بسمله بغضب : انشالله ماشربت مش عمله حاجه واحذ ذنبك ادخل اعمل لنفسك يباا
جمال مسكها من شعرها : لما اقول حاجه اعمليها من غير كلام
رشا قامت شالتهم من بعض : في اييه يا جمال قايم بتضرب اختك علي الصبح ليه
بسمله بغضب : علشان الزباله فاطر وعاوزني اعمله شاي
جمال بغضب جاي يضربها رشا وقفت في وشه بغضب : في ايه يلااا احترم نفسك وايدك متتمدش علي اختك وانت فاطر ليه يا اخويا
صفوان وهو داخل البيت وفي ايده اكياس : معاه عذر يا خالتي معلش ؟
جمال بغضب : احسنلك متتكلمش ومحدش ليه دعوه افطر مفطرش انتو مش اللي هتحسبوني
صفوان : يبقي تعمل طفحك وحجاتك بنفسك مش هتبقي فاطر وتقرف فينا علي الصبح وانا بقولك اهو اصطبح وقول يا صبح بدل ما ازعلك يا جيمي ” وبص لإسراء ” خدي يا ساره دخلي دا لأمك علي ما اصحي امي “
” جمال دخل اوضتة ورزع الباب بغضب ”
رشا بغضب : بس لما ابوك وجدك يرجعو يا جمال بتتشد اووي في غيابهم ” وبصت لبسمله ” روحي اعدلي طرحتك وتعالي ومتتكلميش معاه خالص
احلام : رشا صفوان جاب جلاش بدل الرقاق
رشا :والله جدع رقاق ايه اللي زي العيش دا اعملي الجلاش حلو “والكل بدء يشوف شغله ”
بسمله راحت الاوضه بتاعتها تعدل طرحتها لقت فونها بيرن وكان غالب ابتسمت وردت علطول : الوو … ايه اللي مصحيك بدري كدا ؟
غالب ببتسامه وهو بيحلق دقنه : عندي شغل النهارده بدري قولت اصطبح بصوت القمر
بسمله ضحكت بصوت : يلهووي علي كلامك بيودي في داهيه
غالب بوقاحه : عليا الطلاق انتي كلك علي بعضك تتكلي اكل كدا
جمال فتح الباب فجأة ودخل : بتكلمي مين يابت انتي ؟!
يتبع …..
بسمله بتوتر : مبكلمش حد وبعدين انت ازاي تدخل كدا افرض كنت بغير هدومي ؟
جمال بصلها : هاتي التلفون اللي في ايدك دا كدا علشان مقتلكيش واخلص منك ” وزعق ” هاااااتي
سالم من وراه بغضب : جمااااال في ايييه طايح في البيت كله ليييه مالك ومال اختك ؟
جمال بضيق : اسكت انت متعرفش حاجه في اي حاجه اصلا
سالم شده بغضب وضربه بألم : لما تقل ادبك عليا وعلي امك وتمد ايدك علي اختك وقتها هعتبوك حرمه زيهم اسمععع طول ما انا عايش وفيا نفس ايدك متتمدش علي اخواتك ولا صوتك يعلي علي امك ” وبص لبسمله ” انزلي ساعدي امك تحت يلااا
” بسمله نزلت بسرعه علي تحت وحمدت ربنا ان الموقف عدي علي خير المره دي ”
اسراء قابلتها علي السلم وهي نزله : مالك يا بسمله متسربعه كدا ليه ؟
بسمله بتوتر : مفيش حاجه يا اسراء هيكون فيه ايه يعني ابويا ضرب جمال وزعقله وانا نزلت اكمل شغل البيت معاكم
اسراء بستغراب : شغل البيت خلص من ساعة ما طلعتي يا بسمله … بت في ايه انطقي
بسمله بتردد : اصل انا كنت بكلم غالب وجمال دخل عليا فجأه لولا ابويا شاله عني كنت اتقفشت يا اسراء ربنا سترها
اسراء بسخريه : ربنا سترها ؟! بجد بتقولي كدا ازاي انت مش عرفه ان اللي بتعمليه دا حرام وبتقولي الحمدالله علي ايه دا لو ربنا بيحبك بجد كان خلي جمال يقفشك ربنا يهديكي يا بسمله ابعدي علشان انزل ” ونزلت علي تحت ”
بسمله : ماله دي كمان محبكه الموضوع كدا ليه يااربي لو كل واحد يخليه في نفسه كانت الدنيا بقت فل الفل بس ازااي عيله متعرفش غير النكد والحزن ” ونزلت وراها ”
” في منزل غالي الجبراني ”
” الساعه دخلت علي 2 الضهر وليلي وقفه في المطبخ بتكنسه هتموووت وتنام ”
ليلي بغضب : قال جواز قال يقطع الجواز علي اللي عاوز يتجوز ما انا كنت عايشه وحياتي فل فل كدا انا اللي عملته في نفسي
زينب دخلت المطبخ لقيتها بتكلم نفسها : بتكلمي نفسك ليه كدا في ايه ؟
ليلي بضيق : ارجعي بس كدا علشان همسح مش ناقصه قرف والله يازينب
زينب : انا عملتلك ايه يا ليلي ليه بتحبي تسمعني كلام يسم البدن كدا
ليلي بصت ليها ببتسامه : معلش والله متزعلش مني حقك عليا بس علشان نايمه الساعه 6 وصاحيه 9 ودماغي مصدعه وحاجه نيله
زينب : ولا يهمك طب هاتي اعمل بدالك انا خلصت الصاله وكنز بتعمل في المندره
ليلي : خلاص خلصت همسح وافرش السجاده وخلاص كدا ” وفونها رن وكانت احلام دينب سابتها وطلعت وليلي ردت ” الوو ايه يا احلام
احلام : ايه يابنتي هتيجي امتي ؟
ليلي وهي بتنهج : مصطفي بيقول هنيجي قبل الفطار بنص ساعه
احلام : نص ساعه ايه اللي تيجي قبلها تعالي انتي دلوقتي ولو مصطفي مش عاوز يجي دلوقتي يبقي يجي قبل الفطار براحته .. انتي بتنهجي كدا ليه
ليلي : اصل كنت بمسح المطبخ السلطانه اميمه مصحياني من 9 الصبح معرفش هقوم اعمل ليه بس دي قوانين البيت
احلام : ااه منها اميمه الحربايه لسه زي ما هي متغيرتش محدش عاشرها قدي المهم البسي وتعالي دلوقتي ولو مصطفي مش فاضي يجيبك هخلي صفوان يجي يجيبك
ليلي : طيب هقوله وهرد عليكي ؟
احلام : طيب يلا مع السلامه ” وقفلت ”
” ليلي كملت مسح وفرشت المطبخ وطلعت علي الصاله تشوف مصطفي فين دورت في البيت كله ملقتوش راحت طلعت شقتها برضو ملقتوش رنت عليه ”
مصطفي : الوو ايه يا ليلي في حاجه ولا ايه ؟
ليلي بهبطان : لاء يا حبيبي مفيش بس انت فين دورت عليك في البيت كله مش لقياك
مصطفي : انا مع غالب في مشوار كدا ساعة زمن وهكون عندك
ليلي : طيب انا كنت عوزه اروح عند بيت جدي من دلوقتي احلام اتصلت بيا وقالتلي تعالي دلوقتي ؟
مصطفي بضيق : اما ارجع يا ليلي هنروح خلاص
ليلي : لو مش فاضي صفوان هيجي ياخدني وابقي تعالي علي الفطار
مصطفي بغضب : ميتين اهل صفوان ياستي قولت هنروح سوا علي الفطار الكلمه تتسمع يا منروحش خالص
ليلي : انت بتتعصب وتشتم ليه دلوقتي فيه ايه اللي حصل انا جايا بقولك عوزه اروح عند اهلي بدري غلطت في ايه انا ؟
مصطفي بغضب : ليلي انا واخد بالي ان صوتك عالي وبصراحه بتمني يكون بتهيألي وكلمه زياده وديني ما في طلوع خالص ولا دلوقتي ولا بعدين غوري ” وقفل في وشها ”
غالب اللي قاعد جنبه في العربيه بيسوق : يعم اهدي في ايه يا جدع صلي علي النبي كدا
مصطفي بضيق : دا ولا مره بتسمع الكلام ولا حد فاهم ان الواحد مش عاوز يتكلم ولا حد بريح يا اخي اقول هنروح علي الفطار تقولي لاء دلوقتي
غالب : براحه يا درش وهتلاقي الدنيا فل
مصطفي : استغفر الله العظيم اللهم اني صايم
ليلي فضلت قعده علي الكنبه في الصاله مش عرفه تعمل ايه : لو قولت لأحلام مش راضي هتجيب بعضها وتيجي تاخدني بنفسها ولو روحت من غير ما اعرفه كدا بزود النار بنزين طب اعمل ايه ياربي ؟
اميمه من تحت بصوت عالي : ليلي بت يا ليلي
ليلي فتحت باب الشقه وبصت ليها من علي السلم : نعم يا طنط في ايه ؟
اميمه : انزلي بلي شويه بلح واغسلي شويه رز واطبخيهم
ليلي : حاضر يا طنط هغسل وشي وانزلك اهو ” ودخلت الشقه غيرت هدومها من التراب وغسلت وشها ” ما البيت تحت مليان مفيش غير زفته يعني ” وطلعت برا الشقه وقفلت الباب ونزلت علي تحت ”
فاطمه : ليلي فين كنز مشوفتهاش ؟
ليلي : لاء والله يا جدتي مشوفتهاش تقريبا قبل ما اطلع زينب كانت بتقول انها بتنضف المندره عوزه حاجه اعملهالك
فاطمه : معلش تجيبيلي السبحه بتاعتي من اوضتي متعلقه علي مسمار جنب السرير انشالله تسعدي يا بنتي
ليلي : من عيوني ” وراخت جابت السبحه ليها واديتها ليها وراحت عملت اللي حماتها قالتلها عليه ”
……………………………..
” ليلي قعده في المندره مع غالي وفاطمه واميمه وخالد والبنات وانصاف مبقاش غير ساعه علي ادان المغرب ومصطفي لسه مرجعش من برا واحلام واسراء وبسمله نزلين رن علي ليلي وليلي بتفصل لأنها مش عرفه تتكلم تقول ايه اصلا ”
فاطمه : ليلي مش انتي معزومه عند اهلك النهارده ولا ايه ؟
ليلي : ايوا معزومين بس مصطفي لسه مرجعش ومعرفش اروح من غير ما اقوله والكل نازل رن عليا ومصطفي قافل فونه
خالد : دا بيهزر بقا قافل فونه او مش عاوز يجي كان يقول وانا هوديكي ايه الحركات دي ؟
اميمه بلوية بوز : ما يمكن مشغول براحه علي الواد يعمل ايه هو ولا يمكن مش عاوز يروح ومكسوف يرفض
غالي : ازاي يعني هو لعب عيال راجل ومعزوم عند نسايبه ميروحش ازاي
فاطمه : اميمه نقطينا بسكاتك الله يسترك مش عوزين لت وعجن في الفاضي ” وبصت لليلي ” اطلعي يا بنتي البسي وابوكي هالد هيوصلك وانا لما مصطفي يرجع ليا كلام تاني معاه
ليلي بتردد : ما هو انا لو لبست ممكن يزعق ليا او يزعل مني ؟
غالي : يبقي يتكلم ولا ينطق دا العلط راكبه من ساسع لراسه اطلعي انتي اجهزي يلا
” ليلي فعلا قامت وطلعت علي شقتها وبدأت تجهز جواها زعلان اووي من مصطفي لأنه مقدرهاش وحطها في موقف وحش مع اهله واهلها لبست دريس اسود ساده وطرحه بيج وجزمه كعب بيج ولمسات ميكب هاديه وبسيطه وشنطه بيج في اسود وحطت مخمريه علي ايدها من عند الشريان ونزلت علي تحت ”
ليلي دخلت علي المندره كان قرآن المغرب بدء يقول : بابا خالد انا خلصت لو ممكن توصلني ” وبصت لفاطمه ” جدتي خدي المفتاح بتاع الشقه لو مصطفي رجع اديهوله
خالد : يلا يابنتي تعالي ” ومشي وليلي معاه طلعت ركبت العربيه جنبه ومشي ووقف عند محل حلواني جاب علبة حلاوه واداها ليها ”
ليلي : يا بابا ملهاش لازوم والله محدش هناك بياكل حلاوه
خالد : يا حبيبة ابوكي انتي عروسه واول مره تدخلي بيت اهلك لازم يكون في ايدك حاجه
ليلي ببتسامه : ربنا يخليك ليا يارب
” ووصلها قدام البيت وليلي نزلت ”
ليلي : علشان خاطري انزل افطر معانا النهارده
خالد ببتسامه : مره تانيه العزومات جايا كتير خدي بالك من نفسك ومتزعليش من مصطفي يرجع هو بس وليا كلام تاني معاه
” ليلي هزت راسها وابتسمت ودخلت علي جوا وهو مشي ”
ليلي : احلااااام عيااااال انتو فين ؟
” احلام والبنات جريو عليها يحضنوها بشتياق وهي بتبادلهم الاحضان بشتياق فعلا ”
احلام : من الساعه 2 بجيب فيكي وجيالي قبل الفذار ب 5 دقايق وبعدين فين مصطفي
ليلي : والله اللي اخرني ان كان فيه حجات في البيت كنت بعملها ” وقالت بزعل مخفي ” مصطفي طلع عنده شغل ومعرفش يجي المهم فين جدي
صفوان من وراها : وااااطيه يا بسنت مفيش فين صفوان خاالص يابت انتي ؟
ليلي راحت عليه حضنته بحب اخوي وضحك : وحشني يااااض يا طه صايم ولا زي اخينا ” وغمزت ”
صفوان بضحك: والله صايم يجدعان فيه ايه كل اللي يشوفني يقولي كدا انا كنت ملحد
غفران : نورتي البيت يا عروسه
ليلي راحت عنده وباست ايده : بنورك يا جدي
غفران : جوزك فين مجاش ولا ايه
ليلي : طلع عنده شغل ومعرفش يجي وبعدين ايه انا مش مكفيه ولا ايه
اسراء : ليلي الحلاوة دي شكلها مغري اووي
ليلي : بعد الفطار نعد عليها نسفها يا حبي متقلقيش
” الجوامع كلها قالت مدفع الافطار اضرب ولسه ليلي جواها امل ان مصطفي يجي او يرن عليها القلق بدء يمسك قلبها ليكون جراله حاجه ومش عرفه تعمل ايه وفونه لسه مقفول ”
ام صفوان : يلا يا ليلي تعالي كلي يا حبيتي يلا الفطار اتحط
ليلي : جايا يا خاله جايا ” وقامت بس جرس البيت رن وطلعت تفتحه وكان مصطفي بصت ليه بلا مبالاه ” انفضل ادخل
مصطفي بصلها نظرات غضب وهي مهتمتش : احم يارب يا ساتر
” غفران قلم هو وسالم وصفوان يستقبلوه “
غفران : ادخل يابني تعالي نورت وشرفت انا فكرتك مش جاي
مصطفي : ازاي طبعا لاء كنت جاي بس كان في شوية اشغال واتأخرت بسببهم
سالم : طيب ادخل يا غالي ادخل
” دخل مصطفي واحلام وام صفوان سلمو عليه وقعد جنب ليلي اللي موجهتش ليه ولا كلمه وفطرو ”
صفوان بمناكشه : لاء بس احلوينا بعد الجواز يا ليلي
” مصطفي ضغط علي المعلقه بضيق وكان هيرد بس ليلي سكتته بردها ”
ليلي بضحك : مش متجوزه مصطفي الجبراني ياض لازم ابقي حلوه
اسراء وبسمله : اوووو هنا سنسكت كثيرااا
احلام : خدي يا ليلي اللحمه قدام جوزك كول يا مصطفي انت غريب ولا ايه
مصطفي : باكل والله تسلم ايدك والله الاكل زي العسل
” ليلي قطعت اللحمه قدام مصطفي وهو بياكل ”
غفران ببتسامه : كول يا مصطفي انت عريس ومحتاج تتقوي ليلي حلوه ومحتاج مجهود
” ليلي الاكل وقف في زورها و شرقت من كتر الاحراج والكسوف ومصطفي ضحك بصوته كله ”
