات هتقطع نفسها حتت علينا كدا
كنز بغيظ بصت لأمها : شايفه ابنك شحات وبيتأمر ؟
انصاف : معلش بقا تعالي اعدي جنبي ملكيش دعوه بيه اسكت يا غالب ؟
غالب : يعني ايه اسكت يا غالب جربان انا ولا ايه علشان تقوليلي كدا ؟
مصطفي بضحك قام وقف ومسك ايد ليلي : مقدرش اعد معاه اكتر من كدا مرارتي يلا تصبحو علي خير
فاطمه : مش هتتسحرو ولا ايه
مصطفي : نتسحر فوق بقا يلا سلام ” وطلعو علي شقتهم ”
………………………….
” في شقة مصطفي”
” مصطفي دخل الشقه وبص لليلي من فوق لتحت : ايه بقاا؟
ليلي بصتله بستغراب : ايه في ايه مالك ؟
مصطفي وهو بيقرب عليها وهي بترجع : هو ايه اللي في ايه انتي اللي ايه مالك بقااا
ليلي بتوتر وهي بتبص علي هدومها : ايه في ايه هدومي فيها حاجه ولا ايه ؟
مصطفي شدها علي وسطها : انتي بتحلوي كدا ليه علي الحمل
ليلي بحاجب مرفوع : مالك يا جوزي مش مظبوط ليه هو ايه اللي بحلو علي الحمل كنت وحشه قبله يعني
مصطفي : لاء كنتي قمر بس انا برضو بقول البت لفت وادورت ليه وبقت قمر كدا اتاري انتي حامل
ليلي مسكت بطنها : بس انا معنديش بطن بطني مختفيه كدا ليه ؟
مصطفي ضمها من ضهرها : هنروح بكرا لدكتوره ونشوفك حامل من امتي بس وقفي العلاج بتاع المعده ووقفي اي مسكنات
ليلي قلعت الاسدال وفضلت بالبجامه : عارف انا عوزه اخلف توأم بنتين والبسهم زي بعض ويكونو شكل بعض لدرجة اننا نتلخبط بينهم انت عاوز ايه
مصطفي : انا راضي بأي حاجه والله المهم انهم منك وولادك المهم بقولك ايه انا هبدء اشوف ارض مباني ونبني بيت ؟
ليلي بصت ليه : هو لو انت قولت كدا لجدو والعيله تحت محدش هيزعل من الفكره انك هتسيب البيت وكدا
مصطفي وهو بيلعب في شعرها : هو انا هسيب البيت وهسافر دا انا هبني بيت جمبهم علطول وبعدين جدي هيفرح انزبدأت اكون عيله وعاوز خياه مستقره
ليلي :انا كمان هفرح ان هيكون عندنا حياه مستقره بس انا عوزه اروح عند بيت جدي علشان خطوبة بسمله
مصطفي بتنهيده : هوديكي يا ليلي بس خدي بالك من نفسك ولو سمعت انك اشتالتي حاجه تقيله بربي يا ليلي لرنك علقه تعلمك الادب سنتين قدام
ليلي ضربته في صدره : ترنلي علقه يا مصطفي يا نسوانجي تضرب مراتك حضنك وامانك
مصطفي : حضني فين بقا مش حملتي العسل راااح هنبدء بقا في التعب والصدمات الحقيقيه
ليلي : تصدق برضو حسه ان جسمي واجعني ؟!
مصطفي : لاااااء لسه بدري علي الكلام دا والله انتي ادخلي الحمام نامي شويه في البانيو خلي عضلات جسمك ترتاح وكله هيبقي فل
ليلي بغمزه : تعالي معايا اعملي مساچ
مصطفي اشتالها ودخلها الحمام وملي البانيو وحط في رغاوي ونيمها فيه وجاب كرسي وقعد وراها وفضلت يمسچ في كتفها وضهرها
ليلي براحه وهي بتسترخي : يااااااه علي الراااحه
مصطفي جاب الشامبو وحط علي شعرها وفضل يفرك فيه : مرتااحه
ليلي وهي مغمضه عليها : عليا النعمه انت ايدك احسن من ليفة الحمام المغربي نفسه
” لوم المايه فجأه اتحول للون الاحمر ليلي بصت لمصطفي ومصطفي ساب اللي في ايده واتخض جااامد ”
مصطفي بصدمه : ليلي ؟؟!
يتبع …..
مصطفي بصدمه وخضه : ليلي الدم دا جاااي منين ؟؟
ليلي بضحك وهي مطلعه كوره بتعمل الالوان في الميه لونها احمر : تعيش وتاخد غيرها يا حبيبي دي كورة اللوان بس لون الدم
مصطفي بغضب رمي ازازة الشامبو : يحرق هزارك يا شيخه ايييه دا ” ولسه هيمشي ليلي مسكت ايده ”
ليلي شدته وباست خده : اسفه يا حبيبي ان خضيتك بجد اسفه
مصطفي برفع حاجب : انتي قاعده قلعه في البانيو وبتبوسيني وانا راجل سافل وقليل الادب وبحب النسوان وفوق دا كله بتتكلمي بدلع ؟
ليلي بغمزه وضحك : طب ايييه بقا ؟
مصطفي بتحذير : ومشدوده في الحمل وواثقه ان مش هعرف اقربلك العمل معاكي ايه بقا يا بت العدوو
ليلي بدلع وهي بتمشي كف ايدها غلي وشه :انك تستحمل يابن الجبراني ؟!
