لقت قلم نازل علي وشها من امها وبتقولها كدابة
ليلي بصوت عالي:مين اللي انت جايه معاة دة انطقي
اسماء بعياط:دا احمد الانصاري وكيل نيابة وبيحبني
ليلي بصدمة اي وكيل نيابةو اكملت بسخرية وبيحبك انتي وياتري بقا بيحبك عشان اي جمالك ولا عيلتك اللي مفيش اكبر واغني منها
اسماء حست باهانة من طريقة كلام امها وكلام البنتين اللي كانوا في المول عيطت كتيير وقالت:هو انا للدرجادي وحشة ومستاهلش يحبني وكيل نيابة
ليلي حست انها جرحتها بالكلام راحت عليها واتكلمت بحنيه لا مش وحشة انتي جميلة جدااااا طب قوليلي عرفتيه ازاي وامتي
اسماء: بدأت تحكي لامها من اول مره شافت فيها احمد لحد اللحظه اللي هما فيها ومخبتش اي حاجة
ليلي:طب هنفترض ان هو بيحبك شبه ما قالك تفتكري اهله ممكن يرضوا بيكي
اسماء بدموع:مش هيرضوا بيا ليه هو انا وحشه ومش جميلة
ليلي:بصي يحبيبتي تسمعي الكلام دا مني انا مامتك احسن ماتسمعيه من حد تاني ويجرح كرامتك
اولا انت مش وحشة انت اجمل واحلي بنوته في الدنيا كلها
ثانيا بقا الناس الاغنياء دول بيهتموا بالمظاهر والفلوس والسلطة واسم العيلةعمرهم ما يقبلوا لابنهم بنت ناس بسيطة حتي لو كانت ملكة جمال
اسماء بعياط:يعني اعمل اي يا ماما
ليلي بوجع علي حاله بنتها الوحيدة:يعني تنسية يحبيتي متكلميهوش تاني ولا تقابليه، انت المفروض مكنتيش حبتيه من الاول عشان الحب دا مش هيجي من وراء غير وجع القلب