احلام بضحك وهي بتناولها المايه : ايه يبا الكلام دا البت هتموت اشربي يا حبيبتي اشربي
غفران : انا قولت حاجه كدب انا بقول الحقيقه ولا ايه يا ليلي ؟
ليلي بصت لجدها وخدودها ومنخيرها دم احمر : اسكت يا جدي بطل الكلام دا
” الكل ضحك عليها وعلي كسوفها واخيرا خلصو فطار والرجاله وقامو قعدو في صالون البيت فضلو يتكلمو عن الشكل ومصطفي مستني غفران يتكلم عن المصل بس متكلمش وليلي وقفه معاهم في المطبخ ”
احلام وهي بتغسل المواعين: يعني ايه السبب انها تصحيكي من حضن جوزك الساعه 9 الصبح
ليلي : معرفش واتكلمت معاها قولتلها انا هصحي بدري ليه تقولي انت مرات ابني وتعملي الشغل بدالي
ام صفوان : ومصطفي ايه رده علي الكلام دا ؟
ليلي وهي بتصب الشاي : مصطفي قالي متدخلنيش في حكاوي النسوان دي تحلوها مع بعض
رشا : يعني بيكون مبسوط وانتي قايمه الصبح بدري من حضنه نزله تشتغلي تحت في البيت
ليلي : هو هيعمل ايه مصطفي الشغل بتاعه بيخليه يكلم نفسه هشغله بحجات البيت كمان ” وبصت علي البنات لقيتهم بياكلو الحلاوه ” سيبو ليا حته يعيال هطلع الشاي واجي اكل منها ” واخدت الصنيه وطلعت علي الصالون بيها ”
احلام : اميمه الحربايه مش راجعه غير لما امسكها افرج عليها البلد كلها
ام صفوان : انتو مش فهمين ليه هي مش عوزه ليلي تتجمع مع مصطفي علشان متحملش معقول مفيش مخ
رشا واحلام : ااااااااه قولي كدا بقا سبهالي بقا
” في الصالون ”
” ليلي وزعت الشاي علي جدها وصفوان وسالم ومصطفي اللي بيشرب سجاير هو وصفوان ”
ليلي : محتاجين حاجه تانيه اجيبها ؟
مصطفي بص علي طرحتها اللي مبينه شويه من شعرها برفع حاجب : دخلي شعرك جوا الطرحه واظبطي نفسك كدا ؟
ليلي بصتله ببرود ودخلت شعرها : فيه لسه حاجه ؟
غفران : تعالي اعدي وقفه ليه ؟
ليلي : هروح اكل حلاوة في المطبخ مع البنات” ومشيت علي المطبخ ”
مصطفي وهو بيشرب الشاي : اممم احكيلي يا حج غفران البهايم بتاعتك عمله ايه لقيت دوا ولا ملقتش ؟
غفران : والله بندور يعني في دكتور من مصر كلم جمال وقاله معايا بتاع حقن وهتشيل المرض بس غاليه شويه وجبتها ولا عملت الهوا والمرض بينتشر زي ما هو
مصطفي : ما هو ولاد الكفره بيستفادو ملايين من النصب علي الناس كدا المرض دا ملوش علاج احد دلوقتي علشان متتعبش نفسك ويتنصب عليك كتير ومتخليش جمال يمشي ورا كلام حد
سالم : وانت مش هتعمل علاج ليه ؟
مصطفي : والله انا بحاول لحد النهارد عملت نجربتين وفشلت والنهارده كنت في معمل امريكي في القاهره وديت العينه تتحلل لما نشوف اللي هيحصل ايه ادعي تنفع هيا بس
صفوان : بإذن الله خير ربنا مبجبش حاجه وحشه
” البنات جم قعدو وفضلو يتكلمو ويضحكو ويهزرو ”
مصطفي قام وقف : طب نستأذن احنا بقا يا جماعه الواحد مش قادر يفتح عينه والله وتسلم ايدك يام اسراء علي الاكل اللي زي العسل دا ” وبص لليلي ” مش يلا ولا ايه
ليلي بصتله بنظرة ضيق وقامت وقفت : ايوا يلاا ” وسلمت علي الكل ومشيت مع مصطفي في عربيته ”
احلام لرشا : مش مرتاحه ليلي فيها حاجه او بينها وبين جوزها حاجه
رشا : يا شيخه تفي من بوقك دا زي العسل والله
احلام : يارب يارب يسعدهم ويرزقهم بذريه الصالحه يارب
رشا بضحك : واميمه عايشه مصدقش
” في عربية مصطفي ”
مصطفي بيشرب سيجاره بهدوء : اممم اتكلمي انا سامع ؟
ليلي بستغراب : اتكلم اقول ايه انا ؟
مصطفي بهدوء : افتكري انا قولتلك ايه لما رنيتي ليا علي الفون كدا وشوفي لو غلطانه ولا حاجه يعني ؟
ليلي بصتله : لاء مش شايفه نفسي غلطانه يا مصطفي ؟
مصطفي وهو بيطلع نفس من السيجاره من بوقه وباصص لطريق : اممم يعني انتي شايفه ان لما اقولك متروحيش مكان وتروحيه دا صح وشايفه ان كلمتي
متتسمعش دا صح ” وبصلها ” صح يا روحي ؟
ليلي بضيق : اولا انا مكنتش هخرج جدتك وجدك هما اللي اصرو عليا اطلع البس وابوك يوصلني
مصطفي : اممم اهلي يعني اللي الغلط فيهم مش فيكي اصل اللي اعرفه انك لو كنتي عمله اعتبار لكيس الجوافه اللي متجوزاه كنتي قولتي لاء مش راحه غير لما جوزي يكون معايا ولا في دي انا برضو اللي غلطان ؟
” ليلي اتخنقت وسكتت مردتش تتكلم ”
مصطفي : السكوت حلو برضو لينا بيت نتكلم فيه ونفول اللي في مزاجنا بس وعهد الله يا ليلي شوفي وعهد الله ما في خروج برا عتبة البيت غير بمزاجي انا ؟
” ليلي بصت علي الطريق ودموعها نزلت غصب عنها ومصطفي شغال شرب سجاير مش مبطل طول الطريق ”
………………………
” اخيرا وصلو البيت كان خالد وغالي وغالب قعدين قدام البيت وغالب مركز في فونه ومبتسم وطبعا كلنا عرفين بيكلم مين نزلت ليلي ودخلت علي البيت طلعت علي شقتها علطول”
غالي : استر يارب في ايه يا مصطفي انتو لحقتو تيجو ؟!
خالد : زعلتها صح انت اللي غلطان و جبت اللوم عليها اكيد ابني وانا حفظك
مصطفي بغضب : بعد اذنكم كلكم محدش يدخل بيني وبينها وبعد كدا محدش يتصرف من دماغه وفي عدم وجودي ياخدها يوديها اي مكان هي عوزه تروحه ” وطلع وراها ”
غالب : قولتلكم بسبب انكم خلتوها تروح هيعمل معاها مشكله
غالي : لييه يعمل معاها مشكله لييه البت عملت ايه دا هو اللي غلطان
غالب : يجدعان افهمو الراجل بيغير علي مراته بتتصرفو من مزاجكم ليه انتو
” في شقة مصطفي ”
” دخل ورزع الباب وراه كانت ليلي وقفه بتغير هدومها وكانت يادوب قلعت الطرحه والجزمه ودخل مصطفي الاوضه بغضب ”
مصطفي بصوت عالي : لاء ما هو انا مبحبش قلة الادب
ليلي بصتله : وانا قليت ادبي امتي ؟
مصطفي بغضب : انك تخالفي كلامي قلة ادب يا ليلي اقولك متروحيش يبقي خلاص الحوار يتقفل ومتروحيش
ليلي : حاضر يا مصطفي بعد كدا ولا راحه ولا جايا في حاجه تانيه
مصطفي بصلها ومبقاش عارف بتكلم مسكها من ايدها وقعدها علي السرير واتكلم : يا حبيبتي افهمي انا مش عاوز حد يبصلك ولا بحلو ولا بوحش يعني انتي تحمدي ربنا ان جمال الزفت مكنش هناك والله كنت زماني كسرت وشه علشان شايفك بس افهمي انا بغيير ؟!
ليلي بدموع : ما انت بتتعصب عليا ومش بتقدرني ولا بتقدر اي حاجه بعملها ولا بقولها
مصطفي : نهار ابيض انا مش بقدرك امال بقدر مين انا ” مسك ايدها باسها وبعدين باس خدها الشمال وخدها اليمين ” خلاص بقا بطلي عياط حقك عليا وانتي زي القمر كدا
ليلي بصت ليه وزقيته : ابعد انت مكلبش فيا كدا ليه احنا في رمضان
مصطفي قام وقف وقلع تيشيرته بخبث : احنا فعلا في رمضان بس احنا بعد الفطار
ليلي رجعت خصله من شعرها ورا ودنها : ايوا يعني ايه يعني ؟!
مصطفي شدها علي صدره وحط ايدها الاتنين ورا ضهرها واتكلم بهمس في ودنها :يعني احنا عرسان جداد وبعد الفطار ورمضان كريم وكدا يعني ” وباس رقبتها ”
ليلي بتحاول بتبعد بكسوف : انا زعلانه منك يعني ابعد ومتتكلمش معايا
مصطفي اشتالها : لالا انسي الزعل حاجه ودي حاجه تانيه خااالص يا حبيبي خليكي مفتحه كدا وبعدين دا جدك مأكلني لحمه وبط الاتنين يبقي نفهم غرضه و نسمع كلامه بقا ” وباسها بكل رومانسيه وحب “
يتبع ….
” الساعه دخلت علي 12 بليل وليلي نايمه نوم عميق ومهما مصطفي صحي فيها مفيش فايده مصطفي دخل استحمي وطلع وبرضو لسه نايمه ”
مصطفي راح عندها وشال الغطي من عليها وبدء يفوق فيها: يااااابت قومي انتي اغمي عليكي ولا في ايه ؟
ليلي بنوم : في ايه بقا في البيت دا انتو بتزعلو لما انام ولا ايه
مصطفي : قومي بس يلا لأن جعان ولا ادخل اعمل انا ؟
ليلي بفزع : لااااااء اوعي اوعي تدخل المطبخ هتقلبه تعالي هنا هقوم اعملك انا هي الساعه كام
مصطفي : 12 وربع اهي قومي بقا استحمي وانا هنزل تحت اشرب سيجاره مع غالب وانزلي علشان السحور
ليلي مسكت ايده بسرعه : خد تعالي هنا هو ايه اللي تنزل تشرب سيجاره مع غالب دا بدل ما تقول اعد شويه مع مراتي
مصطفي برفع حاجب : دا علي اساس ان انا مقعدتش معاكي النهارده دا انتي من شويه كنتي في حضني ؟!
ليلي :بطل قلة ادب يا صاصتي بس هقولك احنا هنعمل سحور في شقتنا هنا ونتسحر ونسهر قدام التلفزيون ايه رأيك……. هااا تعد في حضن مراتك حبيبتك ؟
مصطفي وهي بيهرش في رقابته :والله هو عرض فل وفكرة ان اعد مع بطل زيك بتتعب النفس لوحدها بس يا روحي اللي متعرفهوش ان انا مبعرفش اعد في
الشقه اكتر من 3 سعات كترو عن كدا اتعب نفسيا بقا خلصي وانزلي ورايا يلا
ليلي بغيظ : ماااااااشي بس خليك فاااكر ان انا قولتلك نسهر في شقتنا وانت اللي رافضت يا بن الجبراني
مصطفي وهو علي باب الشقه : فاكر يابت العدو فااكر ” ونزل علي تحت كانت العيله كلها متجمعه في المندره بيسمعو مسلسل جعفر العمده بتركيز ”
مصطفي بصلهم كلهم : مساء الخير يا قوووم
غالب بتحذير : اعد مش عوزين صوت علشان بنسمع المسلسل
مصطفي راح حط راسه و نام علي رجل فاطمه : غالب يا اخويا انا حاسس ان قعدتك مع النسوان لخبطة عندك الهرمونات
غالب : هو في احسن واجمل من النسوان دول فاكهة الحياه ياااض دا انا لو معايا حتة طاريه عليا الطلاق ماهتشوفو وشي
غالي : كان غيرك عملها يا اخويا ” وبص لمصطفي ” اهو طلع عينا علشان يتجوزها وبعد كدا بيطلع في عينها هيا
خالد بصله : يا عبيط دا ليلي دي حتت قشطه دي تزعلها يعني لما دي تزعل امال مين اللي يتصالح
فاطمه اللي بتلعب في شعره : دي خساره فيه بقا نسايبك يعزموك علي الفطار تروح بعد الفطار طب كنت خليها هي تروح من بدري تسد مكانك
مصطفي : فييي ايه يجدعان انتو كلكم قومتو عليا كدا ليه انا مزعلتهاش انا فهمتها غلطها وطول ما انا برا البيت والدنيا بتولع برا محدش فيكم يخرجها من غير اذني واسألي غالب طول الطريق بعمل ايه علشان اوصل بدري
غالب : لاء والله الحق يتقال الطريق كان مقفول قفله بنت كلب واتخانقنا سبعين خناقه في الناس واحنا رجعين يعني برضو الظروف اللي بتحكم الواحد
فاطمه : يلا حصل خير ليلي اصيله وبتحبك وحده غيرها مكنتش رجعت معاك اصلا ” وبصت لأميمه ” ايه يا اميمه الساعه دخله علي 1 اهي هنتسحر امتي يما
بعد الفجر
اميمه : ما انا مستنيه الشملوله لما تنزل تبقي ايدها معايا في المطبخ علشان تتعلم
مصطفي :ليلي متعلمه كل حاجه والله يما بس قومو جهزو علي ما تنزل لانها قدامها شويه كدا
انصاف قامت وقفت : قومي يا اميمه قشري البطاطس والبتنجان وحهزي الدنيا عليما اطلع اصحي البنات وفؤاد واجي
اميمه قامت : ماشي يما اطلعي علي ما اجهز وانزلي ” ودخلت علي المطبخ ”
” غالب فونه رن وقام علشان يرد ”
مصطفي : اممم سلملي عليها ياااض واعرف اني مش مرتااااح
غالب بضحك : ارتاااح يا قلبي ارتاااح
غالي : غفران كلمك علشان موضوع الحقن ؟
مصطفي : اه كلمني قولتله ان التجربتين باظو ومنتظرين التجربه اللي بعملها اليومين دول نفعت خير منفعتش لله الامر منه قبل ومن بعد
خالد : طيب وانت شاكك ان الحقنه دي هتنفع ولا مش نافعه ؟
مصطفي بتنهيده :يبا انا لسه بحلل المرض علشان اعرف نسبته المشكله ان كل يوم بنسبه شكل وبيزيد مش بيقل ولسه يوم الاتنين رايح المنصوره في مستشفي هناك علشان اجيب مواد من هناك
فاطمه : ربنا معاك يا كبدي ويسترها معاك واشوف عيالك واشتالهم علي ايدي كدا
مصطفي باس ايدها : اللهم امين يارب العالمين
ليلي دخلت عليهم وكانت لبسه اسدال اسود بحزام من علي الوسط : مساء الخير
فاطمه ببتسامه : مساء الهنا عليكي يا نن عيني تعالي اعدي
مصطفي بص عليها ورجع راسه تاني : فكي الحزام يا ليلي من علي وسطك ؟
ليلي فكت الحزام : طيب هروح انا علشان اجهز معاهم السحور واجي ليكم تاني ” وراحت علي المطبخ ”
ليلي : ازيك يا طنط قوليلي اعمل معاكي ايه ؟
اميمه بصتلها : تعالي اقفي جنب البطاطس اللي في الزيت علي ما اطلع العيش من الفريزر يلا
” ليلي شمرت اكمامها ووقفت قدام البطاطس واميمه بدأت تجهز باقي الاكل ”
” قدام البيت غالب قاعد علي الكرسي وبيكلم بسمله ”
غالب : ايوا انتي مش بتساعدي في عمايل السحور بقا ولا ايه لتكوني مبتعرفيش تطبخي ؟!