مصطفي بصلها وهي عاضض علي شفته السفليه : طيب هقولك كلمتين بقا عن ابن الجبراني علشان هو ولا بيهمه حمل ولا تعب علشان كدا بحذرك وبقولك اهمدي واحترمي نفسك في ميتين ام التلت شهور علشان لو الحمل حصله حاجه جدك مش بعيد هو اللي يروح يخلعني بنفسه ويطلقك
ليلي ضحكت اووي : في الناحيه دي اطمن علشان انا معرفش ابعد عنك مهما حصل ومستعده اعمل اي حاجه علشانك وانا جوايا مبسوط وفرحان علشان لو الحب بيتشاف والله لكنت شوفت مدينه منوره جوا قلبي كلها منتظره نظرة منك يابن الجبراني
” مصطفي قرب منها وخدها في قبله اقل ما يقال عنها قبلة شغف وعنف واشتياق وليلي بدلته القبله بصدر مرحب ومبسوط فقبل ان يكون زوجها فهو
معشوقها مصطفي ايده اتسللت لجسمها بجراءة هنا فاق عقل ليلي وبعدت وهي بتنهج ”
ليلي وهي بتنهج : مصطفي ابعد
مصطفي غمض عينه وجبينه علي جبينها : احنا كدا مش هننفع خااالص يا نحترم نفسنا يا لازم كا واحد ينام في اوضه بتكلم بجد ؟
ليلي ابتسمت بخجل : انا بقول كدا برضو اطلع برا علشان عوزه البس هدومي
” مصطفي هز راسه وطلع برا يتنفس بعمق بعد كدا راح علي علبة السجاير اخدها وطلع البلكونه يشرب اكتر من وحده كانت ليلي لبست بيجامه ضيقه بيضه بنص كم وهي فوطه علي شعرها ”
ليلي دورت عليه : مصطفي انت فين ؟
مصطفي بصلها ودخل وقفل البلكونه وبصلها بتركيز ورغبه : انتي كدا مش ناويه تعديها لبر بقا يخربيت جمدان اهلك
ليلي بصتله وغضت علي شفايفها : اعملك ايه يعني الجو حر وانا مش عرفه البس ايه المشكله فيك انت بقا مش فيااا
مصطفي قرب منها وشال الفوطه من علي شعرها اييد نزل علي ضهرها واتكلم : انا مش عارف اقرلبلك ولا عارف ابعد عنك العمل ايييه
ليلي بتوهان وهمس : شعارفه …. بس فيه حل اروح عند اهلي الشويه دول ؟
مصطفي اتنفس بعمق : لو اقدر ابعدك عني واخليكي تروحي حتي هرحم نفسي من العذاب دا بس مش هطمن عليكي وانتي برا حتي لو عند اهلك ” وفونه رن وكان غالب ” اوسخ انسان يبوظ اي لحظه
غالب : الووو واد يادرش انزل تعالي نروح القهوه نسمع الماتش
مصطفي بغيظ: نازلك يا بلوة عمري ” وقفل ”
غالب بفخر وهو بيشرب الشاي بصوت : امااال اسيبه يضيع حتت الجنين وغفران الحبيب يجي يقوله طلقها يابن الجبراني وجوازاي تبوظ حسبي الله ناااس مفيش غير علي قلبها الشر
غالي اللي قاعد فاتح بوقه من الصدمه : هتجلطني انت اللي هتجيب ليا ازمه صحيه يا غااالب
غالب : ازمه صحيه ايه يا راجل قول كلام غير دا دا زميلك ميشين بالأكسجين وانت يااارب طول في صحته وصحة وداد مرات سيد كمان وكمان البت عليها عكب لف علي وجالة المسلسل كله
غالي بصوت عالي : تعاااالو شيلوو عني ابن الكلب دا الواد هيشلني
زينب جت قعدت جنبهم بغيظ وضيق : مش عرف اذاكر ولا عرفه افتح الكتاب
غالب : هي الحاجه الحرام كدا مذاكرة ايييه هو فيه لسه تعليم يابت يا زينب
غالي : مترديش علي الحمار دا يا زينب قومي يا حبيبتي افتحي الكتاب وسمي لله وذاكري يلا ” وبص لغالب ” قوووم روح القهوه يلاااا مش خطبنا ليك مبتكلمهاش ليه
غالب وهو بيشرب القهوه بصوت اقوي وكيد : بتستحمي بقولها افتحي كاميرا مرضتش اتخنقت معاها وقفلت في وشها علشان لما اقولها كلمه تسمعها بربيها يعني ” وفونه رن وكان دكتور ايمن قام يرد ”
غالي بصدمه : البت بتستحمي دا عاوزها تفتح كاميرا ليه ؟؟
غالب كتم الصوت بتاع المكالمه وقول بصوت عالي : علشان اعرف ان كانت بتعرف تغسل ضهرها ولا هتحتاج مساعده ” وفتح الكتم ” بتقول ايه يا ريس معاااك
