ليلي دا حلو اووي
اسماء اووووي اووووي يا ماما
ليلي ههههه مش اوووي كدا يعني
اسماء اتكسفت وبصت في الارض
ليلي باستها من خدها وجبينها وايدها
اسماء في ايه يا ماما هو انا هموت ولا ايه
ليلي بعد الشر عليكي بس انت كنتي وحشاني جيت عليكي في الفتره اللي فاتت
اسماء حضنتها ربنا يخليكي ليا يا ماما انت وبابا انا ماليش حد غيركم في الدنيا دي
ليلي بدموع ليكي اخوكي سليم ربنا يخليكم لبعض
يتبع…..
ليلي بدموع ليكي اخوكي سليم ربنا يخليكم لبعض
كانت بتردد الجمله جواها بتتمني انها تقولها الحقيقه وفي نفس الوقت مش عاوزها تعرف ان ليها اخ شبه سليم ودموعها نازله علي ابنها اللي وحشاها مهما كان دا ابنها
اسماء: روحتي فين يا ماما
ليلي بتداري دموعها:مفيش يا حبيبتي
تصبحي علي خير
اسماء وانت من اهله
طلعت ليلي لاوضتها وانهارت من العياط
محمد بحنيه في ايه يا ليلي
ليلي انا عاوزه سليم يا محمد انا ابني وحشني حرام والله اللي بيحصلي وبيحصل لعيالي ده
محمد بحنيه حضنها وقدر موقفها كأم واتكلم وقال مش لوحدك والله انا كمان نفسي اشوفه واخده في حضني
وفي نفس الوقت مش طايق سيرته ولا عاوز اشوف وشه
ليلي:طب اسماء يا محمد لو عرفت هنعمل ايه دي مبتكرهش في حياتها قد الكدب حتي لو كدبت عليا في اي حاجه بتيجي
بعد كدا وتقولي
محمد بخوف عشان اسماء: احنا مش هنخلي اسماء تعرف حاجه وانت كمان يا ليلي تتأقلمي علي غيابه وان هو ميستاهلش يكون ابننا
ليلي بعياط وتهكم: اتأقلم انا ام انا ليه محدش حاسس بيا
محمد: ليلي اسماء لو عرفت هنخسرها