بسمله بغيظ : يا غالب بعرف اطبخ وعلطول بساعد في السحور بس احنا هنتسحر محشي وبط ودا مش محتاج عمايل ولا مساعده يعني
غالب : محشي وبط يا سيدي يا سيدي علي الجمال دا في حد بياكل محشي وينام ؟
بسمله : ما هو ماما احلام وماما عملو اكل كتير النهارده علشان ليلي وجوزها كانو معزومين وعملت شنطه لليلي علشان تبعتها ليها الصبح علشان ليلي مشيت علطول وفضل اكل كمان قالو نتسحر بيه بقا
غالب :والقمر بتاعي عامل ايه بقا
بسمله ببتسامه : بيسلم عليك
غالب : بسهولي لما ابقي اتلم عليه ؟
بسمله بخجل : اتلم يا غالب واحترم نفسك
مصطفي من وراه :دا الموضوع في بوس شوف يا جدع عمر احساسي ما كدبني ابدا
غالب بضيق : طب سلام دلوقتي هكلمك بعد السحور ” وقفل وبص لمصطفي ” مش هخلص من لسانك انا عارف
مصطفي راح قعد جنبه : عيب عليك دا انت حبيبي يماااا كنت في ضهري وانا بطلع لشباك ليلي يعني سند بحق ودوري بقا علشان اشبكلك تطلع هااا قولي مين دي بقا ؟
غالب بتنهيده : قصتك بتتعاد معايا بالظبط شعارف بقا اذا كنت صح ولا لاء بس دا اللي حصل في اعجاب بينا انا وبسمله بنت عم مراتك
مصطفي بصله شويه وبعدين ضحك : بسمله مين اخت جمال الشمام ؟
غالب بصله برفع حاجب : ما هو الشمام ابن عم مراتك برضو متحسسنيش انك طاهر كدا
مصطفي : منكرش ان دي نقطه سودا في حياتي بس البنات ذنبهم ايه هما مشاء الله عسلات كلهم بس انت ناوي علي ايه جواز ولا بتتسلي
غالب : انا متعودتش اتسلي ببنات الناس وانت عارف مهما كانت هي مين وبنت مين بس اللي اعرفه ان النت مفهاش غلطه بس الفكره انك مصطفي الجبراني ولما قولت يا جواز من بنت الحبايبه شوفت الهجوم حصل عليك ازاي انا بقا لما اقول ومن بنت الحبايبه برضو مستحيل اتخيل ردة الفعل
مصطفي : بص هقولك علشان متتعبش عاوزها اتكلم رسمي سيبك من العمر اللي بيضيع في الفاضي و في الحب والكلام دا وهي حلالك هتحس بمعني الحب بجد والمثل بيقولك امشي عدل يحتار عدوك فيك ولا ايه
غالب : شهر كدا وهتكلم مع العيله بس في حاجه في بالي اتأكد منها بعدها اعرف راسي من رجلي
زينب طلعت ليهم وهي كلها نوم : يلا يا رجاله السحور خلص وانا بقول يا مصطفي تيجي تاخد مراتك علشان فاضل تكه وطنط اميمه تاكلها
” مصطفي ضحك وقام راح علي المطبخ كانت ليلي وقفه بتقلي فلفل حامي وهي كلها غضب ومفيش حد في المطبخ غيرها “
ليلي بغضب : يقطع الجواز وسنينه
مصطفي جيه من وراها وحضنها : اممم طب بتقطعي في الجواز ليه بس
ليلي بضيق وهي بتبعد مصطفي : ابعد بالله علشان مش ناقصه حد يجي يشوفنا كدا يقول كلمه
مصطفي لفها ليه برفع حاجب : مالي يدخل يدخل وانتي شاغله نفسك بكلامهم ليه ومين اللي مضايقك كدا
ليلي بصت ليه : انا مبحبش حد يفضل يقولي كلام محرج وانت عارف
مصطفي : بالله مبحبش المقدمات ادخلي في الحوار علطول ومين اللي قالك كلام محرج
ليلي : طنط اميمه عماله تقول البت ملفوفه وغاويه ادلعدي مصطفي ابني تقوم طنط انصاف تقولها البت صبيه تحل من علي حبل المشنقه وكل الكلام دا قدام ابوك وعمك فؤاد
مصطفي بضحك : طب ما انتي فعلا كدا يا حبيبي وبعدين النسوان بتفرح لما حماتها تقول عليها كدا مش تضرب بوظ مترين كدا ” ومسك شفايها بين صوباعه يقرصها بضحك ”
ليلي بعدت وشها : تصدق انا غلطانه ان بقولك ابعد خليني اطلع
مصطفي شدها وحصرها بينه وبين التلاجه : طلاق تلاته ما اطلع قبل ما اخد بوسه هنطلع بعد الفجر مش هعرف اعمل حاجه انا
ليلي : اتلم يا مصطفي وابعد هتفرج علينا الناس لينا شقه تلمنا ابعد
مصطفي : انا حالف بطلاق يعني مش طالع من غير البوسه ولااااا ” وبص علي جسمها من فوق لتحت ”
ليلي بخجل : انت قليل الادب علي فكره
مصطفي :حبيبتي تسلميلي فين البوسه بقاا
” ليلي قربت من خده وباسته وجريت علي برا بسرعه قبل ما يمسكها ”
مصطفي بضحك : يابت الدايخه ماااشي مصيرك تيجي تحت ايدي ” وطلع علي برا
فاطمه : يلا يا مصطفي انت وليلي بنادي عليكم من ساعتها يلا يابني تعالو اتسحرو
مصطفي راح قعد جنب ليلي : معلش يا بطوط في عفرايه دخلت عيني ليلي كانت بتشيلها ” وغمز لليلي اللي احمرت بخجل وغضب ”
غالب برخامه وهو بياكل : بس اللي بيدخل في عينه حاجه بتبقي حمرا يا مصطفي وانت مشاءالله فل الفل علي عينك اهو متأكد انها دخلت في عينك ؟
مصطفي : ما هي بتبقي حمرا لما حمار زيك يشلها لكن انت متعرفش حاجه عن اللمسه الناعمه بتاع الست انت
ليلي وهي بطبطب علي ضهره : ما تااكل يا مصطفي الفجر هيأذن يا روحي ومش هتلحق تتسحر
غالب : اسمع الكلام بسرعه علشان متباتش في حضني النهارده
مصطفي بصله : وماله اسمع الكلام بدل ما انام مع خشبه انام مع اسفنجه ” وبص لليلي ” ولا ايه ؟!
غالي : ما تاكل يابني انت وهو واسكتو بقا طلاق تلاته لما غالب يتجوز لقسمكم كل واحد ياكل في شقته
مصطفي وغالب وخالد وفؤاد : ايواااا اظهر علي حقيقتك كدا وبان انك مش عاوزنا
غالب لمصطفي : ميت علي الحياه يلا صدقني دا ابخل من البخل نفسه دا روحت معاه القناطر الشهر اللي فات معبرنيش بكيس عصير عصب حتي
غالي بغيظ منه : سوقتك مهببه زيك اللي مسكك رخصه حمار زيك
غالب : كنت بزفه انا غلطان ليك ابقي قابلني لو ركبتك معايا تاني
خالد وهو بيشرب عصير : صراحه يا غالب انت غبي في سواقتك الناس بتمشي علي الطريق وانت بتحك في الطريق
كنز : بابا في رحله الفيوم اصحابي راحين وانا عوزه اروح
فؤاد : مفيش طلوع رحلات برا البلد يا كنز وقفلي الحوار
كنز : بس يا بابا زمايلي كلهم طلعين ؟!
غالب : رحلة ايه دي اللي في رمضان يا كنز
كنز ؛ هي بعد العيد بس الحجز من دلوقتي وانا عاوزه اروح
غالب : اللي عاوز يروح يروح لكن احنا معندناش بنات تروح رحلات واقفلي علي الكلام علشان مش عاوز امد ايدي عليكي
” كنز بصت لأمها بلوم ”
انصاف : طب انتي بتبصيلي ليه مش انا قولتلك الكلمه كلمة ابوكي واخوكي
” كنز سابت السحور وقامت طلعت بيتهم زينب لسه هتقوم وراها وقفها غالب ”
غالب : كملي سحورك يا زينب انشالله ما عنها طفحت لما ابقي اشوف البت دي مالها
غالي : كنز طيبه بس عايشه حياه مش حياتها
اميمه : مين اللي هيشرب شاي
ليلي : خليكي يا طنط وانا هقوم اعمل
اميمه : لاء خليكي هعمل انا ” وقامت راحت علي المطبخ ”
انصاف : طيب حد يشتال الطبليه يوديها بحالها المطبخ يرجاله
” مصطفي قام شالها وحطها في المطبخ وراح قعد معاهم في المندره وكانت فاطمه بتكلم ليلي”
فاطمه بهمس لليلي : طيب مثلا مش عوزه تروحي لدكتور تطمني علي نفسك
ليلي : يا ماما فاطمه انا لسه مكملتش حاجه علشان اروح عند دكتور اقوله مبحملش ليه دا انا لسه مكملتش شهر
فاطمه : يابتي اسمعي مني انصاف حملت في غالب ليلة الفرح روحي اطمني ولو فيه حاجه نعرف
نعالج الموضوع بدري
مصطفي بص لفاطمه : يا فطوم بصي علشان اريحك خالص انا وليلي مفيش عندنا حاجه احنا زي الفل في ناس تحمل من اول يوم وناس تحمل بعد سنه كل ست ليها وضع خاص واحنا مش مستعجلين يعني علي الخلفه لسه العمر قدامنا ولما ربنا يشاء هيحصل
غالي : اسكتي يا فاطمه خليهم يعيشو حياتهم الاول مستعجله علي ايه انتي
فاطمه بشتياق : مشتلتش عيال صغيره من زمان يا غالي وحشوني ريحتهم وصوت عياطهم عوزه اشتال عيال الغالي قبل ما اموت
مصطفي باس ايدها : ربنا يديكي طولة العمر يا ست الكل واحنا مش هنحرمك من حاجه والله بس الموضوع محتاج صبر وانا مش عاوز ليلي تفكر في الحوار دا لان النفسيه لازم تكون كويسه علشان الموضوع يمشي
فاطمه ببتسامه : ربنا يسعدكم ويعنيكم ويرزقكم بذريه الصالحه يانن عيني انت وهي
مصطفي : طب بقولكم ايه تصبحو علي خير انتو لأن الوحد فاصل هطلع انام انا بقا ” وقام ومسك ايد ليلي ”
غالب : صلاة الفحر يولااا
مصطفي بضحك : هصليها فوق يا غالب وخف هاا خف علشان ليك يوم خد بالك
ليلي : مصطفي احنا طلعين دلوقتي ليه مش مرتاحه ليك
مصطفي بضحك : ارتاحي يا قلبي ارتاحي احنا هنطلع نسهر في شقتنا براحتنا ايه اللي منزلنا اصلا
ليلي برفع حاجب : وحياة طنط اميمه يعني دلوقتي الشقه بقت حلوه ما انت مكنتش بتحب تعد فيها
مصطفي وهو بيفتح الشقه : سبحانه يابت يا مراتي حبيت الشقه حب كدا من عند ربنا
ليلي دخلت وقلعت الاسدال وكانت لبسه بيجامه سودا ضيقه وبنص كم : اااااه علي الراحه لما بتقلع الطرحه هااا قولي بقا اعمل شاي ولا اعمل ايه
مصطفي شدها وقعدها علي رجله : انا عاوز اكلك انتي مش عاوز شاي انا ” وباسها من شفايفها برقه “هو لسه قد ايه علي الفجر
ليلي قامت بسرعه و ضحك : لالالا والله لو ليه عليه قرن انسي احنا هنشرب حاجه بشرفنا كدا
مصطفي بضحك : ما دي برضو فيها شرف والله خدي يابت
ليلي من المطبخ : انسي يا روحي انسي ” وجهزت صنيه فيها سوداني ولب وعملت كوبيتين شاي وراحت قعدت جنبه قدام التلفزيون ”
مصطفي : لب وسوداني كدا هنموت من العطش بكرا
ليلي : انت مين اللي قالك اننا هناكل منه انت اشرب الشاي هات فونك كدا
مصطفي برفع حاجب : اشمعنا ؟!
ليلي : هات بس اصور استوري علشان انزله علي الانستا
مصطفي اداها الفون بتحذير : لو لمحت وشك في الحاله هزعلك
” ليلي اخدت الفون وقعدت جنب مصطفي وشغلت فيلم رومانسي ومسكت ايده شبكتها في ايدها وصورت استوري وبعدين سابت ايده ”
مصطفي : اخدتي غرضك مني ورمتيني بقا ؟
ليلي بعتت الفديو ليها ونشرته عندها علي اغنية قول بقا يا حبيبي حبيبي وسندت علي كتفه: ايه رأيك في الفديو روح شوفه بقا ؟
مصطفي ولع سيجاره وفتح الفديو : قمر زيك يا روحي بس هاتيلي الريموت دا كدا خلينا نقلب ” ومسك الريموت وجاب الماتش ”
ليلي بصت ليه بغيظ : يعني انت قلبت الفيلم الرومانسي علشان تجيب الماتش يا مصطفي
مصطفي وهو بيبوس رقابتها : يا روحي دا اجمل واحلي جو رومانسي في الدنيا
ليلي بضحك وهي بتبعد : علي فكره انا بغير من رقابتي
” مصطفي شدها من وسطها وفضل يزغزغها وهي تضحك ”
ليلي بضحك : مصطفي انت كدا هتخلع جنبي انا بغير من رقابتي بس مش من جنبي ؟
مصطفي حضنها ودفن وشه في رقابتها : ياااااااه لو الدنيا تقف علي كدا انتي في حضني وانا مرتاااح ” والجرس رن ” والجرس يتحرق كدا تبقي فل الفل
غالب : افتح ياااض هات سجاره اشربها قبل الفحر انجز
مصطفي : مش فاتح يا غالب الكلب ؟!