مصطفي بستغراب وهو داخل من الباب اللي بيطلع لشقق واخد كوباية الشاي الناقصه بتاعت غالب يكملها : مين دي اللي هتغسلو ضهرها ؟؟
زينب بصتله : بسمله خطيبه غالب كانت بتستحمي قالها تفتح كاميرا علشان يعرف ان كانت بتعرف تغسل ضهرها ولا هتحتاح مساعده
مصطفي بضحك : لاء عيلة الحبايبه كلهم بيحتاجو مساعده اطمن يا غااالب
غالي بصدمه : يولاد الكلب يا خلفه عااار حتي انت يا دكتور مصطفي يا متعلم
غالب خلص المكالمه وجالو حط ايده علي كتفه برفع حاجب : يعني هو متعلم وانا جاهل ما انا دكتور برضو
غالي : دكتور اسم من غير افعااال يا اخويا
غالب بص لمصطفي : علشان انت متجوز بقيت بتفعل انا بقا لسه هفعل بس الفكره هنا هما عرفو منين انك بتفعل
مصطفي بفخر : يمكن علشان مراتي حامل وبعدين ليلي الله يصلح حالها كانت فضحاني في عيله الحبايبه برضو المهم يلااا الماتش هيبدء ” ومشي هو وغالب ”
غالب بص لجده : غالي مش هتأخر عليك يا حبيبي مسافه الماتش وهكون عندك اتشااااااو ” ومشي ركب جنب مصطفي ”
غالي : لو مجاليش مرض وموتني هموت من غالب ابن ابني ” وقام وقف راح الدوار ”
” في الصاله ”
” اميمه وفاطمه وانصاف قعدين يسمعو المسلسل ”
انصاف: الا احنا هنطبخ في خطوبة غالب يما ولا هنعمل ايه ؟
فاطمه : هنطبخ وهنعمل الحلو كله وكدا كدا الخطوبه تاني يوم العيد
انصاف : طب هنعمل ايه الواحد مش عارف ومحتار ؟
فاطمه : في الدوار دكرين بط هندبحهم وهنجيب لحمه وهنعمل محاشي ورقاق ومكرونه بالبشامل ورز وبسله وشوربه
اميمه بلوية بوز : جوز الرجاله اللي في الدار بدل ما يجيبو نسوان تشرح الصدر يجبين بنات دار الحبايبه ؟
فاطمه بصرامه :بنات دار الحبايبه برضو تشرح وتفرح الصدر يا اميمه ومش عوزين ننكد علي نفسنا كفااايه هم بقا
انصاف : صلي علي النبي يما اميمه متقصدش اكيد
اميمه بغضب : لاء اقصد يا انصاف ” وبصت لفاطمه ” ابنك دااايب في لمياااء الميته وفوق دا راح ابني جايبه بنتها وداب فيها بتعملو فيااا كدا ليه
فاطمه بغضب : انتي قليلة الادب يا اميمه وانتي تكرهي ان ابنك يحب مراته اللي هي شايله ابنه ولا بنته في بطنها هتفرحي لما يقطعو بعض عوزه حريقه يا اميمه بس لاء يا اميمه طول ما انا عايشه وفيا نفس مفيش ظلم ولا كره ولا مشاكل هتدخل داااري يا اميمه وان كان جوزك حب قبل كدا ومحصلش نصيب ايه اللي حصل هو انجوزك انتي وخلف منك انتي ولا انتي حطيتي الموال في دماغك وخلتيها حجه ليكي
” اميمه قامت بضيق فتحت الباب وطلعت علي شقتها ”
انصاف : والله دا شيطان ودخل بينا معلش يما والله اميمه غلبانه بس حورات زمان وجعاها بس
فاطمه : حورات زمان؟! هي فين حورات زمان يا انصاف البت الله يرحمها ميته واتفض الكلام من 30 سنه جايا تفتح في الكلام دا لما مرات مصطفي تسمعه وتحصل مشاكل بينهم واحنا بندادي الحياه علشان نعيش بلا قلة ادب وكلام فارغ ” وقامت وقفت وفتحت الباب اللي بيطلع علي شقتة ليلي ” انا طالعه اعد مع ليلي يا انصاف لو ابوكي غالي سأل عليا عرفيه
انصاف : حاضر يما هشطب المطبخ وهطلع اصحي كنزي نايمه من بعد الفطار ” ودخلت علي المطبخ وفاطمه طلعت لليلي ”
” في شقة مصطفي الجبراني “
” ليلي نايمه علي رجل فاطمه وفاطمه بتلعب في شعرها قعدين قدام التلفزيون في الصاله ”
ليلي : عرفه يا ماما فاطمه ان بحس معاكي براحه وامان عمري في حياتي محستهم غير مع مصطفي وانتي ؟
فاطمه ببتسامه : علشان انتي قلبك طيب يا ليلي مصطفي اول ما شافك قالي علطول انه معجب بيكي وقتها كنت خايفه علشان المشاكل اللي بينا وقولتله ملكش دعوه بيها يا مصطفي شوفلك غيرها قالي وحياتك يا بطوط ما حد هيتجوز بت العدو غيري ومن وقتها كل ما يجي واشوفه اقوله بت العدو عمله ايه يضحك ويقولي بطايه لحد ما شوفت صورتك حبيتك اكتر ويوم فرحكم كنت مبسوطه علشان شوفت الفرحه في عين مصطفي
