محمد: و اي دكتور مكاني مكنش هيدخلكوا
مريم: صح
محمد: يبقي مين اللي غلطان
مريم: انت
محمد : صبرني يارب ،انا غلطان ليه
مريم: انت بتدعي ع نفسك ليه يعم ،عشان زعقتلنا وزعقتلي انا بالأخص
محمد: انا دعيت ع نفسي ازاي ي بنتي
مريم: دعيت انك تبقي صبار دة الصبار وحش وبيشوك
محمد: لا انا هتشل خلاص ،المهم خلاص رضيتي عني
مريم: بعد الشر عنك م الشلل ،لا مرضتش عنك انت مصالحتنيش اصلاً
محمد: طب عايزة تتصالحي ب اي
مريم: شوكولاته
محمد: عنيا انا اصلاً عامل حسابي ع عارف انك م هتتصالحي غير ب كدة
مريم: طب بترغي ليه من الأول ما تطلعها من الأول بدل كل الهري دة
محمد: خدي يختي وان شاء الله يطمر،المهم بس متتأخروش تاني ع محدش هيدخل بعدي
مريم وهي بتاكل الشوكولاته: اه اه ان شاء الله
محمد: طب انا ماشي بقاا
الأم: انت ملحقتش تقعد يابني اقعد اتغدي معانا
محمد: لا معلش ي عمتو مرة تانية ورايا حاجات لازم اعملها
الأم: ماشي ي حبيبي بس ابقي تعالي تاني
محمد: ماشي ي عمتو سلام
الأم: سلام ي حبييي
مشي محمد وفي دماغه حاجة بيفكر فيها وملقاش غير حل واحد
محمد كلم علي وقاله ع الفكرة اللي ف دماغه ( مش هقولكوا اي الفكرة دلوقتي بس اكيد معظمكوا توقعها)
وعلي رحب بالفكرة جداً
نروح للبنات ع الجروب وهما بيتكلموا
مريم: جدعااان محمد صالحنيي
سالي: صالحك ازاي يعني م فاهمه ( انا م مستريحة للبت دي)
مريم: جابلي شوكولاتة ع زعقلي الصبح
سالي: اهاا ماشي مبروك
منه: مبروك💃،اوعي تكوني اتصالحتي بالساهل
مريم: عيب عليكي دة انا طلعت عينه الأول
منه: شطورة ي مريومتي
نروح ل تاني يوم وكان يوم الجمعة ووقت تنفيذ فكرة محمد
الأم: مريم ي مريم