ليلي بضحك قامت من حضنه : هدخل جوا علي ما تفتحله تديله سيجاره ” ودخلت علي الاوضه ”
مصطفي فتح الباب : خيرر يارب في ايه ؟
غالب بغمزه : عاوز سجاره علشان معرفش انام غير وانا مدخن كدا
مصطفي طلع علبه السجاير وادله 2 : روح نام بقا ومتقرفش اهلي
” غالب اخد السجاير بضحك ومشي علي بيتهم ومصطفي قفل الباب وراح قعد علي الكنبه وليلي طلعت قعدت جنبه ”
مصطفي بستغراب : مجتيش ارل ما قفلت الباب علطول ليه ؟
ليلي : احلام رنت بيا وفضلت تكلمني في موضوع الخلفه برضو
مصطفي بضيق : بدأت اضايق اهو انا مش عاوز حد يدخل في الموضوع دا بذات حياتي الخاصه محبش حد يدخل فيها
ليلي : يا حبيبي دول اهلنا وحقهم يسألو
مصطفي بعصبيه : يسألو في اي حاجه لكن الحاجه دي بدات خاصه بينا يعني هما مدخلين في حوار الحمل اللي هو ادق واخص شيئ بين اي اتنين متجوزين
ليلي : طب ممكن تهدي يا مصطفي الموضوع مش مستاهل العصبيه دي كلها
مصطفي : انا مش متعصب بسبب امر عادي يا حبيبتي انا متعصب لان الموضوع فعلا يضايق حوار الحمل دا رقم واحد بيد ربنا احنا بنعمل اللي علينا وبس وانا شهادة حق مش عاوز عيال دلوقتي عاوز اعيش مع مراتي اللي هي حبيبتي يومين حلوين يفضلو في الذاكره وبعد كدا ابقي ادور علي الخلفه
ليلي نامت علي كتفه ببتسامه :يعني مبتفكرش في بنوته نفضل نلعب بيها انا وانت
مصطفي ضمها لصدره : لاء اكيد بفكر ونفسي بس الكلام دا بعد ما يعدي علي جوازنا بتاع 6 شهور علي الاقل انا حاليا بفكر في كل ثانيه عاوز اقضيها معاكي
” ليلي ابتسمت براحه وفضلو يتفرجو علي افلام قديمه مع ان الفيلم سمعوه اكتر من 100 مره لكن المرادي ليه طعم تاني وضحك من نوع خاص لأن فعلا الانسان بيكتمل مع من يحب “
يتبع ….
” الساعه بقت 5 الفجر وليلي نايمه لكن في وجع رهيب في معدتها ومش قادره تقاومه فتحت عينها وبصت علي مصطفي النايم وقامت راحت الحمام وطلعت بس طلعت بتعيط من شدة وجع معدتها راحت قعدت علي السرير ”
ليلي بعياط : مصطفي قوم ….. قوووم يا مصطفي
مصطفي اتعدل بخضه ونوم وبصلها : مالك يا ليلي في ايه بتعيطي ليه يا حبيبتي ؟
ليلي اترمت في حضنه بعياط : معدتي ولعه نار ومش عارفه انام وبتوجعني اووي
مصطفي مسح علي شعرها بحنان : خير خير طيب دي ممكن تكون ظروف او حاجه وهي اللي عمله فيكي كدا ؟
ليلي بعياط : لاء مش وقتها دي معدتي اللي بتوجعني مش بطني
مصطفي بص في الساعه : الساعه 5 اكيد مفيش دكتور دلوقتي فاتح طيب اعدي هنا كدا هنزل تحت وارجع علطول
ليلي مسكت فيه : هتروح فين دلوقتي ؟
مصطفي وهو بيلبس تيشيرت : هنزل تحت عند جدتي اكيد عندها اي مسكن للمعده تخديه لما النهار يطلع نروح نكشف عليها
ليلي وهي بتمسح دموعها : مسكن ايه يا مصطفي انا صايمه ؟
مصطفي وهو بيمشي ايده علي خدها بحنان : وانتي دلوقتي تعبانه يعني معاكي عذر ابقي عوضي بعد العد يا حبيبتي ” ونزل علي تحت كان البيت كله نايم خبط علي جدته وجده اكتر من مره ”
فاطمه اتعدلت علي السرير : يا فتاح يا عليم يا رزاق يا كريم ميين ؟
مصطفي : انا يا بطوط متقلقيش
فاطمه : ادخل يانن عينها ادخل
مصطفي دخل وقعد جنبها علي السرير : معلش قلقتك بس ليلي معدتها وجعاها اووي لو في عندك مسكن للمعده وريني كدا
فاطمه قامت تجيب كيس العلاج : خير يارب معدتها وجعاها ليه كبد امها دي خد شوف كدا العلاج دا كل اللي عندي ” اخد منها الكيس وبدء يدور لقي علبه اسمها فاموتيدين لعلاج قرحه المعده ”
مصطفي مسك العلبه : حلو دي هاخد دي يا بطوط محتاجه حاجه اعملهالك قبل ما اطلع
فاطمه : لاء اطلع يبا واعملها كوباية نعناع سخنه تنضف معدتها تلاقيها بتاكل كراتيه وبتاع اللي هو اسمه اندومي دا هو اللي عامل في معدتها كدا
مصطفي : هعملها حاضر يلا كملي نومك
فاطمه : ابقي طمني عليها يا مصطفي
مصطفي : حاضر يا غاليه ” وطلع علي شقته كانت ليلي قعده علي السرير ومسكه بطنها دخل علي المطبخ جاب كوباية مايه وراح علي الاوضه ”
مصطفي قعد قدامها وفتح العلبه وطلع حبايه : يلا يا ليلو يلا يا حبيبتي خدي دي وهتبقي زي الفل
ليلي اخدت الحبايه وبصت ليه بطفوله : لسه بتوجعني برضو
مصطفي بحنان : شويه وهتبقي فل مفعول الحبايه يشتغل بس ريحي ضهرك كدا علي ما اعملك حاجه تكليها وارجع ” وراح علي المطبخ فتح التلاجه لقي حله فيها شوربه وحله فيها رز طلع الاتنين وبدء يسخنهم وبعد ما سخنهم حط الرز في الشوربه واخدهم في طبق وراح ليها ”
ليلي بتعب : يا مصطفي بطني وجعاني مش عوزه اكل حاجه
مصطفي شدها براحه قعدها : معلش يا روحي علشان تبقي كويسه يلا ” ومسك المعلقه وبدء يأكلها بحنان ”
ليلي بعد ما بلعت : كفايه بقا بجد معدتي وجعاني
مصطفي وهو بيأكلها بالمعلقه :يلا اخر معلقه لو اكلتيها هديكي 10 جنيه يلا الطياره راحه فين ؟
ليلي ضحكت غصب عنها علي طريقته واكلتها : مصطفي عوزه مخلل فلفل من اللي جوا مش جايلي نفس اكل من غيره
مصطفي وهو بيمسح الرز اللي وقع من علي بوقها بإيده :انسي المخلل والاندومي والاكل الحار اللي هري معدتك دا
ليلي بصت ليه بخوف : مصطفي هو الدكتور عليه يكتبلي حقن ؟
مصطفي بصلها بحب : اولا هنروح عند دكتوره ثانيا لاء يا حبيبي مفيش حقن دا هتكشف بس تشوف الوجع سببه ايه يا فاطره
ليلي بغيظ : علي فكره انا كنت هصوم انت اللي فطرتني ؟
مصطفي بضحك : اشتالت الذنب انا وانتهي الامر ” وراح حط الصنيه علي الحوض وغسل ايده وراح شد ليلي في حضنه وبدء يمشي ايده علي شعرها علشان تنام ”
مصطفي : يلا نامي شويه علشان هنقوم بدري نروح نكشف
ليلي بنوم : بس مفيش حقن صح ؟
مصطفي ببتسامه : صح ” وشدد من ضمها علشان تحس بأمان وتنام ”
” الساعه بقت 9 الصبح واميمه شايله سجاجيد البيت وعوزه تعمل تنضيف كامل للبيت و مستنيه ليلي تنزل ”
اميمه : يما فاطمه الساعه بقت 9 وانا مش قادره اعمل انا وانصاف البيت لوحدنا هطلع ارن الجرس علي مرات مصطفي تنزل تساعدنا
فاطمه قعده علي الكرسي بتسبح : لاء يا اميمه ليلي عيانه ومصطفي نزل الفحر اخدلها علاج زي ما شيلتي السيجاد لوحدك وانا قولتلك نضيف افرشيه لوحدك تاني
اميمه : عيانه من تاني اسبوع خير يارب عندها ايه
فاطمه : معدتها وجعاها يمكن وخده برد فيها سبيها تنزل براحتها ومتشغليش بالك بيها دلوقتي زينب وكنز يصحو ويعملو معاكي وعلشان خاطر النبي عوزين نعد في جو هادي
” في منزل الحبايبه ”
بسمله برجاء : يا ماما احلام هاتي الشنطه بتاعت الاكل وانا هوديها واجي علطول والله
احلام وهي بتحط الاكل في الشنطه : لاء ايه اللي هيطلعك لوحدك صفوان الوقتي يصحي ويروح يوديها ليها ويرجع
بسمله بلهفه : طب اروح مع صفوان والنبي ؟
رشا بصتلها : جري ايه يا بسمله قولنا خلاص صفوان هيروح يبقي خلاص تكتمي وروحي صحي اخواتك يلا البيت زريبه وعاوز يتنضف واطلعي افتحي شبابيك الشقه بتاعتنا
بسمله بغيظ : دا علي اساس ابنك هيخليني افتحها هندخله في انتخابات مجلس الشعب جمال سالم الحبيب رمز السرير
صفوان وهو داخل المطبخ : عليا النعمه البت بسمله دي بتقول اشعار وكلام زي العسل
بسمله بزعل : اسكت علشان بسمله مزاجها وحش ومضايقه
صفوان : اوب اوب ليه كدا بس
بسمله : عوزه اجي عند ليلي معاك وانت بتودي الاكل وامي وخالتك محدش فيهم راضي
صفوان : اصل انا هوديه من علي الباب وهرجع علطول ملهاش لازمه تيجي يعني خليكي ويوم تاني هخدك انتي واسراء وشهد تروحو تعدو معاها شويه
بسمله : انتو عيله لازم ناخد وصل امانه علي كلامكم انا طالعه اصحي شهد” وراحت علي شقتهم ”
احلام : بص يا صفوان حط الشنطه دي جنبك في العربيه من قدام وخد بالك فيه شوربه عليها تدلق براحه وانت سايق
صفوان اشتال الشنطه : لسه في حاجه ؟
رشا : وانت راجع هات ربطة جرجير في وحده في الحاره بتاعت بيت الجبراني بتبيع خضره نضيفه هات منها ربطه علشان السلطه
صفوان : فل الفل يلا هروح وارجع علشان عاوز انام ” ومشي علي العربيه ”
احلام : ربنا يرزقك ببنت الحلال اللي تستاهلك يا صفوان يا بن قلبي يارب
سالم كان في دوار البهايم ومعاه جردل فيه لبن: خدي يا رشا كيسي اللبن دا وحطيه في الفريزر واغلي منه علشان نشرب
رشا مسكت الجردا منه : اللهم صلي علي النبي اللبن دا من عندنا ولا منين
سالم : ايوا من الجاموس اللي هنا ؟
احلام : شوفتي اللبن اللي هنا كله بعتناه لليلي وكنت شايله هم المهلبيه اجيب ليها لبن منين ؟
رشا : اجي جت من عند ربنا تعالي لما نعمل المهلبيه علي ما اكيس اللبن يلا ” وبصت لسالم ” هتعمل ايه يا ابو جمال الوقتي
سالم : هدخل استحمي كدا وهريح للعصر واقوم اشوف الدنيا فيها ايه بقا
رشا : ماشي يبا اجي اعملك حاجه
سالم : لاء خليكي لما اطلع اشوف المقتول اللي نايم ليل نهار دا
احلام قالت في نفسها وهي بتجهز حجات المهلبيه : دا كانا هنجوزه لليلي الحمدالله دا ربنا كريم ولطيف بعباده راحت للي يستاهلها ” وقالت بصوت ” ربنا يبارك في حياتك يا ليلي بنت قلبي يارب
” في شقة احلام وخصوصا في اوضة اسراء ”
بسمله قعده ليها علي السرير بتصحي فيها : قووومي يابنتي اخلصي
اسراء بغيظ : طب انا هقوم من الضهر اعمل ايه يا بسمله ؟
بسمله ببتسامه : قومي احكيلك علي غالب قلبي
اسراء : محن علي الصبح مش عوزه احنا في نهار رمضان يعني حلي عني وقومي انزلي اعدي تحت
بسمله نامت علي ضهرها : ياربي علي كلمة بسبوسه منه بتوديني ورا المجموعه الشمسيه كلها
اسراء : اللهم اني صاااايمه يا بسمله مش عوزه اضيع صيامي عليكي
بسمله بخبث : قومي دا صفوان ابن خالتك معرفش كان واقف مع مين في الحاره ونازل ضحك هو وهي
اسراء اتعدلت ليها : بطلي حوارات وانزلي بعدين انا مالي ومال صفوان هو زي اخويا بطلي عك
بسمله ضربت كتفها في كتف اسراء : عليا انا الكلام دا برضو دا انا بسبوسه قال اخويا قال هيهيهي يمااا دا انتي لما قولتلك بيضحك مع وحده اتنفضتي من علي السرير
اسراء بهرب : بسمله مش نقصه رخامه علي الصبح يا تسكتي يا تنزلي وسبيني انام
” بسمله مسكت فونها وفضلت تلعب بيه واسراء تفكيرها هل فعلا هو كان واقف مع بنت وبيضحك معاها وترجع تقول دي مش اخلاق صفوان اكيد البومه دي بتعنل كدا علشان تغيظ فيا بس ”
” عند مصطفي وليلي ”
” ليلي لبست بنطلون اسود وتوب اسود وفوقهم عبايه سودا مفتوحه بس قفلتها بحزام وطرحه زرقا وجزمه كعب من اللون الازرق ودبلتها بتاعت الجواز وميكب بسيط وهادي اووي واخدت شنطه سودا حطت جواها ملمع شقايف ومناديل ومسكرا وكريم مرطب ومصطفي لبس قميص بيج ومشمر اكمامه وبنطلون اسود وحزمه بيج ”
ليلي بصت لمصطفي : يلا انا خلصت ؟
مصطفي وهو بيرش برفان : يلا تعالي بس خدي سماعة البلتوث والنضاره حطيهم معاكي في شنطتك
ليلي : وسماعة السلك اجيبها ولا اسيبها ؟
مصطفي : معرفش مين اللي قطعها مش راضيه تشتغل هاتي التانيه وخلاص ” واخد مفاتيح العربيه والمحفظه وفونه ومسك ايد ليلي ونزل علي تحت ”
فاطمه بلهفه علي ليلي : ايه يا بنتي مالك يا كبدي فيكي ايه ؟
ليلي : مش عرفه والله يا جدتي صحيت الصبح لقيت معدتي وجعاني ومش عرفه اتحرك لولا الحبايه اللي مصطفي جابها كنت موت علي الصبح
غالي : لا حول ولا قوة الا بالله اكلتي ايه يابنتي عمل في معدتك كدا ؟
مصطفي وهو بيعد علي صوابعه : اكل حر تلاقي حادق برضو تلاقي مخلل بجميع انواعه الهانم بتاكله واخر ربربه ونازله علي الشاي والقهوه نازله زفت
خالد اللي بيلعب في فونه : براحه عليها يولا تعمل اللي هي عوزاه بس تاخدي بالك من صحتك يا ليلي
ليلي ببتسامه : حاضر والله
فاطمه : هتروحو فين دلوقتي ؟
مصطفي : كلمت دكتور زميلي قالي علي دكتوره حلوه وشاطره في المنصوره في شارع جيهان هنروح ليها
فاطمه : نهار ابيض المنصوره ؟!