ليلي بضحك وفرحه : مصطفي اول حد في حياتي مخافش منه حبيته من حنيته وخوفه عليا
فاطمه : ربنا يخليكم لبعض ويكملك علي خير يا بنتي انتي الحما عامل معاكي ايه ؟
ليلي : انا كويسه يعني لسه مش حاسه بأي حاجه غير الفرحه يارب افضل طول الحمل كدا استني لما اقوم اجيب بسكوت وشاي علي لبن وناكل
فاطمه : قوومي يا كبدي بس هاتي بيا قناة الاولي مبعرفش اقلب في الشاشه دي انا اعرف في التلفزيون بتاعنا لكن دي لاء
” ليلي ضحكت وجابت القناه وراحت علي المطبخ ”
فاطمه بهمس وهي باصه عليها : الصلاة علي النبي لاء من حقك برضو يا مصطفي تحبها البت ملبن يحميها لشبابها يارب
” ليلي عملت شاي علي لبن وجابت العلبه بتاعت البسكوت واخد الصنيه وطلعت عن فاطمه وفضلو يكلو بنبساط ”
فاطمه : بصي يا ليلي لتكوني بتزعلي من اميمه او من كلامها خدي بالك هي معانا كلنا كدا مش معاكي بس والله
ليلي ببتسامه : حتي لو معايا بس يا ماما فاطمه هي زي امي ومفيش بنت بتزعل من امها وواجب عليا احترمها وبعدين دا كفايه ام مصطفي يا بطوط
فاطمه ابتسمت علي عقلها : تسلم عيون مصطفي انها اختارتك وخدتك من بين بنات الدنيا هو يستاهلك وانتي تستهليه هتبقي حتت ام منجايه كدا
ليلي ضحكت : انتي اللي عيونك قمر يا بطوط
فاطمه : يوه الساعه دخلت علي 12 والواد دا فين لدلوقتي ؟
ليلي : مين اللي يجي دلوقتي مصطفي ” ولوت بوزها ” دا يتحسد يا ماما فاطمه وقولت ليه اكتر من مره خليك اعد معايا يقولي واسيب غالب لمين
فاطمه بضحك : هما الاتنين اتربو سوا اميمه ولدت وقعدت 3 شهور وبعدها انصاف ولدت غالب طفولتهم كانت سوا ودرستهم وكليتهم ولحد اللحظه اللي احنا فيها دي مع بعض
ليلي ببتسامه : بحب علاقتهم ببعض اوي والله ” وفضلو يتكلمو مع بعض لحد ما الباب بتاع الشقه اتفتح ودخل مصطفي ”
مصطفي ببتسامه : وانا بقول السلم والشقه منوره ليه اتاري بطوط بجلالة قدرها عندنا دا ايه البركه دي كلهااا
فاطمه ببتسامه : يباركلك ربنا في عمرك يا مصطفي يابن قلبي الساعه بقت واحده وانا فضلت قعده مع ليلي لحد ما جيت انزل انا بقا انام ساعه قبل السحور
مصطفي :عليا الطلاق من البت القمر اللي قدامك دي ما انتي نزله انتي ادخلي نامي جوا الساعه دي علي ما ليلي تجهز سحور لينا هنا ونتسحر النهارده هنا
فاطمه : اخص عليك يا مصطفي بتحلف بطلاق ليه بس
ليلي : انتي مش عوزه تدوقي اكلي بقا يا بطوط ولا ايه دا انا هعملك اكل تكلي صوابعك وراه
فاطمه بستسلام : وانا اطول اكل من ايدك خلاص هدخل انام انا ساعه علي ما تخلصي هصحيني ” ودخلت علي اوضة الاطفال ”
ليلي بصت لمصطفي : كنت فين يا حبيبي
مصطفي وهو بيفك زاير قميصه بيقلعه : هكون فين يا ليلي كنت في القهوه مع غالب المهم خدي القميص دا اغسليه علي ايدك وقع عليه قهوه بس حولي تطلعيها علشان القميص دا اول هديه منك بالله حولي تطلعيها
ليلي اخدت منه القميص : وقوع القهوه خير حاضر هغسلها بس استني بعد ما اعمل السحور تعالي بقا اعمل السلطه علشان بحب السلطه بتاعتك ” وراحت علي المطبخ ”
” مصطفي راح وراها وطلع الخيار والطماطم والفلفل وجهز طلبات السلطه وفضل يقطع وليلي بتقشر البطاطس والبتنجان ”
مصطفي وهو بيقرصها من جنبها وليلي اتخضت وبصتله : بتغيري يا بطه ؟
ليلي : انت هتقلع جنبي يا مصطفي وتقولي بتغيري وبعدين البس تيشيرت هتاخد برد ؟!
