سليم بحنيه حط ايده علي خدها ومسحلها دموعها
منه في نفسها بضعف يخربيتك هقوم ابوسك دلوقتي وانت عاجبني اصلا وبتبصله بتوهان
اححححم
سليم انا مستعد اتكفل بمصاريفك كلها
منه بصتله بزعل واتكلمت وقالت شكراً بس مش انا اللي اقبل بكدا كرامتي متسمحليش
سليم انا مش قصدي كدا
منه طيب بعد اذنك هروح اشوف شغلي
سليم اتفضلي
سابته وطلعت
سليم بتنهيده يخربيتك اول واحده تهزني بعد ملك
طلعلها واتكلم وقال يلا يا منه
منه علي فين
سليم هروحك
منه بس انا لسه ورايا شغل
سليم بقولك يلا
منه طلعت معاه واخدها يوصلها وقبل ما يوصلوا اتكلمت منه ببراءه وقالت هي اسماء كويسه مش عارفه ليه حاسه ان هي
زعلانه مني بس انا معملتش حاجه والله طب هي ليه قافله فونها
سليم بكدب قولتلك مضايقه شويه وفي نفسه اما اشوف الباشا هيعمل مع اهله ايه بقا
منه وانت سيبتها وجيت ليه مش هي اختك المفروض تبقا جمبها
سليم ورايا شويه شغل هنا وهرجعلها
منه طب بالله عليك خلي بالك منها واول ما تشوفها خليه تكلمني
سليم في نفسه انت ازاي برئيه كدا
وبعد شويه كانوا وصلوا تحت بيت منه
منه شكرا علي التوصيله دي
سليم لاء مفيش بينا الكلام ده
منه نزلت وطلعت لبيتها
وسليم مشي راح علي بيته
وفي صباح يوم جديد
في منزل وكيل النائب العام
اسماء بابتسامه صباح الخير يا قره عيني
احمدبابتسامه صباح النور يا حبيبي
اسماء هتروح النيابه
احمد ايوا
اسماء وهي بقوم بنشاط من الفراش هحضر الفطار علي ما تلبس وجرت علي المطبخ
احمد قام اتوضي وصلي ولبس وطلعلها
كان لابس بدله ومتشيك وبرفانه اللي مالي البيت