مصطفي : هعمل ايه معنديش اغلي منها وانا كدا كدا رايح هناك علشان شغل هروح ونيجي علطول انشالله
صفوان وفي ايده الشنطه : يارب يا ساتر
ليلي ببتسامه : تعالي تعالي ادخل يا صفوان
مصطفي راح سلم عليه وحضنه : نورت يا غالي تعالي ادخل
صفوان ببتسامه :تسلمو والله خالتي احلام بعتت الاكل دا لليلي وانا جبته ليها هروح انا علشان ورايا شويه شغل كدا
مصطفي : يا عم اعد شويه ارتاح
صفوان بمرح : ارتاح من ايه هو انا جي علي جمل دا في العربيه يلا سلام يا ليلو سلام يا ابو نسب” ومشي ”
مصطفي مسك ايد ليلي :يلا علشان منتأخرش يلا سلام يا جماعه ” ومشي ركب عربيته وجنبه ليلي ”
فاطمه : خد بالك من الطريق يا مصطفي يوقفلك ولاد الحلال في طريقك يابن اميمه وخالد يارب
………………………
” في عربية مصطفي ”
مصطفي بص لليلي : ها بتوجعك اووي لسه ؟
ليلي : لاء مش اووي دلوقتي الحبايه مسكنه الالم بس انا جعانه اووي ؟
مصطفي مسك ايدها وباسها : يخربيت ريحتك القمر حاضر يا قلبي نقف قدام سوبر ماركت واجيلك اللي انتي عوزاه ارجعلك الكرسي علشان ترتاحي
ليلي بحب : لا يا عمري انا مرتاحه كدا بس قولي الطريق من هنا للمنصوره طويل ؟
مصطفي : اممم في حدود 3 سعات كدا بس متقلقيش المنصوره في رمضان وخصوصا شارع جيهان دا حاجه عظمه هفسحك فسحه قمر زيك كدا
ليلي : كنت عوزه اروح الاهرمات كل ما الجامعه بتاعتي تطلع رحله وكنت اقولك كنت بترفض علشان كدا عوزاك تعوضني بقا
مصطفي :رحلة في الجامعه دي مش حلوه يا حبيبتي دا غالب كان كل رحله بيطلعها علشان يبوس البنات ويرجع بس
ليلي بضحك : نهار ابيض عليه بس افهم كدا انك مبوستش بنت قبل كدا ؟
مصطفي برفع حاجب : مين اللي قالك كدا دا انا بوست اجمل واحلي بنت في الدنيا كلها ؟
ليلي بشراسه : مييييين يا مصطفي بوست مييين يا نسوانجي يا خاين ؟
مصطفي بغمزه : مراتي ؟!
ليلي برتياح : ايوا كدا الله يريح قلبك فكرتك خونتني قبل ما تتجوزني ولا حاجه
مصطفي بضحك : خونتك فين يابت دا انا بحبك وانتي في تانيه اعدادي يعني ملحقتش احب قبلك اصلا
ليلي بضحك : ما دا الحلو علشان محدش مننا يكون ليه ماضي انت الماضي والحاضر والمستقبل بتاعي وانا كمان الماضي والحاضر والمستقبل بتاعك
مصطفي بحب : اللهم اني صايم بالله لو ما كنا في رمضان لكنت رزعتك بوسه تموتي بعدها ” وبص لقي في سوبر ماركت ” في سوبر ماركت اهو هركن وننزل نجيب اللي انتي عوزاه
” ليلي ابتسمت ليه بحب ومصطفي ركن العربيه ونزل ومسك ايدها ودخل علي السوبر ماركت ”
مصطفي : السوبر ماركت كله قدامك اهو شوفي نفسك في ايه وهاتيه يلا
” ليلي مسكت ايده ودخلت علي جوا وبدأت تجيب عصاير ومولتو وبسكويت ”
ليلي : عوزه شيبسي بقا ؟
مصطفي : تلاته بالله العظيم ما احنا جيبين شيبسي دا احنا راحين لدكتور علشان معدتك اقوم اجبلك شيبسي
ليلي بغيظ : كيس ميضرش علي فكره ؟
مصطفي : ليلي جبتي اللي نفسك فيه ولا لسه حاجه تانيه ؟!
ليلي راحت جابت مارشميلو ورجعت ليه : عوزه دا كمان بس كدا
مصطفي فتح التلاجه وجاب ازازة مايه و مسك ايدها وراح علي الكاشير يحاسب طلع محفظته :كام يا ريس ؟
الكاشير : 160 يا فندم
مصطفي : علبة سجاير LM احمر يا كبير بس النضيفه بقا
” الكاشير جابت علبة السجاير واداها ليه ”
مصطفي لليلي : خدي خليها معاكي لبعد الفطار
” مصطفي طلع فلوس وحاسب واخدها وركب وكمل سواقه وليلي بدأت تاكل من الحجات وتتصور وتبعت للبنات ”
مصطفي بتحذير : بقولك من دلوقتي اهو مش عاوز المح صورتك علي الانستجرام او الواتس مش هكرر كلامي
ليلي : حفظه يا مصطفي والله حفظه ” وشغلت اغنية والسنين هتفوت وتمشي لشرين ونامت علي الكرسي وبصت لمصطفي اللي مركز في الطريق وبدأت تصوره وتغني عليها “
ليلي بعشق : والسنين هتفوت وتمشي منك انت انا مش همل بوعدك يا حبيبي عمري شوقي ليك ما في يوم يقل هبقي فرحك وقت حزنك ”
مصطفي وهو باصص لطريق قال بحب ومش مركز مع ليلي اللي بتصوره : في التعب تلاقيني حضنك كل يوووم من عمري ليك
ليلي قفلت الاستوري واتفرجت عليه وابتسمت عليه اووي بحب ونشرته وعملت لمصطفي اخفاء علشان عرفه انه مبحبش كدا وكتبت ‘ والسنين هتفوت وتمشي منك انت انا مش همل وحطت قلب ‘
……………………..
” في المطبخ عند اميمه ”
اميمه قعده بتشوف الحجات اللي جايا لليلي
انصاف :بسم الله مشالله احلام متوصيه بليلي اووي مع انها بت جوزها بس شوفي معوضاها عن امها واكتر كمان
فاطمه ببتسامه : احلام ست كريمه وطيبه والواحد يشوفها يحبها علطول ومش محسسه ليلي بغياب امها حتي الله يعجاله في ميزان حسناتها يارب
اميمه : وكل الأكل دا هنعمل فيه ايه يما ؟
فاطمه : اقسموه ليلي يطلع ليها اكل والباقي نفطر بيه النهارده واللبن يطلع كله لليلي بس اغليه الاول يا اميمه انشالله يسعدك البت ياحبة عيني عيانه ومش لايحه تعمل حاجه
اميمه : طيب يما حاضر
غالب : صباح الخير ياااا قوم انتو فييين
غالي طلعله من المندره : صباح النور علي الصايع اللي سهران طول الليل
غالب : وانت مين اللي قالك ان كنت سهران طول الليل بقااا علشان تقولي كدا يا غالي يا جبراني ؟
غالي : انا قاعد علي النت بليل وشايفك فاتح لصبح ؟
غالب : ااااه مش علمناك تلعب علي التلفون هتقرفني انا عاررف قولي بس ابن ابنك التاني فين
غالي : هو مقالش ليك انه رايح المنصوره ؟
غالب ضرب دماغه : قالي قالي بس انا نسيت معلش بقا الصيام وكدا مفرد بعيد عنك مراتك فين هي اللي بتحنن عليا في البيت دا كله
زينب وهي طالعه وعلي وشها تراب اثر كنيس السلم: ياربي علي ممثل العائله القدير
غالب بقرف : شوفو مين بتتكلم خدامة العيله ؟
زينب بغيظ :بالله لما تتجوز لمسح بمراتك سلالم البيت علشان تبقي تعرف ان الله حق
غالب بغيظ فيها :بقا انتي تشبهي مراتي البسكوتايه الاريو دي ليكو يا كرته يابت دا احنا بنتزل عليكي تستحمي ومش راضيه
زينب : حوش حوش يا ابو سلسله يا ابو قُصه
غالي : الله يهدكم يا بُعده زي ما انتو فضحين نفسكم كدا
غالب : انا شامم ريحة محشي وبط بحاول اكذب عقلي علشان عارف نسوان بيتنا اخرهم المعمر بس الريحه مش قادره تفارق مناخيري
زينب : بتتوحمي يا بيضه براحه علي نفسك بقا لتسقطي ؟
غالب حدف فيها شبشب :امشي دك شلل في وركبك ومنلقيش ليكي مفاصل يا زينب يابنت رشا وفؤاد يا قادر يا كريم
غالي بضحك : استغفر الله العظيم ايوا هنا محشي وبط اهل ليلي جابوه النهارده
غالب وهو ماشي : ايوا صح بسمله قالتلي امبارح بس انا زي ما انتو شيفين كدا مفرد من الصيام بعيد عنكم
رشا بستغراب وهي طالعه من المطبخ بتمسح ايدها: بسمله ؟! بسمله مين بت سالم؟
يتبع ……..
غالب بصلها وكان هيرد ويقول ايوا لكن جاله اتصال مهم ورد : الوو ازيك ياريس ” وطلع علي الشارع ”
انصاف بصت علي طيفه وهو ماشي : يا خوفي منك ومن قلبك يابن بطني
غالي : القلب ملوش سلطان يا انصاف وانشالله خير متشغليش بالك انتي يابنتي انا هشوف الكلام دا
…………………………..
” اخيرررا وبعد تعب طول الطريق وصل مصطفي الجبراني المنصوره قدام شارع جيهان كانت ليلي نايمه ومستغرقه في النوم ”
مصطفي بدء يحرك ايده علي وشها : ليلي حبيبي … قومي يا بابا يلا وصلنا
ليلي بلعت ريقها وبدأت تحرك راسها : عطشانه يا مصطفي ؟
مصطفي جاب ازازة المايه وشربها : يلا ننزل علشان معاد الدكتوره
ليلي بصت في المرايا بتاعت العربيه وعدلت طرحتها وظبطت شكلها : يلا يا حبيبي ” ونزلت من العربيه ”
” مصطفي نزل بطوله ونضارته الشمسيه و راح مسك ايدها وطلعو علي عيادة الدكتوره اللي كانت زحمه اووي ”
مصطفي راح قعدها في مكان بعيد عن الرجاله وقال بهمس : حبيبي خليكي هنا هشوف الكشف بتاعنا قدامنا قد ايه وجيلك علطول
” ليلي هزت راسها وفضلت قعده كان في ست معاها بنوته صغيره بتزحف لسه فضلت تضحك لليلي وليلي تضحك ليها لحد ما مصطفي جيه وقعد جنبها ”
ليلي : قدامنا قد ايه ؟
مصطفي : اربع كشوفات واحنا الخامس انشالله المهم حسه بتعب او جعانه عطشانه اي حاجه ؟
ليلي ببتسامه : لاء يا روحي مش عوزه حاجه
مصطفي بهمس : ايه الجمال دا يابت هي الناس اللي بتتعب بتبقي قمر كدا
ليلي بهمس : بطل كلام من دا يا مصطفي انت صايم بص كدا علي البنوته الصغيره دي كدا
مصطفي بصلها ومد ايده ليها ببتسامه :تعالي يا قمر اسمك ايه ؟
ابوها ببتسامه : عقبال ما تشوف عيالك يارب اسمها شمس
ليلي اخدتها واشتالتها علي رجلها : يخلاثي علي القمر والعسل سكر يناااس ” وفضلت تبوس فيها ”
شمس جعانه ومن جوعها فضلت تشد في هدوم ليلي علشان تاكل وليلي بصت لمصطفي بكسوف : مصطفي البنت جعانه اسأله فين مامتها
مصطفي : امال فين ام شمس يا ابو شمس اصل تقريبا القمر الصغيره جعانه
ابو شمس : جوا مع حماتي في الكشف وانا قاعد بشمس لحد ما يخلصو
” ليلي فتحت شنطتها وطلعت علبة عصير وقعدت تشرب شمس اللي راحت في النوم وهي بتاكل وليلي ادتها لابوها وركنت علي دراعه بتعب لحد ما دورهم جيه ودخلو لدكتوره ”
الدكتوره ببتسامه : الدكتور مصطفي بنفسه في العياده ايه النور دا كله
مصطفي برسميه : بنورك يا دكتور ” وبص لليلي ” ليلي مراتي الدكتوره يا ليلي كانت زميلتي في الجامعه بس انا كنت قسم وهي قسم
ليلي ببتسامه : اتشرفت بحضرتك جدا
الدكتوره ببتسامه :الشرف ليا اتعرف علي قمر زيك كدا هااا الكشف بإسم ليلي محمود ها يا ليلي بتشتكي من ايه بقا ؟
ليلي : بصي انا لسه متجوزه بقالي اسبوعين وقبل الجواز مكنش بيجي اي وجع في المعده النهارده الصبح جالي وجع فيها محدش يستحمله
الدكتوره وهي بتكتب العلاج : طيب يا ليلي بتشتكي من المعده بس ولا في حاجه تانيه ؟
ليلي : لاء المعده بس
الدكتوره بصت ليها : تمام … بصي بقا يا ليلي الوجع اللي بيجي في المعده دا علشان نعرف سببه بنعمل حاجه اسمها منظار علي المعده اكيد حصرتك يا دكتور مصطفي فاهمني ” مصطفي هز راسها ” لكن انتي هتمشي علي العلاج وعلي نظام غذائي صح لمدة اسبوع لو حسيتي بتحسن خير محستيش هنعمل منظار
مصطفي بسخريه لليلي : طب بنسبه لشاي والقهوه والشيبسي والاكل الحار والاندومي يا دكتوره اللي مراتي تقريبا عايشه عليهم؟!