” مصطفي ساب السكينه وراح وحاوطها بينه وبين رخامة المطبخ ”
مصطفي وهو بيلف خصله من شعرها علي ايده : ليكون مش عاجبك يابر انتي ؟
ليلي بتوتر : عاجبني والله بس شوف جدتك نايمه جوا يعني عيب نحترم نفسنا
مصطفي برفع حاجب : اممم دا بطوط بتفرح اووي لما تلاقينا جمدين مع نسوانا
ليلي بخجل : انتو عيله سفله كلكم اصلا
مصطفي بهمس : عيله محدش فيها اتربي ولا شاف ربع ساعه ادب واخلاق انتي عوزه ايه بقا ؟
ليلي بسرعه : مش عوزه حاجه والله العظيم عوزاك بس تبعد وتخليني اعمل السحور علشان ناكل في امان الله ولا انت ايه رأيك ؟
مصطفي قرب عليها اووي : انا ك مصطفي رأيي مش هيعجبك غلشان انا عاوز كتير ” وبص عليها من فوق لتحت ” بس مينفعش
ليلي شمت برفانه اللي هي متعوده عليه اصلا بس عجبها بغباااء شدته تشم رقابته بتمعن : يااااربي ايه الريحه القمر دي
مصطفي بتعجب : ريحه حلوه جري ايه يااابت في ايه مالك ؟ ” وقال بمرح ” ابعدي كدا الواحد متوضي هتلقطي وضوئي
ليلي وهي بتشم رقابته ومعجبه اووي بريحه : عارف ريحتك بتفكرني بحاجه حلوه ريحتك جميله اوووي
مصطفي ادرك ببتسامه انها هرمونات حمل : طب ايييه اجيبلك ازازة البرفان تشمي فيها
ليلي برفض : لاااء عوزه اشم ريحتك انت ريحة جلدك شبه المخدرات
مصطفي بضحك : نخلص السحور واخدك في حضني تشمي فيا زي ما انتي عوزه والله
ليلي بعدت بضيق : وعد ؟!
مصطفي : وحياة ليلي ” وباس خدها ”
” في اوضة غالب ”
غالب : يابت انتي خطيبتي وبكرا هتبقي مراتي يعني ليا عندك حقوق ؟!
بسمله بضحك : حقوق ايه اللي في الخطوبه دي يا غالب ؟
غالب : البوسه يا متعلمه يا بتاعت المدارس والحضن لاء الحضن انا جربته عوزين نغير علشان انا بحب التجديد يبقي البوسه هاخدها امتي بقا ؟
بسمله : لما نتجوز ويتقفل علينا باب واحد ابقي خدها ؟
غالب : لاء لما يتقفل علينا باب واحد هاخد حجات تانيه بس هسيبها مفاجأه دلوقتي انا لازم اجرب البوسه مصطفي احسن مني في ايه يعني
بسمله : هنقضي المكالمه في البوسه يا غالب
غالب : انتي عندك حق ندخل علي اللي بعد البوسه الهمسه والمسه
بسمله : غالب يا حبيبي في حجات غير قلة الادب نتكلم فيها والله يعني مثلا الشقه بتاعتنا هنرتبها ازاي ؟
غالب : هي مترتبه محتاجه بس تتكنس وتتفرش في اي غير كدا ؟
بسمله : تعالي مثلا نفكر في فستان فرحي وبدلتك فكر معايا في فرحنا مثلا في رقصتنا فكر كدا ؟
غالب : بسبوسه انا اخر همي الفستان والبدله انا بفكر في اللي بعد الفرح علطول انا بفكر في طريقه انجاب الطفل فهمه
بسمله : كان نفسي اكون حماره مبفهمش بس للأسف فهمه تفكيرك الوسخ
غالب : في وحده محترمه تقول لخطيبها وسخ ؟
بسمله : حبيبي بعد الكلام اللي عمال تقوله ليا دا اقل رد علي كلامك
غالب بضحك : نغير بقا وندخل في الجد الشقه محتاجه تتبيض ونختار العفش مع بعض
بسمله ببتسامه : ايواا بقا نتكلم في الصح ” وفضلو يتكلمو لحد ما المسحراتي طبل ”
المسحراتي من تحت الشباك : اصحي يا غاااالب صحي النوووم
غالب بصوت عالي : اتفضلللل يا راجل يا طيببب
………………………..
” في منزل عائلة الحبايبه ”
” الحريم كانو بيجهزو السحور في المطبخ ”
رشا بصوت عالي : بسملهههههه
شهد دخلت ليها المطبخ : نعم يما بسمله بتكلم خطيبها في اوضة جدي عوزه حاجه
رشا : حد يطلع الاكل اللي علي الرخامه دا علي الطبليه يلااا
شهد اشتالت الامل وفضلت تحطه علي الطبليه : اسراااء انتي وبسمله يلااا تعالو السحور اتحط ” وطلعت برا قدام البيت ” يلا يا جدي انت وصفوان وبابا
غفران قام وقف : يلا يا جماعه تعالو نتسحر وبعدين نكتب الحسابات يا صفوان قوم
صفوان اللي مركز اووي في الحساب اللي اتباع بيه الضحايا : طيب روحو بس وانا جي وراكم علطول ؟
سالم : تلاته بالله لتقوم دا انت من المغرب قاعد قعدتك دي قوم بس ناكل لقمه ونيجي نكمل
صفوان رفع راسه وحرك رقابته وقفل الكراسه : طيب يلا ناكل ونيجي نكمل ” وراحو يعدو يتسحرو ”
……………………..
” في بيت الجبراني ”
” العيله كلها قعدت بتتسحر وزينب راحت تنادي فاطمه من اوضتها “
زينب : جدتي مش جوا في الاوضه
غالي : ازاي امال راحت فين ؟
غالب جالهم وقعد علي الطبليه جنبهم : بتتسحر مع مصطفي في شقته كلو انتو بالهنا ” وبص لجده ” ايه يا غالي يا جبراني خايف علي الوليه لتتطقش منك
خالد : غااالب بالله لتاكل في امان الله بعد الامل قول اللي انت عوزه ؟
غالي وهو بيقلد غالب : لو مش عاجبكم جوزوني اهو يا اخويا خطبنا ليك ارتاح بقا
غالب بص لخالد : شايف هو اللي بيتريق عليا ازاي وانا علشان محترم وجعان هاكل وانا ساكت
غالي : اصل لو مكلتش وانت ساكت هنتكاتر عليك نرنك علقه ترقدك في الفرشه سنه فاطمه مش هنا تشيل عنك
غالب بصله : معايا ربنا يباااا انت وهو انا عارف انك بتحقد عليا يا غالي يا جبراني بس برضو هسكت علشان عليك تتكاتر عليا وانا صحتي علي قدي مش حملك
” والباب خبط اووي وقام غالب يفتح بستغراب وغضب وكانت الشرطه وقفه علي الباب ”
غالب : خير ياارب معاك غالب فؤاد الجبراني ؟!
يتبع ….
” النهارده اخر يوم في شهر رمضان الكريم والطقوس الطبيعه في كل بيت مصر جولة التنضيف بتاعت العيد المعروفه ”
” في شقة ليلي ”
باب الشقه بيخبط ليلي كانت لبسه قميص خفيف علشان تعرف تنضف راحت علي الباب قبل ما تفتح : مين اللي بيخبط ؟
مصطفي بغضب وهو شايل السيجاد علي كتفه : افتحي يا ليلي اخلصي ضهري اتكسر من ميتين ام السيجاد اللي راح يتغسل وهو نضيف
ليلي فتحت بسرعه وضحكت علي منظره : اهدي يا حبيبي بكرا العيد كل سنه وانت طيب بقاا لازم كل حاجه تكون بتلمع في الشقه
مصطفي رمي السيجاد علي الارض بغضب : ليلة العيد دي الوحده بتعيد في حضن جوزها تدلعه مش امبارح روح ودي السيجاد يتغسل والنهارده سايب شغلي وروح هات السيجاد بعد ما اتغسل كان اتوسخ فيين السيجاد داا ؟؟
ليلي بدلع : شوف قولت ايه الوحده ليلة العيد بتفضل في حضن جوزها احنا لسه الضهر يعني لسه مجناش بليل يا حبيبي
مصطفي برفع حاجب وهو بيبص علي القميص المجسم الخفيف بتاعها : اللهم اني صااايم ليلي يا مراتي النهارده اخر يوم رمضان وعيييب اووي لما افطر فيه علشان كدا اغزي الشيطان وعدي يومك علي خير ولما نفطر ابقي اقلعي برحتك يا حبيبتي
ليلي بضحك : اعمل ايه انضف شقتي بعبايه وطرحه يعني وبعدين يلااا انزل اعد تحت علي ما اخلص تنضيف انت كدا بتعطلني
مصطفي : انا داخل اغير هدومي من التراب وراجع الشغل تاني ” ولسه هيدخل ليلي صوتت وهو اتخض ”
ليلي : سمعني كداااا يباااا رايح فين ؟؟ تغير هدومك دا في المشمش انا غسلت الهدوم كلها ومصدقت خلصت اوضة النوم
مصطفي ربع ايده : ايوااا يعني هغير فين دلوقتي ؟؟
ليلي قربت منه وفضلت تنفض هدومه النضيفه اصلا : قمر يا اخواتي قمر كدا فل اووي انت اصلا هدومك نضيفه انزل بقا الشغل ولما تيجي هشوف هنيمك فين النهارده
مصطفي نزل بقلة حيله : حسبي الله ونعم الوكيل في كل النسوان اللي في الكوكب نيميني علي السطح يمااا
فاطمه بضحك : مالك يواااد بتكلم نفسك ليه كدا ؟
مصطفي بص علي شكل البيت اللي تقريبا كله علي بعضه واميمه وانصاف نزلين تنفيض ومسيح : انااا دلوقتي راجل وعايز اغير هدومي او اعد ارتاح ارتاح فين كل ما اروح مكان اللقيه بيتنضف
غالب بضحك : ترتاح فوووق في شقتك يبااا وتغير برضو في شقتك
مصطفي : حسبي الله بقا في النسوان القادره
غالب : فييي ايه ياااض حد يحسبن علي النسوان دول فاكهة الحياااه يا عديم الاحساس
مصطفي : طب اطلع يا حساس هاتلي هدوم من عندك مراتي مش راضيه تخليني اغير في الشقه
غالب بضحك : يعيني علي مصطفي الجبراني اللي كان طول النهار بيزعق بقي مطرود دلوقتي بس حااضر هشفق عليك واجيبلك لبس من عندي ” وجيه يطلع ”