الدكتوره : لالالالا ايه دا الكلام دا كله هيتمنع جدار المعده اصلا ملتهب انتي كدا بتدمريه انتي هتمشي علي اكل صحي ومسلوق وكل يوم بعد كل وجبه تكلي طبق سلطه كبير مع علبة زبادي وانشالله خير ” ومدت ايدها بروشته ”
ليلي اخدت الروشته : تسلمي يا دكتوره يعني امشي علي الاكل الصحي والعلاج ولو مفيش تحسن اجيلك ؟
الدكتوره : بالظبط كدا نورتونا ومبسوطه جدا ان شوفتك يا ليلي
ليلي : انا اكتر والله
مصطفي : يلا عن اذنك يا دكتوره ” ومسك ايد ليلي ونزلو علي تحت “اظن سمعتي كلام الدكتوره الاكل اللي انتي كنتي بتكليه دا كله يتمحي من الذاكره
ليلي : طيب طيبببب … مصطفي بما اننا في المنصوره وكدا انا عوزه اكل سوشي وقبل ما ترفض بالله عليك نفسي ادوقه مره
مصطفي بصلها : انا خايف يتعبك وفي نفس الوقت مش عايز يكون ليكي نفس ليه ومجبوش
ليلي : مش هيتعبني والله انت بتقول ليك شغل هنا هنروح نشوفه ونروح ناكل علي الفطار علشان خاطري
مصطفي بقلة حيله : عيوني ليكي يا ست ليلي يلا اركبي ” وركبت العربيه بحماس وهو ركب ومشي علي المستشفي اللي هيحلل المرض هناك ”
ليلي : هنزل معاك صح ؟
مصطفي : لاء خليكي هنا المستشفي كلها امراض اعدي في العربيه وانا ربع ساعه وهكون عندك
ليلي : ماشي يا حبيبي
” بعد شويه مصطفي وصل عند المستشفي ونزل وليلي فضلت في العربيه وفونها رن وكانت فاطمه ”
ليلي : الووو ايوا يا جدتي
فاطمه : ايوا يا نن عين جدتك عملتي ايه طمنيني الدكتوره قالت ايه ؟
ليلي : كتبت ليا علاج امشي عليه اسبوع لو اتحسنت خير متحسنتش هعمل منظار علي المعده
فاطمه : يا كبدي عليكي يا بنتي طيب هتيجو امتي ومصطفي فين ؟
ليلي : مصطفي نزل راح المستشفي وانا قعده مستنياه لما يجي
فاطمه : ماشي يما وكلتي ولا مكلتيش يا ليلي ؟
ليلي : اكلت مصطفي الفجر عملي رز وشوربه واحنا في الطريق جابلي عصير وبسكوت
فاطمه : عصير وبسكوت ؟ ودول هيعملو ليكي ايه يا ليلي انزلي اي مطعم وكلي با بنتي كدا هتقعي من طولك
ليلي : ما احنا هنروح بس مصطفي يخلص الشغل اللي وراه الاول
فاطمه : ماشي يما توصلو بألف سلامه خدي بالك من نفسك ومن مصطفي يا بنتي وربنا يسلك طريقكم يارب
ليلي : يارب يا جدتي ” وقفلت وفتحت كيس الاكل وبدأت تاكل من الحجات اللي فيه وتتفرج علي مسلسل جغفر العمده علي الفون ”
” في منزل غفران الحبيب ”
” احلام قعدة هي ورشا وام صفوان والبنات قدام التلفزيون في الصاله وبسمله ببتكلم غالب شات واسراء وشهد عينهم مع كتابتهم ”
دخل صفوان البيت بتعب : متجمعين عند النبي انشالله
ام صفوان : اللهم امين يارب ايه اللي اخرك كدا من الصبح بتودي الاكل عند ليلي دا انا قولت هتفطر هناك
صفوان : لاء دا باين ليلي ومصطفي كانو خرجين وانا وديت الاكل وروحت علي الارض علطول علشان اشوف حساب العمال محدش كان خاد فلوس علي رمضان واكيد محتاجين روحت قبضتهم وقعدت شويه وجيت
رشا : وجمال و عمك سالم هناك ولا فين ؟
صفوان : عمي سالم وجدي هناك جمال فين بقا معرفش مشفتوش خالص
احلام بستغراب : وليلي وجوزها ريحين فين علي الصبح كدا اسراء قومي هاتي تلفوني من علي الشاحن لما ارن بيها كدا اشوفها فين
اسراء : ليلي واحت تكشف علي معدتها بس مصطفي اخدها وراح المنصوره علشان هناك دكتوره شاطره من معارفه
احلام بقلق : معدتها ايه اللي وجعها دا عمرها ما انشكت من بطنها ابدا
ام صفوان : بيني وبينك يا ام اسراء ياختي انا خايفه تكون اميمه بتسقي البت دي حاجه وليلي قلب امها علي نياتها
صفوان : جري ايييه يا جدعان في ايه وبعدين ايه الكلام دا يما دا احنا حتي في رمضان شهر كريم ومفيش فيه الحجات دي ما يمكن حامل ولا حاجه
رشا : شوفتي العلم نور ازاي صحيح ما يمكن حامل استني بس لما ترجع ونروح نطمن عليها ونشوف مالها
” احلام قعدت ساكته بس جواها قلقان علي ليلي وكل تفكيرها في كلام ام صفوان مش في كلام صفوان ”
” بسمله فونها ون ابتسمت وقامت ترد بس صوت امها وقفها ”
رشا : مين اللي بيرن بيكي يا بسمله ؟
بسمله بتوتر : دي وحده صحبتي يما هرد عليها واجيلكم
رشا : طب مدام وحده صحبتك قايمه تردي عليها بعيد ليه اعدي ردي هنا …. افتحي عليها
” بسمله الدم اتسحب من جسمها ولسه هتفتح التلفون بطل رن : قفلت ؟
رشا : رني عليها انتي ؟
بسمله بخوف : معيش رصيد يما
اسراء بتحاول تتوه الموضوع : جري اييه يا نااس مش هتيخنو الاكل دا القرآن لسه فاضل عليه ساعه قومو يلااا
احلام : ايوا صحيح قومي يلا يا رشا خلينا نسخن الاكل علشان منتأخرش ” وبصت للبنات ” وحده فيكم تيجي تعمل العصير والتانيه تعمل السلطه ووحده تكنس الصاله مكان رجلنا علشان نفطر يلااا
اسراء بهمس لبسمله : مرتين ربنا انقذك فيهم المره الجايا افتكري شكل ليلي وهي محبوسه بتعيط في الاوضه يا بسمله ” وسابتها وراحت علي المطبخ ”
………………………….
” في منزل غالي الجبراني ”
” فاطمه واميمه وانصاف والبنات قعدين في المندره قدام التلفزيون اميمه بتعمل السلطه وانصاف قعده بتسرح شعر كنز ”
اميمه : هو مصطفي مش جاي علي الفطار يما ولا ايه اصل رنيت بس تلفونه مقفول
فاطمه وهي بتسبح بسبحه : الله اعلم انا كلمت مراته بتقول وراهم شغل احنا هنعمل فطار وكدا كدا اكلهم متشال لوحده جوا ايجو علي الفطار خير مجوش لما يجي يبقو يكلو
انصاف : وليلي عملت ايه ولا الدكتوره قالتلها ايه يما ؟
فاطمه : بتقولها تمشي علي العلاج اسبوع لو مرتحتيش هتعملي منظار
انصاف : يسوادي دا المنظار دا بيقولو صعب اووي ربنا ما يكتبه عليها
فاطمه : اللهم امين وانتي يا كنز بتخلي امك تسرحلك ليه مبتعرفيش تسرحي
كنز : مبعرفش اسرحه حلو
انصاف : والله يما اكتفي من التسريح ليها ولزينب مبقدرش ارفعهم باجي علي بليل دا وبتوه عن معالم الدنيا
زينب بصتلها : وانتي بقالك شهر سرحتيلي انا اللي بسرح لنفسي ولا دي كنز مينفعش تقولي عليها لوحدها لازم تدخليني معاها
كنز : مش عرفه متغاظه مني ليه ؟
زينب : وانا لما اتغاظ هتغاظ منك انتي والنبي دا كلام
فاطمه : بس صلو علي النبي كدا هتتعاركو ولا ايه
” في المنصوره وتحديدا في مطعم كابوريا للماكولات البحريه علي النيل ”
مصطفي قعد هو وليلي وطلبو سوشي لليلي وطلب لنفسه سمك مقلي مع رز وسلطه واكد ان الاكل يجي علي اذان المغرب اللي كان فاضل عليه نص ساعه ”
مصطفي بص ليلي : اظن انا مشغول عنك بما فيه الكفايه النهارده صح ؟
ليلي : كويس انك عارف يا مصطفي يا جبراني
مصطفي بضحك : طب اعمل ايه يا قلب مصطفي الجبراني انتي شايفه بنفسك فاكره قبل الجواز لما كنت بتأخر عليكي ومش بتكلم معاكي بتلات ايام
ليلي : ايوا فاكره كنت بكون عوزه امووتك كدا واقول مش هود عليه لو رن واول ما اشوف اسمك علي الفون الووو وحشتني يا حبيبي انت فين
مصطفي بضحك : وقتها بقا بكون جاااي من الشغل وبيكون يوم تعب وهبطان ونكد وكل حاجه مجرد ما كنت بسمع كلمه وحشتني يا حبيبي دي كنت خلاص كدا اتعشت معايا مش عارز حاجه من الدنيا تاني
ليلي ببتسامه : كنت لما بتقفل معايا علشان تنام كنت بفضل افكر في حياتي معاك لو اتجوزتك هتكون شكلها ايه يعني كنت بقول لما ترجع من شغلك هبطان
وتعبان تدخل تاخد دش كنت هتطلع تلاقيني وقفه في المطبخ بسخن اكل الغدا علشان ناكل سوا وبعدها نعد في حضن بعض نسمع فيلم قديم ونضحك لحد ما ننام يعني فاهم الحياه اللي انا بعيشها معاك دي انا حلمت بيها في يوم
مصطفي مسك ايدها : انا بقا مكنتش بفكر في اي حاجه في الدنيا غير ان اعرف اتجوزك لان انتي مكنتيش هتكوني غير ليا اصلا بعدها بقا فكرت لما نخلف وانتي حامل ونكدك وتعبك وانتي بتتوحمي وتصحيني من اعز نومي علشان تعبانه يعني في حجات انا فعلا حاببها معاكي
ليلي بحب : يكفيني من هذا العمر انك مررت فيه
” وفضلو يتكلمو لحد ما الاذان اذن والاكل نزل ليهم ”
ليلي كانت متحمسه لسوشي اووي اول ما اكلت قطعه وحده بصت لمصطفي اللي بيدعي قبل الفطار وهي بتبلعها بالعافيه : ايه دا هو دا السوشي اللي كنت هموت عليه ؟
مصطفي ابتسم علشان متأكد انه مش هيعجبها وبدء ياكل : بسم الله …. ايه يا ليلي السوشي حلو ؟
ليلي بعد ما شربت اكتر من مره مايه علشان تضيع طعم السوشي : جميل جمال كا جمال جمال ابن عمي والله يا جوزي
مصطفي رفع حاجبه : اممم سيرة جمال بقت بتيجي بينا الامر بقا بيتعدي عادي
ليلي : يا حبيبي هو انا جيبه سيرته وبحب فيه دا انا بقولك كجمال جماله يعني طعمه وحش اووي بصراحه
مصطفي بضحك : ما انا عارف انه مش هيعجبك تعالي كلي معايا عامل حسابك
ليلي بضحك :ورطك في مبلغ صح ؟
مصطفي بضحك : لسه مش عارف الحساب بس اكيد حساب محترم يا مراتي ” وبدء يأكلها في بوقها وهي بتاكل بنبساط “يلا طبق السلطه دا هيتاكل كله
ليلي : انا مبحبش الجرجير ولا الخيار وانت عارف هاكل الطبق اللي مفهوش غيرهم دا ازاي
مصطفي وهو بيحط المعلقه في بوقها مليانه سلطه : كلي فضلنا ندلع ونقول كلي اللي نفسك فيه لحد ما المرض هيمشي في جسمك ” ليلي لسه هتتكلم ” ولا كلمه الطبق هيتاكل كله اخلصي
” فعلا ليلي اكلت الطبق غصب عنها ومصطفي طلب ليهم عصير وبدؤ يشربو ”
مصطفي : ها مزاجك جايبك نروح فين تاني ؟
ليلي برجاء : عاوزه فانوس
مصطفي : يا ليلي فانوس ايه اللي انتي عوزاه دا بدل ما تقولي اجبلي هدوم ادلعك بيها ؟
ليلي : شوفت انت قولت ايه الهدوم هجيبها ادلعك انت بيها
مصطفي بضحك : ما انا هدلعك برضو يعني فاعل ومفعول به في الاخر
ليلي : مصطفي يا جبراني بطل سفاله احنا في رمضان
مصطفي : ما انا طول النهار محترم دلوقتي فطرت خلاص اقل ادبي بمزاجي بقا
ليلي : يلا يا مصطفي نروح اه صحيح جدتي فاطمه اتصلت بيا واتكلمت معاها وسألت عليا
مصطفي طلع فونه ورن علي غالب : هكلم غالب اشوفهم كدا
غالب : ايوا ما هو من لقي احبابه نسي اصحابه يا عم مصطفي انت لو مهتم بيا وبتحبني كنت رنيت بيا وكلمتني لكن معبرتش اهلي من الصبح
مصطفي : ما تسترجل ياااض في ايه دا مراتي مبتعملش كدا
غالب : شوف وفي الاخر بتشبهني بنراتك اللي حت وخربت علاقتنا بس انا لحد كدا وخلاص مش هسكت هروحلها وهعرفها ان حامل منك
مصطفي : حامل مني ازاي معلش؟
ليلي بصتلها بفزع : مين اللي حامل منك يا مصطفي ؟!
مصطفي : استني انتي التانيه كدا دا غالب انت يلااا اظبط علشان ليلي شكت فياااا
غالب : افتح الاسبيكر كدا هظبطلك الدنيا
مصطفي فتح الاسبيكر : انطق فهمها الحوار
غالب : الوو ليلي في وحده هنا وقفه قدام البيت وبطنها مترين قدامها وعماله تقول انها حامل من جوزك ومش عرفين نسكتها
مصطفي بغضب : يابن **** وحده مين يا حمااار هتضيع الدنيا الله يحرقك بجاز وسخ ” وبص لليلي ” بالله بيوقع بينا مفيش كلام من دا خالص
ليلي بصت لمصطفي وخدت الفون منه : رن نت يا غالب وافتح الكاميرا وريني الست اللي بتقول عليها ؟
غالب بضحك : بهزر وربنا مفيش كلام من دا ولا وحده ولا غيرها انا بنكش فيكم بس مش اكتر
مصطفي شد الفون بغضب منها : وحياة امك يا روح امك لما اجيلك لدفنك يا اوسخ انسان في مصر صبرك عليا يا غالب الكلب
غالب : حبيب قلبي تسلملي والله يلا سلام بقا علشان الحته بتاعتي بترن هتفكرني بخونها ولا حاجه
مصطفي : اجيلك بس وهيوظلك حوارك دا من الالف للياء ” وقفل في وشه “
ليلي : استني بس هو غالب متربط ولا ايه
مصطفي بغضب : هو ايه اللي رن كاميرا وريني الوحده اللي وقفه انتي كمان
ليلي مسكت ايده بحب : يا روحي بكدبه انا مصدقتوش اصلا والله
مصطفي : عيل عليه يوقع بلدين في بعض وهو قاعد علي قده كدا
ليلي بضحك : بس بالله دمه خفيف اووي المهم مجاوبتش هو مرتبط ؟
مصطفي بص ليها : بصي هقولك علي اللي فيها هو بيحب بسمله بنت عمك وبيكلمها بس مش عارف يتقدم ليها بسبب المشاكل اللي بينا
ليلي بصدمه : بسمله بنت عمي سالم ؟؟؟!
يتبع …….
” مصطفي بيسوق العربيه في طريقه للبيت وليلي قعدة سرحانه جنبه ”
مصطفي : في ايه يا ليلي من ساعة ما قولتلك بيحب بنت عمك وانتي ساكته في ايه ؟
ليلي بصت ليه بتوهان : انا كنت حاسه ان بسمله بتحبه بس مكنتش اعرف ان غالب بيبادلها الحب دا واستغربت لما قولتلي عاوز يتقدم ليها انا مش بنت عم سالم ولا اخت جمال وحبسوني في الاوضه واضربت علشان قولت بحبك امال هيعملو في بسمله ايه لما يعرفو انها بتحب غالب الجبراني فكر بالعقل كدا ؟!