مصطفي : استني ياااض صحيح جدك بيقول في ظابط كان هنا بيعمل ايه ؟
غالب : اااه نسيت اقولك كان جاي لبيت محمود العفير بس اتلخبط في بيتنا بس جدك اللي خاف اكون عملت مصيبه وجيلي
مصطفي بضحك : طب اطلع هتلي هدوم علشان نروح نحاسب المزارعين بتوعنا علشان يعيدو وهنجيب شويه طلبات للبيت ليلي عوزاهم
غالب : فل دقيقه وجيلك ” وطلع علي شقتهم ”
اميمه : مصطفي تعالي شيل ارفع الكنبه بتاعت المندره علشان اشيل السيجاده من تحتها
مصطفي : يخريب الهبطااان هو حد هيجي يشوف في تراب تحت السيجاده ولا لاء يا جدعاان
اميمه : دي نضافه يابني مش علشان حد المهم خلص تعالي يلا فين مراتك صحيح
مصطفي راح وشال الكنبه وشد السيجاده : بتنضف الشقه النضيفه يماا اللي انتو بتعملوه هنا هي بتعمله فوق
فاطمه يشهقه: يخرااابي مصطفي لتشتال حاجه تقيله تسقطها يبني متخلهاش تعمل حاجه اطلع نزلها
مصطفي : امبارح اتخنقنا خنافه لرب السمااا بسبب الحوار دا هي تقولي عوزه انضف وهعمل وهعمل وانا يابنتي هيهديكي يرضيكي مفيش فايده قولتلها انتي حره
فاطمه : حره ازاي يابني لو جرالها حاجه غفران مش هيقول نصيب هيقول قصدين نسقطتها ودا مبيصدق يلاقي حاجه
مصطفي بغضب : ما يقول اللي يقوله ومتقلقيش انا اي حاجه تقيله انا اللي عاملها ليها مفيش غير هتكنس وهتمسح وحجات بسيطه متقلقيش
غالب نزل وادله الهدوم : ادخل البس يلاا
” مصطفي اخد الهدوم ودخل لبس في اوضه فاطمه وطلع مشي هو وغالب والحريم كملى تنضيف ”
فاطمه : انجزو يا اميمه انتي وانصاف علشان نفطر في جو هادي ونضيف يا بنتي
انصاف : خلاص يمااا مبقاش حاجه قربنا خلاص اهو
” في شقة ليلي ”
” ليلي كانت بتمسح الارض بتاعت الصاله وفرشت السيجاد ورتبت الصاله ”
ليلي بهبطان : اااه يا ضهري الحمدالله خلصت كدا اوضة النوم والاطفال والمطبخ والصاله لسه الصالون ” فونها رن وكانت احلام ”
ليلي بهبطان : الوو ايوا يا ماما احلام
احلام : ايه يا قلب امك عمله ايه النهارده مالك كدا صوتك هبطان ليه
ليلي : بنضف الشقه علشان العيد بس خلاص خلصت لسه الصالون بس
احلام بشهقه : شقة ايه اللي تنضفيها هو كان الحمل سبت في بطنك علشان راحه تشتالي وتحطي يا ليلي
ليلي : متخافيش والله مصطفي شايل ليا اي حاجه تقيله انا بس بمسح وبفرش الملايات وبمسح التراب وخلاص
احلام بخوف : اوعي يا ليلي تشيلي حاجه تقيله عليكي خلي بالك كدا والحاجه اللي متعرفيش تعمليها متعملهاش ولا ابعتلك اسراء
ليلي : ما انا خلصت هتبعتيها علي ايه بقاا وبعدين متقلقيش والله الحاجه اللي هحسها تقيله مش هشيلها
احلام : ماشي يا كبدي وانا بعتلك شنطة فيهل طلبات العيد مع صفوان الفراخ واللحمه شليهن حطيهم في الفريزار علطول وجيبه ليكي جلاش علشان عرفه انك مبتحبيش الرقاق
ليلي بقرف : بحس ان باكل لحمه بعيش كدا بس انا قايله لمصطفي يجيب شوكلاته وبيبسي وحجات من دي
احلام : جيبالك تشكيله شوكلاته ولب وسوداني وكل حاجه
ليلي : ماشي يا ماما انتي هتجيلي بكرا صح
احلام : كلنا جاين ليكي بكرا
جرس الشقه رن ليلي : صفوان باين طلع اهو ” وزاحت ببست الاسدال وفتحت ” طلاق تلاته وحشني يا جدع
صفوان بهمس : بتكلمي مصطفي ؟
ليلي :لاء دي احلام
صفوان بضحك حضنها : خش في حضن اخوووك يا جدع ” وشال الشنطه دخلها ليها المطبخ ” اوعااا علي النضافه والروايح الحلوه
ليلي قفلت مع احلام : بس اييه رأيك
صفوان : انضف خدامه في الدنيا والله العظيم ااه صح احلام بتقولك حطي الفراخ واللحمه في الفريزار
” ليلي شالتهم وحطيتهم في الفريزار وفتحت شوكلاتايه واكلتها ”
صفوان اللي ساند علي الحوض وسقف : يا فاطر رمضان يا خاسر دينك