مصطفي وهو بيولع السيجاره:الله ينور عليكي انتي كدا دماغك شغاله ودا الكلام اللي غالب بيفكر فيه وفي النهايه اللي رايده ربنا هيكون المهم معدتك وجعاكي ولا حاجه ؟
ليلي : لاء معدتي حلوه بس انا قرفانه من ساعة ما اكلت السوشي حسه ان في ظفاره في بوقي ومهما شربت مايه مش بتروح وطعمه وحش اوووي والراجل يقولك ب 260 جنيه الن النصابه
مصطفي بغيظ : انا بعد كدا لما اكون عاوز اخرج معاكي لازم ولا بد يكون معايا بتاع 2000 جنيه دا انا بروح القهوه وباااجي مبكلمش الخمسين جنيه يا بت الدايخه
ليلي ضربته في كتفه : انا بنت دايخه يابن الجبرااني دي الرحمه اللي بتقولها لأمي ؟!
مصطفي مسك ايدها بإيد والسيجاره في ايده التانيه وعضها وهو باصص لطريق : وفي مره تقول لجوزها بإسم عيلته يابت الحبايبه انتي عوزه علقه سخنه تفوقك
ليلي بوجع وهي مسكه ايدها المغضوضه : حراام عليك يا مصطفي ايدي وجعتني ……. بقولك ايه يا جوزي ما تجيبلي نفس ؟
مصطفي بصلها : وماله يا غاليه ومااالو ما انتي شيفاني خرع بقااا
ليلي بدلع: دا انت سيد الرجاله كلهم يا صاصتي
مصطفي بصلها : طب بصي احنا دلوقتي علي الطريق بلاش دلع وشغل نسوان لحد ما نروح علشان انا طاقتي صغيره والله
ليلي ضحكت بصوتها كله : خلاص هراعي فيك ربنا وهسكت ” وفونها رن وكانت احلام ” الووو ايوا يا ماما احلام
احلام بلهفه: حبيبة امك فيكي ايه يا ليلي ومعدتك مالها من يوم ما اتجوزتي وانتي مشوفتيش يوم سعاده ابدا من عيلة الجبراني
ليلي : احم يا احلام انا كويسه والله مفيش حاجه دول شويه وجع جم في معدتي وخلاص راحو وبقيت كويسه والله
احلام برتياح : الحمدالله كلمت المايل حالها اميمه قالت عند الدكتوره وقفلت الدكتوره قالتلك ايه
ليلي : كتبت ليا علي علاج قالت امشي علي العلاج دا لمدت اسبوع وانشالله خير
احلام : طيب واتكلمتي معاها في موضوع الحمل وان اتأخر ؟
ليلي : لاء متكلمتش معاها دي دكتورة بطنه مش نسا وولاده وبعدين اتأخر ايه هو احنا لحقنا يا احلام
احلام بلوية بوز : شدي حيلك مع جوزك يا ليلي علشان تحملي اميمه عوزالك الدمار مش عوزه العمار ليكي وانا قولتلك كلمه
ليلي بغباء : اشد حيلي مع جوزي اعمل ايه يعني ؟!
” مصطفي بصلها بغضب شديد وليلي اخدت بالها ”
ليلي بتوتر : طيب يا احلام هرن بيكي تاني بس لما اوصل يلا سلام ” وقفلت ”
مصطفي بغضب : هو ايه اللي تشدي حيلك مع جوزك بتكلمك في الامور دي ليه ؟
ليلي بتوتر : كانت بتسألني علي الحمل وقالتلي كدا
مصطفي بصلها بغضب : انتي اللي سمحتي ليها تتكلم في ميتين ام الحوار اللي المفروض يبقي بيني وبين مراتي لكن مشاء الله الحوار متاااح لحارتنا وحارتكم ناقص يعلقو يافته علي اول الشارع يكتبو شوفو ايه اللي بيحصل مع مصطفي ومراته في اوضة النوم يادين اهلي علي دي وساااخه
ليلي بمحاوله انها تهديه : طب قولي اعمل ايه وحده بتسألني والوحده دي اللي هي تعتبر امي ومن حقها تسأل علشان عوزه تطمن عليا فين الغلط يا مصطفي
مصطفي بغضب وصوت عالي : هو ايييه اللي من حقها تسأل متهبلنيش عليكي لما هي بتتدخل في اخص حاجه بين اي اتنين متجوزين امااال فين الحياه الخااصه اللي بيني وبين مراتي امك علي دماغي وعلي راسي تسأل عليكي حصل حصل محصلش لما ربنا يؤمر انما تسأل علي حجات بينا مسمحش بكدا انا
ليلي بضيق : مصطفي هي مبتكونش معانا في اوضتنا علشان تقولي هي مدخله في حياتنا الخاصه هي بس عوزه تطمن عليا مش اكتر
مصطفي بصوت عالي :انا ابن ستين كلب ان بجادل معاكي روحي عرفيها مجهودي معاكي يا ليلي ” وسرع السرعه بتاعت العربيه ”
” ليلي غمضت عينها من سرعة العربيه وزعلت علشان هي عرفه ان كدا اهانه لرجولته بس هي هتعمل ايه واجب ترد علي امها وتطمنها ”
ليلي مسكت ايده بحذر علشان تهديه : طب خلاص اهدي يا مصطفي محصلش حاجه وسيب السجاير انت حرقر 3 علب النهارده كفايه
مصطفي وهو بياخد نفس كبير من السيجاره بغضب : مدام انتي شايفه ان كل اللي بيحصل صح يبقي انا خلاص هعتبره صح وزي ما قولتلك اعملهم بث مباشر بالي بيحصل بينا اهو بدل ما تتحرجي تحكي او حاجه ما هي بقت خلاص امر عادي
ليلي بزعل : علي فكره انت كبرت الموضوع انت عارف ان بتكسف اتحرك قدام حد مش معقول هروح احكيلهم اللي بيحصل بيني وبين جوزي
مصطفي : ممكن متتكلميش معايا لحد ما اروح واهدي ونبقي نتكلم علشان خاطري بجد مش طالبه كلام خاالص
ليلي بدموع : ولو انا مضيقاك اوي يا عم ومش طايقني وديني عند اهلي واخلص مني
مصطفي بصلها بنظره خوفتها : صووتك مش عاوز اسمعه لو فعلا خايفه علي نفسك
” ليلي فضلت السكوت علشان عارفه ومتأكده ان لو مسكتتش هتفتح باب هي في غني عنه ”
…………………………….
” في منزل الجبراني ”
” العيله كلها صلت التراويح ورجعو وقعدو في المندره يسمعو المسلسل لقو احلام وام صفوان وغفران وبسمله واسراء دخلين عليهم ”
غفران : ياارب يا ساتر يا حج غالي
غالي قام وقف وطلع ليهم : يا هلا يا هلا الحج غفران بنفسه في داري دا ايه النور دا اتفضل يا حج اتفضل
غفران : الدار منوره بأهلها يا يا حج غالي
فاطمه لأحلام وام صفوان : يادي النور والبركة ادخلو ادخلو تعالو يا غوالي ” ودخلتهم علي المندره ”
احلام : البيت منور بيكي يا حجه فاطمه والله ليلي رجعت ولا لسه
فاطمه : زمانهم علي وصول يا كبدي ” وقالت بصوت ليهم في المطبخ ” ياااا كنزي اعملي الشاي يا كنزي ” وبصت لإسراء وبسمله ” الصلاه علي النبي بناتكم زي فلق القمر وعندنا ليلي يخليها لجوزها زي القشطه
بسمله ببتسامه : ربنا يخليكي يا نينه مفيش اجمل ولا احن من قلبك
ام صفوان : امين امين ولا انتي متكلمتيش مع مصطفي في موضوع الخلفه دا ولا ايه اكيد انتي واعيه لحميده الدايه اللي جنبنا هناك ناخد ليلي تشوفها دي ايدها
فيها البركه والله يا حجه
” عند الكلمتين دول كانت لحظة دخول ليلي ومصطفي ”
مصطفي بص لليلي بنظرة شايفه وقال بغضب شديد ليهم : داية ايه اللي اودي مراتي ليها يا خاله ام صفوان ” واتكلم بصوت عالي ” انتو بتتكلمووو في الموضووع وكأن الحوار عااادي تتكلمو فييه
ليلي بمحاولة هدؤه : مصطفي هماا..
مصطفي بغضب : صوووتك مش عاوز اسمعه ولو سمحتو يا جماعه انا مش مودي مراتي عند دايات ولا مستجعل علي الخلفه ولا انا متجوز بقالي 9 سنين علشان اقلق ولما ابقي اقلق هروح اكشف وحورات الدايه وشغل الجهل دا ياااريت ميتفتحش قدامي تاني
غفران قام وقف بغضب : ازاي يعني الكلام دا يا غالي احنا بينا اتفاق ان ابن ابنك يجيب لينا حفيد يمنع المشاكل اللي بينا ولا انتو رجعتو في كلامكم
“غالب دخل علي البيت وفي ايده الملف بتاع التحليل وكان دا الكلام اللي داير قدامه”
مصطفي بغضب :نتكلم بالعقل والدين انا مش عااوز جهل انا دلوقتي كويس مع مراتي ومراتي كويسه معايا وحياتنا فل الحمل دا نصيب ولما يجي وقته ولا مفيش تفكير ولا فييي ايه ؟
غفران بغضب واتهام : واحنا ايه اللي يبين لينا انك دخلت علي مراتك وانا شايفك رافض فكرة ان الدايه تشوفها يبقي انت مقربتش ليها وخايف حد يعرف ؟!
عند النقطه دي مصطفي متحملش اكتر من كدا : اقسم بديني لولا واحد كبير لكنت دفنتك مكااانك تفكيرك يوصل انك تشكك بعلاقتي بمراتي دي فيها جنااايه يا غفران يا حبيب
غالي بغضب : جري لعقلك ايه يا غفران علشان تقول لمصطفي كدا متنسااش انت بتتكلم مع مين وعلي مين احنا عيلتنا مبتجبش غيررر رجاله يا غفرااان وان
عارف كدا كويس اووي
فاطمه : خلاص يا رجاله صلو علي النبي وبعدين يا حج غفران ايه الكلام اللي بتقوله دا والله لو مكنتش من البلد وعارفنا كنا قولنا مجهول عننا لكن انت عارف مين مصطفي ومين غالب
خالد بغضب : احنا اشتالنا بت ابنك علي كفوف الراحه وعملتها كأنها بنتي وهي تشهد علي كلامي لكن توصل بيك انك تشكك في رجولة ابني عند دي ومش هنسكت يا غفران
اميمه : مستني ايييه يابني طلقهااا وانا اجوزك ست ستها
غفران نطق بكلمه وحده : احلااااام هااااتي ليلي وتعالي واسمععع يا مصطفي يا جبراني ورقة بت ابني تكووون عندي وانسي ان في نسب بينااا
“مصطفي لسه هيتكلم وفعلا كانت وصلت بيه انه هيمد ايده بس اتفاجئ بليلي اللي وقفت في وشهم كلهم ”
ليلي وقفت ورا مصطفي :جدي بس انا مش همشي من بيت جوزي انا مش عوزه اطلق
غفران بغضب : لتاني مره بتكسري كلمتي يا عااار علينااا وعلشانه
ليلي بصت في الارض : واكسر ميت كلمه علشانه يا جدي
” غفران طلع بغضب واحلام ودعت ليلي وجريت وراه مشيو علي البيت وغالب بص لبسمله بنظرة ان الدنيا بتتعقد وهي فهمت نظرته ومشيت موجوعه ”
غالي : مصطفي تعالي معايا في المندره عوزك في كلمتين ” وراح علي المندره ومصطفي وراه ”
اميمه بغضب لليلي : من يووم ما جيتي البيت ومفهوش غير الخرااب يابت محمود الحبيب
خالد بغضب : اميمه يا تعدي وانتي ساكته يا تخدي بعضك ومش عاوز اشوفك ” وراح طبطب علي ليلي اللي غرقانه في دموعها ” حقك عليا انا يا بنتي انتي مش شبهم ولا زيهم انتي بت محمود الطيب ووخده قلبه الله يرحمه
ليلي بدموع : والله يا عمو انا ولا عرفه اراضي اهلي ولا اراضي جوزي ومتعلقه بينهم
فاطمه خدتها في حضنها : جوزك يا ليلي هو اللي باقي ليكي حضنك وسندك وضهرك واتبسط منك لما اخترتي تعدي معاه
ليلي بشهقات : يا جدتي انا بموت فيه ومقدرش اعيش من غيره ساعه وحده بس هو ديما بيتعصب عليا وانا فعلا مش عرفه اعمل ايه معاه
فاطمه : لازم اي اتنين متجوزين يقابلو اي مشاكل في الاول بس الست الشاطره اللي تحافظ علي جوزها وبيتها يا بنتي ويلا قومي اطلعي شقتك وخدي اكلكم من المطبخ وانا هبعتلك مصطفي يلا
” ليلي مسحت دموعها في كم عبايتها وقامت راحت اخدت الصينيه اللي في المطبخ وطلعت علي شقتها اخدت دش وغيرت هدومها وراحت تسخن الاكل بعياط
سمعت زرعت باب الشقه وبعدها باب الاوضه “
ليلي مسحت دموعها : استر يارب ” وطفت النار علي الاكل وراحت علي الاوضه بحذر فتحت الباب كانت مصطفي واقق وبيغير هدومه بغضب واضح ”
مصطفي بصلها : ولا هزعق ولا هتعصب ولا هعلي صوتي بالعكس انا هااادي خالص بس عاوز اسألك سؤال انتي مبسوطه بالي حصل ؟
ليلي بصت للأرض : لاء مش مبسوطه بس انا والله مكنتش اعرف ان كل دا هيحصل
مصطفي بغضب : خالتك جايا تاخدك عند الدايه تكشف عليكي وتشوف الحمل متأخر ليه جدك جاي يشكك من رجولتي وبيقولي يا تري ان كنت دخلت علي مراتك ولا لاء واحد مكانه لو بيقولي كدا كنت دفنته وانتي عرفه لكن قولت لاء هعمل حساب لمراتي علشان مهما كان دول اهلها وسمعت اهانه قدام اهلي وفوتها عادي علشانك انتي ايه رأيك يا ليلي ؟
ليلي قرب منه بدموع : والله العظيم ما اتكلمت مع حد من اهلي في اي حاجه بتحصل بينا كل اللي اتكلمنا قالتلي عمله ايه مع جوزك قولتلها الحمدالله كويسين ولا قدمت ولا اخرت
مصطفي بتنهيده مسك ايدها وقعدها علي السرير وقعد قدامها : احنا اول جوازنا اتفقنا ان محدش يدخل بينا وحتي لو كان مين وان حياتنا دي خاصه بينا ومندخلش تالت فيها صح ؟
ليلي هزت راسها : صح وانا والله عملت بكدا وحياتك عندي
مصطفي بصلها : انتي ممكن تكوني بتتكلمي عادي بس الناس تكبرها من مفيش يبقي ليه ندخل حد بينا في اي حاجه مهما كانت
ليلي بدموع : والله ولا عمري هنطق بكلمه تانيه غلطه واتعلمت منها وخلاص والله
مصطفي مسح دموعها : وانا مصدقك وهفضل طول العمر اصدقك لأنك مش مراتي وبس لاء انتي امي وبنتي وكل حاجه بنسبالي يبقي نبدء من جديد وصفحه جديده مفهاش غير مصطفي وليلي بس
ليلي حضنته : موافقه نبدء من جديد يا حبيبي موافقه