ليلي بغيظ : انا حااامل يبا ولازم الجنين يتغذي علشان يطلع حلو زي ابووه القمر كدا
صفوان بضحك : ياسيدي يا سيدي لعبه معاااك يا عم مصطفي المهم يلا اطير انا علشان ورايا شويه حجات كدا عوزه حاجه يا ليلو
ليلي وصلته للباب : سلمتك يا غالي اشوفك الصبح بقااا
” صفوان مشي وليلي فضلت تكمل تنضيف لحددد مخلصت خااالص بعد هبطاان وتعب وكان خلاص ادان المغرب هيأدن دخلت اخدت دش ولبست اسدال نضيف ونزلت تحت كانت العيله كلها متجمعه منتظرين الادن ”
فاطمه بلهفه : ايه يا ليلي طول النهار بتتضفي في للشقه يابنتي ؟
ليلي راحت قعدت جنب مصطفي اللي سندها تعد : اعمل ايه بس الشقه كان فيها تراب كتير اووي بس يلا الحمدالله انها خلصت ؟
مصطفي : وكنتي بتاكلي وانتي بتنضفي ولا لاء ؟
ليلي : والله كنت باكل احلام جابت ليا الموسم بعتته مع صفوان ورتبته في التلاجه ونزلت
مصطفي بهمس : وصفوان شافك بالهدوم اللي كنتي لابساها
ليلي بنفس الهمس : لاء والله لبست اسدال
مصطفي ببتسامه : حبيبت قلبي اللي بحبها المهم جبت ليكي الشوكلاته والكولا والجاتو اللي طلبتيهم
ليلي بحب : تسلملي ايدك يارب
غالب جيه من برا جري : المدفع ضرب يا جدعااان جعااااان وعطشااااان وهبطاااان
غالي بغيظ فيه : كنت برا بتعمل ايه يا غالب بتفطر علي صوتها ؟
غالب بثقه : كنت بقولها الصغنن حبيب بابا هيفطر ايه علشان اشوف اكلهم احسن ولا اكلنا ولقيتهن طبخين بط
غالي : طبعا قولتلها مفيش بطه وبتاكل بطه ؟
غالب وهو بيلعب بحواجبه : انت متغااظ ليه مش فاهم وبعدين ما انت عندك بطااايه بحالها اهي ” وباس ايد فاطمه ”
فاطمه بضحك : اخر فطاار كل سنه وانتم طيبين والسنه الجايا اشتال عيال مصطفي وغالب ويملو البيت عيال يااارب
كلهم : اللهم امين يارب ” وبدؤ فطار علي صوت الاغاني اللي بتودع فيهم رمضان وبيستقبلو العيد ببهجه وسعاده والعيال في الشارع بيغنو للعيد وفرحانين اووي ”
…………………………….
” بعد الفطار في بيت غفران الحبيب قعد هو وصفوان وسالم يشوفو حسابات الشهر وجمال اخد الشاي وطلع علي برا وهما فضلو يتكلمو “
صفوان بعد ما قفل الدفتر : كدا كل جنيه اخدته عرفت عملت بيه ايه وصرفته في ايه والباقي معاك يا حج
غفران بتسامه : كدا فل الفل موسم ليلي راح ولا لسه ؟
صفوان : راح وديته ليها قبل الفطار
غفران : حلو اووي هنروح بكرا بقا الصبح نعيد عليها
صفوان : خلاص تمام اسرااااء هاتي ليا كوباية شااي
اسراء كان معاها كوبايه دخلت ادتها ليه : خد يا صفوان
صفوان ببتسامه : من ايد ما نعدمها يا قمر عليا الطلاق لرقصلك في فرحك
اسراء ابتسامتها اختفت : ايواا انشاء الله عاوز حاجه تانيه
صفوان ببتسامه : تسلمي يا قلب اخوكي
اسراء في اللحظه دي جواها انهار وطلعت وقالت بصوت هامس : معقول معتبرني اخته ؟
بسمله بستغراب : ايه سوسو وقفه كدا ليه وديتي الشاي لصفوان ” وضربته في كتفها بدلع” القلب
اسراء بصت ليها ودمعه منها نزلت : القلب بيقولي تسلمي يا قلب اخوكي معتبرني اخته يا بسمله هو مش حاسس ان بحبه ولا عمره هيحس
بسمله بصدمه : مين اللي معتبرك اخته صفوان ؟! دا بيموت فيكي بطلي هبل
اسراء بضحة موجوعه : زي اخته يا بسمله انا عماله ارفض في اي عريس بيتقدملي برفضه علشان خاطره وكل يوم بسمع كلام يوجع من امي وهو معتبرني اخته ” وجت تمشي بسمله مسكتها اسراء شدت ايدها ” بالله يا بسمله سبيني اطلع استحمي واعرف امي ان موافقه علي العريس اللي متقدم
بسمله سابتها تطلع ودخلت قعدت مع جدها وصفوان وابوها : كل سنه وانتم طيبين ينااس بمنسبه العيد بقا جيبالكم خبر مفرح “وقالت بخبث ” اسراء موافقه علي العريس اللي متقدم ليها