مصطفي فونه رن وكان غالب : بس الظاهر بدايه الصفحه الحرف الاول رن هاتف مصطفي بالمدعي عليه غالب هرد وارجعلك تكوني غسلتي وشك وعملتي اكل لينا
“ليلي هزت راسها بضحك ومصطفي طلع البلكونه يرد علي غالب اللي طلب ينزله بسرعه وفعلا مصطفي نزله علي تحت لقي فاطمه وغالي نامو واميمه وخالد
نامو وغالب اللي قاعد في المندره ”
مصطفي دخل قعد جنبه بقلق وولع سيجاره ليه وسيجاره ليها : البيت كله نايم من بدري ليه كدا ؟
غالب : دخلو ينامو ساعه قبل السحور دلوقتي المسحراتي يجي والدنيا تصحي المهم عوزك في حوار
مصطفي بيدخن سيجاره : علي فكره انت قالقني بس قولي في ايه اتكلم ؟
غالب : المرض المنتشر دا معدي للإنسان بنسبه 60٪ واكتر من 20٪ دلوقتي من البشر معدي من المرض دا وعلي حسب كلام الخبير ان البشريه داخله علي مرض جديد ولازم وقايه جامده لنفسهم
مصطفي بتركيز : وانت فكرك بلد زي بلدنا دي هتعرف يعني ايه وقايه من الفيروسات يا غالب دا لو واحد مشي صح مع التعليمات الف مش هيردو علينا
غالب : والعمل فعلا المرض بقا ينتشر بشكل غير طبيعي والوضع مش مطمن خالص
مصطفي : شعارف بس لازم نحاول انا هروح الوحده الصحيه اللي في البلد بكرا واشوف لو فعلا في حد في البلد المرض منتشر في جسمه ولا لاء لو لقيت هنبدء نشوف تعليمات الوقايه والعلاج بس لازم فريق طبي كاامل يكون معانا وبكرا نشوف ونحدد هنعمل ايه
غالب : انشالله يا اخويااا
مصطفي : هتعمل ايه في حوار بسمله ؟
غالب بتعب : مش عارف والله يا مصطفي يعني كل ما اقول يا هادي والدنيا هتروق وتبقي فل بتتعقد اكتر واكتر وفعلا مش عارف اعمل ايه
مصطفي : غفران الحبيب مش سهل دا حقود مهما عملت ليه عارف بنته اللي راحت قصاد عِنده دي مأثرتش فيه بس هو عاوز يبان قدام الناس الشهم اللي خلص نفسه من العار
غالب : دا الناس كلها خبيتها جمعه وسبت وانا خيبتي مورضتش علي حد يا جدع اليوم اللي اقول يا جواز طلع في بيني وبينها بلاد وانهار وجبال
مصطفي بضحك : عارف انت اغنيه اوقات بيجي الصح في الوقت الغلط اهو انت كدا مش عارف اضحك عليك ولا اعيط
غالب بغيظ :يعني انت لما كنت بتعد نفس القعده وتتكلم علي ليلي وانا ببقي قاعد مش عارف اعملك ايه وخلاااص الدمعه هتفر من عيني وانا لما انحطيت في
نفس الموقف هتفطس من الضحك عليا
ليلي نادت بصوت عالي من فوق : يا مصطفي يلااا الكل اتسخن
مصطفي : جي اهو ” وبص لغالب ” قوم اتسحر معايا قووم قوووم ليلي جهزت اهي وانشالله الحورات دي هتتحل تبات نار تصبح رماد يابن العم
غالب وهو بيولع سيجاره : نار بقا ولا جنه كدا كدا خرحب المهم اطلع انت اتسحر وانا هعد اسمع جعفر العمده علشان مسمعتوش علي الفطار وشويه العيله كلها تصحي نتسحر اطلع اطلع يلا
مصطفي قام وقف : طب يلا هطلع اكل علشان ميت جوووع ” وطلع علي الشقه ودخل الشقه واتصدم من منظر ليلي المهلك لذات لبسه شورت اسود ستان وتوب اسود ستان وعمله شعرها ضفيره “
مصطفي وهو بيهرش في دقنه : يعني والنبي الحجات اللي قمر دي تبقي في رمضان دا مش حرام عليكي طب ارقفي بيا طااايب
ليلي بصت ليه بضحك : بحاول انسيك مشاكل اليوم
مصطفي قرب منها وشدها علي حضنه وحاوط وسطها واتكلم ونفسه في رقابتها : انا مش عارف اعمل معاكي ايه يعني اتخانق معاكي ولا احبك اكتر واكتر انام في حضنك ولا اعاقب نفسي وابعد قوليلي اعمل ايه يا ليالي
ليلي وهي محاوطه رقابته : لسه هنواجه مشاكل اكبر من كدا ولسه هنغضب من بعض كتير بس يومها منبعدش نفضل مع بعض نكبر العيله الصغيره اللي احنا عوزين نكونها وحلمنا اننا نكونها اسمع من الكل بس اسمع قلبك قبلهم
مصطفي بتوهان : قلبي بيقولي ليلي وبس بغلط في اسمك حتي في شغلي انا مش عاشق ليكي لاء انا مُتيم بحبك
ليلي حاولت تبعد : طب ناكل الاول ممكن لأن جعانه اوووي
مصطفي فك حصارها : انا بقول كدا برضو ناكل وهقولك علي كلام فل الفل
” ليلي ضحكت وقعدت ومصطفي قعد ياكل معاها وطبعا مع غزله وكلامه فيها ”
” في غرفة زينب وبسمله ”
” بسمله ميته عياط في حضن اسراء وزينب مش فهمه اي حاجه ”
زينب : طيب ايه اللي حصل ابوكي عرف انك بتحبي غالب ولا غالب رافض يتجوزك ولا فيه ايه ؟
اسراء : مش كدا يا زينب عيلة الجبراني اتخانقت خناقه كبيره مع جدك وهو هناك وكان جدك عاوز ياخد ليلي ويطلقها من مصطفي بس ليلي اختارت جوزها
زينب : طب والله ليلي دي بتفهم جدك عاوز يطلقها من مصطفي الجبراني علشان يجوزها لجمال اخويا يبهدل ويضرب ويهين فيها براحته
بسمله بدموع : نظرة غالب ليا كلها بتقول ان مش هينفع نكون سوا
اسراء : ما هو دا الصح يا بسمله انتي وغالب نفس مصطفي وليلي لكن مصطفي وليلي الحظ وفق بينهم لكن انتو مستحيل
بسمله بنهيار : بس انا بحبه وبمووت فيه يا اسراء مقدرش احب غيره ولا اتجوز غيره هو كمان عاوزني
رشا من علي الباب :……………….!
يتبع ….
رشا بغضب : انتو التلاته مفيش وحده فيكم سمعت صوتي انا بنادي عليكم بقالي سااعه ” وبصت علي بسمله ” بتعيطي ليه يا بسمله ؟
بسمله مسحت عيونها بتوتر : مفيش يماا انا بس بطني وجعاني وعيط من الوجع
اسراء بتحاول تتوه الموضوع : كنتي بتنادي علينا ليه صحيح؟
رشا :انزلو علشان تجهزو معانا السحور مبقاش غير ساعه ومش هنلحق نخلص يلا
شهد مشيت معاها : يلا هاجي معاكي علي ما يجو ورانا
رشا : اخلصى علشان تحت ضيوف خالد الجبراني وابن اخو غالب وشكلهم هيتسحرو معانا ” ونزلت ”
بسمله بعدم تصديق : ميييين اللي تحت غااالب صح هي قالت غالب بجد ولا انا اللي بقي بيتهيألي ؟
اسراء : ايوا هي قالت غالب فعلا بس تعالي يلا ننزل نشوف جاين عندنا ليه
بسمله قامت بسرعه لبست الاسدال وظبطت شكلها واتنهدت : يلااا بسرعه قومي
اسراء بصدمه : هو الحب بيغير المود اوووي كدا يخربيتك يا بسمله ” ونزلت معاها علي تحت ”
” في صالون البيت “
غفران : يعني ايه الكلام دا يا رجاله ابنك يا خالد يقولي لولا راجل عجوز كنت ضربتك واقولي حقك علينا
غالب : ياحج غفران مصطفي كانت متعصب وليه الحق انا لو حمايا جاي يشكك في رجولتي ملوش عندي غير الإهانه
خالد : وسيبك من مصطفي دلوقتي حوار الخلفه الحوار دا في ايد حد فينا لاء دا في ايد ربنا ولما ربنا يؤمر الدنيا مخلصتش ياحج ولا ايه ياعم سالم
سالم : الحوار دا يبا الكل هيغلطك فيه الكلام دا في ايد الله وحده انت شاغل نفسك بيه ليه اصلا ؟
غالب: ودا اللي مصطفي بيتكلم فيه ان دي حاجه بينه وبين مراته ومش عاوز حد يدخل فيها يبقي احنا نحترم الرغبه دي علشان انا لو متجوز وواحد بيكلمني في حوار زي دا انا هطلع ميتين اهله
غفران : اللي حصل حصل بس انا مش متصالح مع ابنك يا خالد اللي اطاول عليا دا
جمال دخل بغضب : مين اللي اطاول عليك يا جدي وانا اجيبلك رقبته في خلال ساعه ؟
غالب وقف في وشه : علي مهلك يا وحش بدل ما اجيب انا رقابتك الحافظ غير الفاهم
صفوان : ودا ولا حافظ ولا فاهم تور هايج عاوز كل شويه يضرب وبس
جمال بغضب : انت وهو مبلبعين ايييه جاين تطلعوه علينا يلاااا
غالب : البلبعه دي شغلتك يا جمال دا احنا بنتعلم منك يا راجل
سالم بغضب : جماااال دول ضيوف في دارنا يا تعد بحترام يا تاخد بعضك وتخفي
خالد : حقك علينا يا حج غفران ومصطفي ليه اعتذار عندك وهيردو يلا السلام عليكم
دخلت احلام وبسمله وفي ايدهم اكل : حد الله ما حد ماشي دا احنا جهزنا سحور علشان خاطرك اعد يا غالب يا بني اعد يا ابو مصطفي والله ما حد يمشي ابدا
” بسمله حطه راسها في الارض من نظرات غالب ليها ”
غالب : خلاص مدام عملتي يا ام اسراء مش هنرجع ايدك هاتي الصنيه ” واخدها منها ومن بسمله اللي غمزلها ” بس بشرط الكل باكل معانا يلااا اعدي با انسه
بسمله يلا يام اسراء هاتي البنات وتعالي
احلام ببتسامه : ربنا يخليك لشبابك واحترامك يارب ” ونادت البنات وقعدو كلهم ياكلو ”
غالب بمرح : البيت بيتكم يا جماعه مش عاوز حد يتكسف
” الكل ضحك عليه وهو عينه كل شويه تروح علي بسمله اللي اصلا من الكسوف والتوتر مش عرفه تاكل ”
…………………….
” في منزل عيلة الجبراني ”
” ليلي وقفه في المطبخ بتحمر بطاطس وزينب بتقطع السلطه ”
ليلي لزينب : زينب خلصتي السلطه علشان اطلعها مع البطاطس ولا لسه
زينب : خلاص خلصتها اهو خدي طلعيها علي ما احمر 3 قرون فلفل حامي علشان ابويا بيحبه
” ليلي هزت راسها واخدت الاطباق طلعتها علي الطبليه كان مصطفي نايم علي رجل فاطمه وهي بتلعب في شعره ”
ليلي : يلا يا جماعه السحور جهز بس غالب وعمي خالد مجوش لسه
مصطفي : هما في الاساس فين اصلا ؟
غالي : غالب اصر يروح يطيب خاطر جدك غفران وراح هو وابوك
“مصطفي وليلي فهمو ليه غالب راح يصلح الامور علشان لما يتقدم لبسمله ”
مصطفي طلع فونه ورن عليه بس غالب قفل : بيكنسل في وشي يمكن في الطريق ” لكن لاقي رساله علي الواتساب ” انا وابوك بنتسحر في بيت حمايا المستقلبي وحاطت اموجي بيضحك ”
مصطفي بضحك : بيتسحر هو وابويا عند جدي غفران قومو نتسحر احنا بس خدي يا ليلي عوزك في كلمه في المندره
ليلي : حاضر هجيب الشاي واجيلك اهو
مصطفي حط ايده علي كتفها واخدها : يولع الشاي لما اقولك تعالي يبقي تعالي
ليلي بصت ليه : مش مرتاحه عاوز ايه يا مصطفي
مصطفي قفل الباب وحاصرها بينه وبين الباب : عكون عاوز ايه يعني عاوز بوسه علشان اختم اليوم
ليلي : اتلم يا مصطفي احنا تحت مش في شقتنا ؟
مصطفي : طلاق تلاته لخد بوسه هو لعب عيال ولا ايه ” وقرب منها وباسها بحب ” تصدقي بوسة الشقه بتكون حلوه عن هنا
فاطمه : يا ليلي تعااالو علشان السحور يلااا
اميمه : هما بيعملو ايه جوا اصلا ؟
غالي : ملنااش دعوه يا اميمه واحد ومراته هما حرين مع بعض
ليلي بعدت عن مصطفي برجاء : بالله عليك تعالي نطلع ناااكل منظرنا بقت وحش اووي
مصطفي بضحك : انتي هتفضحينا بوشك الاحمر دا اصلا وبعدين يابت الدايخه انتي مرااتي هو انتي خطيبتي وخايفه ابوكي يعرف ان بوستك
” ليلي ضحكت وفتحت الباب واخدت نفس وطلعت علي برا قعدت جنب فاطمه ومصطفي قعد جنبها ”
مصطفي : جدي غالب قالك ان المجموعه بتاعت المايه اتكسرت
فؤاد : يا جدع البتاعه دي اتصلحت 30 مره السنه دي وبتتكسر برضو بقول لسعد اللي ارضه جنبنا امبارح عليها يقولي يا جدع دا مسكونه مش مقرب منها
مصطفي بضحك : دا مخه فااضي اقسم بالله المهم عوزين نصلحها بس انا مستني نصلحها ونرش دوا في المروه اللي مليانه تعالين دي
غالي وهو بياكل :كله كووم وموال التعابين اللي هجه في البلد دي كوم تاني دا بقو يدخلو بيوت الناس عادي كدا محمود او فيصل مطلع اتنبن من بيته ليلة امبارح
اميمه : والمايل حالها سوسن راحت طاهرت بنتها والبت بتطلع في الروح الوقتي
ليلي بصدمه : عملتلها ختان لا حول ولا قوة الا بالله لو حد بلغ في الدكتور اللي عملها ليها هتروح في ستين داهيه
فاطمه : دكتور ايه يا بنتي دا الدايه حميده مخلصه علي بنات البلد كل ما تعد مع وحده وعندها بت تكبر في دماغها انها تطاهرها
ليلي : طب ما حد يوقف الوليه دي عند حدها كانت بتيجي عند بيت جدي كتير ومكونتش برتاح ليها خالص
انصاف : منها لله ربنا ينتقم منها البعيده عمله نفسها دكتوره وتروح تولد الوحده تموتها فيها
ليلي : مع ان الوحده الصحيه في البلد هنا حلوه وبتساعد كتير ليه الناس تروح ليها
غالي : وانتي عوزه واحد من البلد يسمح لمراته ان تكشف علي دكتور يقولك لاء الدايه حلوه واهي البلد مشت علي كده والناس اتعودت علي كدا
مصطفي : اقفلو حوار الوليه دي لانه فعلا بيعصبني ربنا ياخدها ويريحنا من همها ليلي علاجك اخدتيه ولا لسه
ليلي : العلاج فوق انا خلصت هطلع اخده اهو